گلچين حسيني
اشعار عرفاني مرحوم صراف تبريزي
+0 به يه ن
اشعار عرفاني مرحوم حاج رضا صراف تبريزي
وصل
من ترك شراب لب يار ائيلديم اولدي
زهر غم هجريله مدار ائيلديم اولدي
اي شيخ بهشتي دئمه ترك ائيلييه ن اولماز
من ترك سر كوي نگار ائيله ديم اولدي
اؤز جانيني ترك ائيليين اولماز من اؤزومدن
روحوم كيمي جاناني كنار ائيلديم اولدي
ممكن دگي بير محنته مين جان دؤزه اما
من جانيمي مين درده دچار ائيلديم اولدي
دانسته و فهميده خط و خاله ويريلديم
اؤز اؤز گونومو تيره و تار ائيلديم اولدي
هئچ كيمسه اؤزون خار و ذليل ايسته مز اما
من اؤز اؤزومو دهرده خار ائيلديم اولدي
عرفان نظربازي و رندي و ظريفي
عالمده خلاصه نه كي وار ائيلديم اولدي
صرافه دئديم حكمتيلن يوخ وار اولانماز
گولدي دئدي باخ گؤر يوخي وار ائيله ديم اولدي
***
تب عشق
چشم سيه يار دل پير ايلن اوينار
آهوي خطا ديديه باخ شير ايلن اوينار
سالميش اوزه تك خاليني يانديرسين حريفي
ليلاج دغل بازدي تدبير ايلن اوينار
آئينه ده اؤز عكسينه ياريم اولوب عاشيق
صورتگره باخ چكديگي تصوير ايلن اوينار
صبريم كسيلير عُمر آزالير محنتيم آرتار
فوج مژه تا غمزه، پي پير ايلن اوينار
روحيم اوچار از بس كي سيزيلدار دلِ زاريم
مطرب كيمي دستگاه بم و زير ايلن اوينار
اويناتماغا يوخ زولفون اگر اولما مكدّر
ديوانه اولان حلقه ي زنجير ايلن اوينار
مستانه گؤزون اوينادا قاش، ائتمه ملامت
ميخانه ده هر كيم قالا شمشير ايلن اوينار
تؤك خنجر ناز ايله قيزيل قانيمي، دورما
صياد هاچان توتدوغو نخجير ايلن اوينار؟
چوخ ائيلمه پيچ و خم و دستاريله بازي
قورخام ديه لر فتنه دي تزوير ايلن اوينار
اوينار تب عشق ايله وجودوم گئجه گوندوز
صراف دي گويا غم اكسير ايلن اوينار
***
وجوديم سر به سر تيترر
صبادان گول اوزونده سونبول زولفون اسَر تيترر
منيم صبريم تئلين خط باشي تك، ظالم كسر تيترر
گؤرنده پنجه مژگانيوي لرزان اولور كؤنلوم
بئله كيم چنگل شهبازا بير تيهو دوشر تيترر
نئجه خنجر دمينده مرغ بسمل اضطراب ائيلر
منيم كؤنلوم قوشي سندن اؤتور اوندان بتر تيترر
نگارا محفل وصل ايچره تمكين ايستَسن مندن
مگر سن بولميسن معشوقونا عاشق يئتر تيترر؟
سني گؤرجك نولور توپراغا دوشسم، بي قرار اولسام
يئتنده شمع اياغينا، سالار پروانه پر تيترر
اوجالسا آه سرديم، سينديرار لعل لبين پوسته
اسنده رسمدور باد سحر گولبرگ تر تيترر
تنيم اينجلدي مو تك بير سر مويونده بند اولدو
توكون ترپنسه اي جانا وجوديم سر به سر تيترر
گرك من تيتره يم، صراف تك تبدار عشق اولدوم
نئچون منبرده واعظ متصل سرسم دير تيترر!
***
شعله ي شمع
او سر زولفووه مشّاطه، پري شانه ويرار
چوخ ستمگردي پريشاني پريشانه ويرار
گؤرورم قتليمه آماده دي جلاد گؤزون
تُرك بد مست تك، ال خنجر برّانه ويرار
حلقه زولف گره گيري ده باغلاندي كؤنول
اؤز اؤزون گؤر نئجه زنجيره بو ديوانه ويرار
لوح رخساريوي دوتموش او خطا كار خطون
قويما بيگانه الين سيب زنخدانه ويرار
آلميسان يانوه گؤردوم گئجه رؤيادا مني
اؤزوم اؤز بختيمي بوللم، بو يوخي يانه ويرار!
لبلرون فكري منه قوت دل اولسا نه عجب
طعنه ياقوت لبون لعل بدخشانه ويرار
شيخ صنعان كيمي هركيمسه سني گؤردي دئدي:
عاقبت رخنه بو ترسا بچه ايمانه ويرار
ناوك غمزون ايچر قانيمي اي قاشي كمان
چشم مستون كيمي مخموردو، پيمانه ويرار
يانارام آتش هجرانووه باك ائيلمرم
شعله ي شمعه اؤزون رسمدي پروانه ويرار
زاهدون كفرينه عشقيم وئري فتواي صريح
كافر عشقه باخون، طعنه مسلمانه ويرار!
وار اميديم سالا صراف اله بير سرمايه
سكه عشقي ز بس نقد دل و جانه ويرار
***
جلوه حسن دوست
خلق ايچره وصل مجلسي نين گرچه آدي وار
اما فراق عالمي نين اؤزگه دادي وار
هر كيم اگر سؤال ائده بو سؤز فسانه دور
وئررم جواب اگر سؤزومه اعتمادي وار
روز وصال ياردا وار بيم هجر، ليك
چون صبحِ وصل، آيريليغين بامدادي وار
چون هجره يار طالب اولور، وصله اهل عشق
واضحدي يار سئوديگي نين آيري دادي وار
هر كيمده عشق اولا ائده جك جيلوه حسن دوست
عشقين هميشه حوسنله بير اتحادي وار
پيوسته بار غم چكرم چكمرم نفس
بير عمردور بو كش مكشين امتدادي وار
من درد عشقي گيزلده بيلمم بو شهرده
سئيلِ سرشك چشم تريم تك منادي وار
مندن يوزين دولاندورو گر ايستيم باخام
اؤز كؤلگه مين ده يوخسا من ايلن عنادي وار
آنلار بياز حوسن رخ يارده نه وار
هر كيمسه درس عشقده آز– چوخ سوادي وار
مجنون كيمي گرك دوشه صحرايه رسمدور
هر عاشقين كي دلبري ليلي نژادي وار
معشوقه جانون ايسته سه وئر، معتبردي چوخ
صراف نقد عشقي اله داد و ستادي وار
بؤلوم : اشعار عرفاني یازار : hasanfatemefard 0 باخیش
شب عاشورا-اثر صراف
+0 به يه ن
شب عاشورا
نام شاعر : مرحوم حاج رضا صراف تبريزي( صراف )
گل گلزار رسالت بو گئجه
شمردن ايستدي مهلت بو گئجه
بير دويونجا باخا اكبر يوزينه
ائليه آيه تلاوت بو گئجه
زينبون قلبيني آرام ائليوب
اولا مشغول عبادت بو گئجه
ياتميوب آل علي صبحه كيمي
شيعه ياتسون نئجه راحت بو گئجه
بولمورم نئليدي بس تازه گلين
اونا يوز وئردي نه حالت بو گئجه
ام ليلايه بويوردي شه دين
سن ده وئر اوغلوا زينت بو گئجه
دوتدي دنيا يوزيني موج بلا
داشدي درياي مصيبت بو گئجه
كربلا ايچره اولوب محشر عيان
گوئيا قوپدي قيامت بو گئجه
باغلانوب سو يولي لب تشنه قالوب
عترت شاه ولايت بو گئجه
شهدالر آدينا كلك قضا
يازدي فرمان شهادت بو گئجه
بؤلوم : شب عاشورا یازار : hasanfatemefard 0 باخیش
شهادت حضرت علي اكبر(ع)-اثر صراف
+0 به يه ن
شهادت حضرت علي اكبر(ع)
نام شاعر : مرحوم حاج رضا صراف تبريزي( صراف )
يارالاندێم اي شه كربـلا
اؤلـۆرم هـراييمـه گـل بابا
اوْ گلـن قــدملــروه فــدا
اؤلۆرم هـراييمـه گــل بابا
يئتيشيب وجوديمه اوْخ زبس
داغێلێبدێ سينه باتێب نفس
بۇ نفسده وئر منه بيرجه سس
اؤلۆرم هـراييمـه گــل بابا
سنه چون يئتيوب چوْخ اذيّتيم
اوْدۇ چـوْخ وارێمدێ خجـالتيـم
بـــۇدۇر اوّل آخــــر زحـمتيــم
اؤلۆرم هـراييمـه گــل بابا
مني قصد ائديبدي گلور اجل
بۇدي فكري درك ايده ال به ال
اوْ گلينجه سن باشێم اۆسته گل
اؤلۆرم هـراييمـه گــل بابا
بۇ گۆن ايستيسي بۇ جيگرده سوز
عطشيم دمادم ائد‌ر بروز
بدنيم يارالێ اؤزۆم سۇسۇز
اؤلۆرم هـراييمـه گــل بابا
بابا وِردي ذكريم اوْلۇب «تعال»
مني گل بۇ حالده ياده سال
باشێمێ گؤتۆر ديزين اۆسته آل
اؤلۆرم هـراييمـه گــل بابا
بدنيم يارالارێ قان وئرير
بۇ قان اؤزگه حالي نشان وئرير
بابا گل گؤر اوْغلۇوي جان وئرير
اؤلۆرم هـراييمـه گــل بابا
بابا ائيله اكبروه كرم
يوْلا گؤز تيكوب سني گؤزلر‌م
باشێم اۆسته گلمسن اؤلمرم
اؤلۆرم هـراييمـه گــل بابا
گؤرۆب اهل كين بابا تك مني
يێخوب آتدان اؤلدۆره‌جك مني
گل آماندێ كؤلگه يه چك مني
اؤلۆرم هـراييمـه گــل بابا
بۇ حسين عزا‌سيدي ياز رضا
اؤزي بئيته بئيت وئرور جزا
بۇ سؤزي دوباره دئ دۇت عزا
اؤلۆرم هـراييمـه گــل بابا
بؤلوم : شاهزاده علي اكبر(ع) یازار : hasanfatemefard 0 باخیش
زبانحال امام حسين (ع) در سر نعش حضرت علي اكبر(ع)-اثر صراف
+0 به يه ن
زبانحال امام حسين (ع) در سر نعش حضرت علي اكبر(ع)
نام شاعر : مرحوم حاج رضا صراف تبريزي( صراف )
اي گـۆل كيمـي قانــه باتـان
اكبريم اوْيان، ياوريـم اوْيـان
قــان ايچــره نــازيـلـه يـاتـان
اكبريم اوْيـان، ياوريـم اوْيـان
خئيمه‌لره گلدي سسين
گلديم اوْلام دادرسين
اؤلمه‌ميسن وار نفسين
اكبريم اوْيـان، ياوريـم اوْيـان
اي كشته تيغ ستم
هئجرون ائديب قدّيمي خم
گؤز‌لر يوْلۇن اهل حرم
اكبريم اوْيـان، ياوريـم اوْيـان
شام ائتمه لئيلا گۆنۆزين
چوْخ منتظر قوْيما گؤزين
ايندي هلاك ائيلر اؤزين
اكبريم اوْيـان، ياوريـم اوْيـان
اي سرو گۆل پيرهنيم
باغ بهشت و چمنيم
سنسيز گۆلۆم سوْلدي منيم
اكبريم اوْيـان، ياوريـم اوْيـان
سن منه بير يوْلداش ايدون
آغلار گؤزۆمده ياش ايدون
هم اوْغۇل هم قارداش ايدون
اكبريم اوْيـان، ياوريـم اوْيـان
توْپراقلارا قوْيما يۆزۆن
گل منه رحم ائيله اوزون
آچ بيرجه بو قانلو گوزون
اكبريم اوْيـان، ياوريـم اوْيـان
گلديم جيگر داغلاماقا
اوْغۇل دئيوب آغلاماقا
گؤزلريوي باغلاماقا
اكبريم اوْيـان، ياوريـم اوْيـان
قالمێش اليم اۆسته اليم
باشه يئتوب چون اَجليم
صبر ائيله قوْي منده گليم
اكبريم اوْيـان، ياوريـم اوْيـان
تيغ جفا خامه كيمي
جسمون يازێب نامه كيمي
سنلن وارام شامه كيمي
اكبريم اوْيـان، ياوريـم اوْيـان
صرّاف دينار غمم
نقّاد نقد اَلمم
بۇ سؤزده ثابت قدمم
اكبريم اوْيـان، ياوريـم اوْيـان
بؤلوم : شاهزاده علي اكبر(ع) یازار : hasanfatemefard 0 باخیش
مناجات امام حسين (ع) با خدا-اثر صراف
+0 به يه ن
مناجات امام حسين (ع) با خدا
نام شاعر : مرحوم حاج رضا صراف تبريزي( صراف )
دۇتمۇشام جان نقدين الـده وصـل جـانان ايستـه‌ره‌م
تئشنه جان وئرره‌م ميناي عشقيده جان ايستـه‌ره‌م
دم به دم ائيلـه‌ر تجـلّا پــرتــو انــوار ذات
اوْلمارام موسي كيمي بير جلوه ايله محو وْ مات
خضــر تــك بــۇ عصـريده آختــارمارام آب حيات
تئشنه وصلم كؤنۆل جامين دوْلۇ قان ايسته‌ره‌م
تشت زر ايچره قێزێل قانێم آخار «يحيــي» كيمــي
كــربــلا ميــدانــي دوْلمــۇش قـانيلـه‌ن دريا كيمــي
زيـنبيــم اوْلســۇن پريشــان خاطـر ليلا كيمــي
پايبند زۆلف اكبردير، پريشان ايسته‌ره‌م
طاير اوج وفايم، شهپريم تير جفا
ائيلـه‌ره‌م روز ازلـده ائتـديگيــم عهـده وفا
بۇ لب عطشانيلـه‌ن اوْللام ذبيحـاً مـن قفا
خنجر قاتل دمينده‌ن آب حيوان ايسته‌ره‌م
گۆلشن جيسميمده زخم تير آچێلمێش گۆل كيمي
هر طرف پئيكان دۆزۆلمۆش سينه‌مه سۆنبۆل كيمي
ايستـه‌ره‌م گلسيـن سكينه‌م نالييه بۆلبـۆل كيمي
قتلگه گۆلزارينه مرغ خوْش الحان ايسته‌ره‌م
مين بلايه مُبتلا اوْلسام اگر ايّوب تك
ائيله‌ره‌م صبر، ائتمه‌ره‌م شور وْ نوا يعقوب تك
دم به دم، ساعت به ساعت، عاشئق مجذوب تك
بيــر بلايــه وئرمه‌گه شــوقيله منين جان ايسته‌ره‌م
كسـب ائـديـب مرآت انــوار محبّتلــه‌ن جلا
اوْلـمۇشــام سرمسـت جــام «البـلاءُ لِلـوِلا»
بــزم وحــدت‌دير منه بۇ سرزمين كـربلا
ترك كثرت ائتمه‌گه، بير نوك پيكان ايسته‌ره‌م
بير طرفده كاكُل اكبر بوْيانمێش قانيله
بير طرفده اصغريم سيراب اوْلۇب پيكانيله
بير طرف جان وئردي عبّاسيم لب عطشانيله
بير طرف اؤز جيسميمي خاكيله يكسان ايسته‌ره‌م
جلوه‌گاه محضرينده ائيله‌ره‌م سعي صفا
خئيمه‌گه ميقات وْ مَشعر، قتلگه كوه مِنا
ايسته‌ره‌م بير اكبر وْ عبداللّهيم اوْلسۇن فدا
بۇ بلا دشتينده يئتميش ايكي قۇربان ايسته‌ره‌م
شعله‌ي نار محبّتله دوْلۇب كانون دل
وادي حئيره‌تده ليلا آختارێر مجنون دل
مجليسيم خلوت، گؤزۆم ياشلێ، شرابيم خون دل
گلمه‌گه بۇ بزمه بير تازه مسلمان ايسته‌ره‌م
بير يئتيش فرياديمه، اي پادشاه كم سِپَه
زورق جيسميم اوْلۇب مستغرق بحر گُنَه
گرچه صرّافم ذليلم رو سياه
عرصه‌ي محشرده سنده‌ن الده فرمان ايسته‌ره‌م
بؤلوم : قتلگاه یازار : hasanfatemefard 0 باخیش
ورود به كربلا-اثر صراف
+0 به يه ن
ورود به كربلا
نام شاعر : مرحوم حاج رضا صراف تبريزي( صراف )
هله گۆلشَنين گـۆلــۆ سـوْلمئـيــوب
آنــام آغـــلامـــا، بــاجێـــم آغـــلامــا
هله ساغـدێ قارداشـۇن اؤلمئيـوب
آنــام آغـــلامـــا، بــاجێـــم آغـــلامــا
آنامێن عزيزه قێزێ باجێم
هله اوْلما مايل-ي-درد-وْ-غم
قوْشۇنۇم دۇرار هامێ بير به بير
هله ياتمئيوبدي اسير عَلَم
هله صاحب-ي-عَلَم اؤلمئيوب
هله ائتمئيوبله قوْلۇن قلم
هله مشكي قانيله دوْلمئيوب
آنام آغلاما، باجێم آغلاما
هله قۇملار اۆستۆنه دۆشمئيوب
باجێ اكبرين قد-ي-نورسي
گۆن ائوينده* ظۆلميله قالمئيوب
هله پاره-پاره جنازه‌سي
هله خئيمه‌لرده‌ن اۇجالمئيوب
گؤيه لئيلي‌نين بالا واي سسي
هله مشكي قانيله دوْلمئيوب
آنام آغلاما، باجێم آغلاما
هله پوْزمئيوبله تيفاغيمي
هله رونقي وار اساسيمين
هله قوْيما ايندي عم اوْغلۇ واي
دييه نو عروسيني قاسمين
هله ياسه باتما چوْخ آغلاما
هله ابتداسيدي ياسيمين
هله مشكي قانيله دوْلمئيوب
آنام آغلاما، باجێم آغلاما
هله اؤلمئيوب ايكي نورسين
جيگرين باشێ هله يانمئيوب
هله زۆلف-ي-كاكُل اكبريم
باجێ آلقانينه بوْيانمئيوب
هله آغلاماز علي اصغريم
هله ظۆلم اوْخيله‌ن اوْيانمئيوب
هله مشكي قانيله دوْلمئيوب
آنام آغلاما، باجێم آغلاما
هله آغلاما قالێر آغلاماق-
ليقيوين زمانه ده چوْخ يئري
باجێ زينب آغلاما ساكت اوْل
دئمه ساكت اوْلماغا يوْخ يئري
هله يوْخ باشێمدا قێلێج يئري
بدنيمده يوْخ هله اوْخ يئري
هله مشكي قانيله دوْلمئيوب
آنام آغلاما، باجێم آغلاما
بۇ دياريده اي آنام باجێ
هله ظۆلم لجّه‌سي داشمئيوب
هله لئشگر-ي-ستم-وْ-جفا
سيزه جور-وْ-ظۆلم الين آشمئيوب
هله خئيمه‌گاهيم آليشمئيوب
هله عترتيم چؤله قاشمئيوب
هله مشكي قانيله دوْلمئيوب
آنام آغلاما، باجێم آغلاما
هله شيشه-ي-دل-ي-صافيوي
باجێ غم كدورتي باسمئيوب
هله دين اساسي پوْزۇلمئيوب
هله صر-صر-ي-ستم اسمئيوب
هله ظۆلم عرشه دايانمئيوب
هله شئمر باشيمي كسمئيوب
هله مشكي قانيله دوْلمئيوب
آنام آغلاما، باجێم آغلاما
هله قلبين اي باجێ يانمئيوب
يانار اوْدلار اۆزره كباب تك
بۇ قده‌ر سێزێلداما آغلاما
هله چكمه ناله رباب تك
باجێ قانيمي باجێلار يۆزه
هله ياخمئيوبدي خضاب تك
هله مشكي قانيله دوْلمئيوب
آنام آغلاما، باجێم آغلاما
هله هست عئشقيله هست سن
هامێ‌دان علاقه‌ني كس رضا
هله كي حسين پرست‌سن
بۇ سؤزيله وئر اوْنا سس رضا
هله سوز-ي-درديله مست سن
نه‌دي بۇ هوا-وْ-هوس رضا
هله مشكي قانيله دوْلمئيوب
آنام آغلاما، باجێم آغلاما
بؤلوم : ورود به كربلا یازار : hasanfatemefard 0 باخیش
حضرت صديقه طاهره(س) خطاب بسر مبارك حضرت سيدالشهدا(ع)-صراف
+0 به يه ن
در تنور خولي
از زبان حضرت صديقه طاهره(س) خطاب بسر مبارك حضرت سيدالشهدا(ع)
نام شاعر : مرحوم حاج رضا صراف تبريزي( صراف )
اي نــور عينيـم منـزل مبارك
بيكس حسينيم منزل مبارك
چوخ اشك چشمون بنزتمه سئيله
يانديـم منـي گل ياندورمـا بيله
دوربيـر آنـاوا خوش گلدون ائيله
اي نــور عينيــم منـزل مبارك
دينـدير منـي مـن زهــرا آنـانم
بـو دينممكـدن چوخ بدگمانم
سـن خانـه صـاحب من ميهمانم
اي نــور عينيــم منـزل مبارك
باشونــدو مشكـاۀ آيــات نـوره
مطبخ سرانـي دؤنـدردي طوره
خولي اوتانموب قويموش تنـوره
اي نــور عينيــم منـزل مبارك
لازيمـدوياتسـون بلبـل گل‌اوسته
تاسايه سالسـون گل‌بلبل اوسته
دورسينمـه گل ياتمـا كول اوسته
اي نــور عينيــم منـزل مبارك
كسميشديم ايمدي قان ايچره يانون
خشك ائيله يرديم زلفمله قانون
ناگــه يئتيشـدي اؤز ساربانــون
اي نــور عينيــم منـزل مبارك
اي پـــادشــاه مــلك مـــدينه
اولــدون نشانـه شمشيـر كينه
سنسيز حسيـن بس نيلـر سكينه
اي نــور عينيــم منـزل مبارك
وجهي ندور بس اَهلون آتوبسان
چون اشك زينب قانه باتوبسان
اكبـر نولوبـدور يالقـوز ياتـوبسان
اي نــور عينيــم منـزل مبارك
گوردوم ويروب‌جان‌يئتميش‌ايكي‌جان
بير آغليان يوخ اولدوم پريشان
گلديـم دوتـام مـن شــام غريبان
اي نــور عينيــم منـزل مبارك
گيـرم داغيلـدي جـاه و جـلالون
تالانـه گئتـدي مـال و منـالون
هـاردا قالـوب بس بيكس عيالون
اي نــور عينيــم منـزل مبارك
يوخسـا چكوبسن گوندوز اذيّت
ايمدي اولوبسان بير لحظه راحت
دور ياتمــا ياتمــاز اهـل محبت
اي نــور عينيــم منـزل مبارك
گلدون وجـوده «صراف» عدمدن
گتمـه كنــاره گل بـزم غمـدن
قوي نوحه اولسون جاري قلمدن
اي نــور عينيــم منـزل مبارك
بؤلوم : تنور خولي یازار : hasanfatemefard 0 باخیش
از زبان عروس در راه شام خطاب به سر مبارك جناب قاسم(ع)-اثر صراف
+0 به يه ن
از زبان عروس در راه شام خطاب به سر مبارك جناب قاسم(ع)
نام شاعر : مرحوم حاج رضا صراف تبريزي( صراف )
اي عم اوْغلێ گتوروب درد وغمين جانه مني
سالوب آهـو كيمـي بــۇ دشـت و بيابانـه مني
نه بولر سلسله عشقه دۆشن عار ندور
جـور بيـگـانـه نـ‌دور طعنــه اغيـار نـ‌دور
بـاخمــارام ديـر و كليســا نـــدو، بــازار نــدور
گئد‌ر‌م جذبـه عشقون چكـه هـر يانـه منـي
من عزيزم گرك عالــمــده اؤلام عـزتيلــن
هۆدج تخـت روانيـم چكيلــه حرمتيلــن
ايندي هـۆدج يئرينـه، اهـل جفــا ذلتيلـن
مينديريبدور باش آچيخ ناقه عريانه منـي
نيزه باشێنـدا باشێــن گـۆن كيمـي جـولانه گلوب
نــه تجــلّادي تـــماشــاسينـــه بيگــانــــه گـلوب
چكميشم هر نه مصيبت بۇ چۆرۆك جانه گلوب
اؤلـدۆرۆر اينـدي نئديم طعنـه بيگانه منـي
من مريض غم عئشقم، منه تدبير ندور
زلـف زنجيـري بسيـمدور، داخـێ زنجيـر ندور
بولـمور‌م آتـش آهيمـده كـي تأثيـر ندور
قوْيـۇب عالمده بـۇ نـوعيـلـه يـانـا-يـانــه منــي
گئتمـ‌ر‌م شامـه عـم اوْغلـێ بـۇيـۇر آخر نئـد‌ر‌م
معجريم يـوْخســا يــۆزه زلفيمــي حاييــل ائـد‌ر‌م
آلمێشـام گـوشـه ويرانـه سـوْراغێــن گئـد‌رم
خـــانــه ويـران ائـــده تـــا منــزل ويــرانـه منــي
ئيــز‌ده بيــرجـه دوْلان حـال پـريشـانيـمـه بـاخ
دل بـريانيمـه باخ، سينـه سـوزانيمـه بـاخ
قارێشێبدور گؤزۆمـۆن ياشـێ، جيگـ‌ر قانيمـه باخ
نئجـه گـؤر غـرق ائيلـ‌يوب لالـه صفـ‌ت قانه مني
عقـر‌ب زلفـي قـرين مـه تـابـان ائلـ‌دون
مـن پريشـانــي عجـــ‌ب زار و پـريشــان ائـلـ‌دون
سينه‌مي نـاو‌ك مژگانيلـه شـان-شـان ائلدون
ائلـ‌دون خانــه زنبــوريـلــه هــم خــانــه مـنـي
اگلنوب آيينه حـسنوه كـؤنلـۆم كيمـي گَرد
دۆزۆلۆب عور‌ت اۇشاق، پير و جـوان و زن ومـرد
هامينون فكري بۇدۇر درديمون اۆسته قوْيـا درد
گتيروب ني كيمـي بـۇ درد و غـم افغـانـه منـي
بــۇ قـده‌ر زلفوي رخســاره نقـاب ائتمـه گيـلــن
بۇنـدان آرتێـق منـي، گَـل خـانـه خـراب ائتمـه گيلـن
قوْي جمالين گؤره شام اهلي، حجاب ائتمـه گيلـن
چـون بولور قـوم جفـا، بـوْش يئــره ديــوانه منــي
آغلارام بزم مصيبتده، سنـه تـا ساغـم
شهر تبريزده صرّاف كيمـي دوستـاقم
نئچه مد‌تدي سنون درگَهوه مشتاقم
ايسته حضّاريله بۇ وقفه قربانه منـه
بؤلوم : شاهزاده قاسم(ع) یازار : hasanfatemefard 0 باخیش
زبانحال رباب درباره علي اصغر(ع)-اثر صراف
+0 به يه ن
زبانحال رباب درباره علي اصغر(ع)
نام شاعر : مرحوم حاج رضا صراف تبريزي( صراف )
عطشان قـالێب گـۆل تك سـوْلان
لاي‌لاي اصغريم اي واي اصغريـم
اي قــان ايـچيـب سـيـــراب اوْلان
لاي‌لاي اصغريم اي واي اصغريم
كيم بئشيكده‌ن آلدێ يئرين
توْپراقلارا سالدێ يئرين
سينه‌مده بوْش قالدێ يئرين
لاي‌لاي اصغريم اي واي اصغريم
دهرين گۆلۆ سوْلسۇن اوْغۇل
سوْلسۇن خزان اوْلسۇن اوْغۇل
بيكس آنان اؤلسۆن اوْغۇل
لاي‌لاي اصغريم اي واي اصغريم
مني دئمه‌زديم آتاسان
قێرمێزێ قانه باتاسان
لاي‌لاي دئييم ياتاسان
لاي‌لاي اصغريم اي واي اصغريم
سن ياخشێ شيرين ديليدين
خوْش اوْخۇيان بۆلبۆليدين
گل آخيرينجي گۆليدين
لاي‌لاي اصغريم اي واي اصغريم
اوْخ سني بي‌تاب ائلهييب
آلوده-ي-خواب ائلهييب
قانيله سيراب ائلهييب
لاي‌لاي اصغريم اي واي اصغريم
اي تازه گۆل تازه نهال
حالين اوْلۇبدۇ حال به حال
خێردا بالام يات يۇخۇن آل
لاي‌لاي اصغريم اي واي اصغريم
سسله‌ر سني دادرسين
سس وئر اگر وار نفسين
اؤلمه‌ميسه‌ن نوْلدۇ سسين
لاي‌لاي اصغريم اي واي اصغريم
سينه‌م نه‌دن داغلامێسان
شيرين سۆده باغلامێسان
توْخسان مگر آغلامێسان
لاي‌لاي اصغريم اي واي اصغريم
بئيله خراب ائتمه مني
بي‌صبر-وْ-تاب ائتمه مني
ديل‌دن كباب ائتمه مني
لاي‌لاي اصغريم اي واي اصغريم
اي آهوي-ي-وادي-ي-شوق
بوْينۇندا وار رشته‌ي-ي-ذوق
قاندێر بۇ يا قێرمێزێ طوق
لاي‌لاي اصغريم اي واي اصغريم
من غرق-ي-بحر مُحنم
صرّاف-ي-شيرين سُخنم
دييه‌ن اؤزگه‌دير نه منم
لاي‌لاي اصغريم اي واي اصغريم
بؤلوم : شاهزاده علي اصغر(ع) یازار : hasanfatemefard 0 باخیش
زبانحال رباب مادر علي اصغر(ع)-اثر صراف
+0 به يه ن
زبانحال رباب مادر علي اصغر(ع)
نام شاعر : مرحوم حاج رضا صراف تبريزي( صراف )
دوْلان قـانيلــه قــوْنـداقــێ
علي لاي‌لاي بالام لاي‌لاي
قێــزاردان قـانـێ توْپـراقي
علي لاي‌لاي بالام لاي‌لاي
گلستانون گولي سوْلسۇن
پوْزۇلسۇن پايمال اوْلسۇن
بالا سنسيز روباب اؤلسۆن
علي لاي‌لاي بالام لاي‌لاي
اليمد‌ن كيم سني آلدێ
بئله توْپراقلارا سالدێ
آنان ياخشێ ملر قالدێ
علي لاي‌لاي بالام لاي‌لاي
آنا دهرون بلاسيندن
دؤنرميش اؤز بالاسيند‌ن
من آيريلديم بالا سندن
علي لاي‌لاي بالام لاي‌لاي
اێشێقلێ اۇلدۇزۇم آتدێن
مني توْپراقيده ياتدون
نه تئز چێخدون، نه تئز باتدون
علي لاي‌لاي بالام لاي‌لاي
آنان بۇ حالت زارون
گؤرۆب اوْلدي گرفتارون
دۇ گل بوْش قالدێ گهوارون
علي لاي‌لاي بالام لاي‌لاي
سني بي‌حال ائد‌ن اوْخدۇر
يانان بۇ حاليوه چوْخدۇر
ولي لاي‌لاي دئين يوْخدۇر
علي لاي‌لاي بالام لاي‌لاي
كؤنۆل دردينله سرخوْشدور
قۇجاقيمده يئرون بوْشدۇر
اؤزۆم لاي‌لاي دئيم خوْش دۇر
علي لاي‌لاي بالام لاي‌لاي
مگر دشمن امان وئردي
سنه رحمين نشان وئردي
گؤرۆب سۆد يوْخدي قان وئردي
علي لاي‌لاي بالام لاي‌لاي
علي سنسيز سني آندێم
سمندر تك اوْدا ياندێم
سسيمه سس وئر اوْدلاندێم
علي لاي‌لاي بالام لاي‌لاي
شيل اوْلسۇن قاتلون آخر
خزان ائتدي گۆلۆن آخر
نوْلۇب شيرين ديلون آخر
علي لاي‌لاي بالام لاي‌لاي
اوْيان درد وْبلان آللام
دۇرۇنجا سن اوْياق قاللام
كشيكچون من اؤزۆم اوْللام
علي لاي‌لاي بالام لاي‌لاي
سۆديله‌ن دوْلدۇ پستانيم
دور اي شمع شبستانيم
بهار وباغ و بستانيم
علي لاي‌لاي بالام لاي‌لاي
بۇ صرّاف سيه نامه
يئتيردي شعرين اتمامه
گينه باشدان يازار خامه
علي لاي‌لاي بالام لاي‌لاي
بؤلوم : شاهزاده علي اصغر(ع) یازار : hasanfatemefard 0 باخیش
