گلچين حسيني
رويت هلال ماه محرم-اثر صابر
+0 به يه ن
نام شاعر : مرحوم ميرزا علي اكبر صابر(صابر)
عرصهي عالمين يئنه وضعي بلالي گورسه‌نير،
يوخسا ثباتِ عالمين حينِ زوالي گورسه‌نير!
آينه‌ي جهاندا بير سرعتيِ غم نماله‌نير،
وقعه‌ي نوح دور مگر كيم يئنه ابتداله‌نير؟
يوخسا سنينِ عالمين گونلري انتهاله‌نير؟
ياكي، مهِ محرّمين تازه هلالي گورسه‌نير،
اي افق، اولما منجلي عرصهي فاجعات اوچون،
ائتمه عيان هلاليني ماتمِ كاينات اوچون،
تيغ جفايه كسمه بو تشنه‌لري فرات اوچون،
نهر فراته باخ، نئجه ماء زلالي گورسه‌نير!
آي آچيلان صباخِ غم، شام اول آچيلما بير زمان!
يثرب و مكه سرورين سالما بلايه، الامان!
گرچي عراقه جلب ائدير ميرِ حجازي كوفيان،
ليك بو يولدا اونلارين اوزگه خيالي گورسه‌نير!
گئتمه، دور، اي قطار غم! گور اوجالان نوالري،
چكمه ديار غربته بو وطن آشنالري،
دوز دئييل اهل كوفه‌نين عهدلري، وفالري،
عهد شكن‌دير عاقبت، گرچي وفالي گورسه‌نير!
گريه‌ي زاريم ائتمه‌دي عالمي غرق اشك تر،
جانِ جهاني توتمادي آتشه، اودلانان جگر،
باشلا فغانه باري، اي بولبولِ طبعِ نوحه‌گر،
سنله بلالي «صابرين» باشي بلالي گورسه‌نير
بؤلوم : ماه محرم یازار : hasanfatemefard 0 باخیش
اكبريه -اثر صابر
+0 به يه ن
نام شاعر : مرحوم ميرزا علي اكبر صابر(صابر)
باخدي چون اكبري‌نين نيزده ليلا اوزونه،
گوردي زلفي توكولوب چون شب يلدا اوزونه،
گلدي شوره دئدي: اي شمع شبستانيم اوغول،
يئتمه‌دين كام مراده مه تابانيم اوغول،
حشره تك ديلده قاليب چخمادي بو جانيم اوغول،
گلمه‌ييدي آنان، اي كاش، بو دونيا اوزونه
اي صبا! بيرجه اس، اول زلف پريشاني داغيت،
خانمان دل ويرانه‌ي ليلاني داغيت،
دلي ويرانه‌ي ليلا كيمي دونياني داغيت،
قويما دوشسون داخي اول زلف سمن‌سا اوزونه
چون كنار ائتدي صبا زلف شكن پر شكني،
گورونوب هاشمي خال ايله خط والحسني،
محو اولوب جمله‌سي توكدويئده دف، دائره‌ني،
بير باخيب اكبره، بير باخديلا ليلا اوزونه
قاشلارين طاغي اوغول سوره‌ي ياسين اوخويور،
باخسا هر كيم اوزونه آيه‌ي تحسين اوخويور،
اهل قرآندي بولار جمله‌سي «طا- سين» اوخويور،
نئجه چكديله قيلينج مظهر «طاها» اوزونه؟
دئديلر كيمدي بو عورت بيزي نالان ائله‌ين،
يوخسا ليلادي بو مجنون كيمي افغان ائله‌ين،
سني، اي تازه جوان قانينا غلطان ائله‌ين،
نئجه محشرده باخار حضرت زهرا اوزونه؟
ائتديلر چاه زنخدانينا حسرتله نظر،
زر خريد اولماق اوچون بير- بيرينه وئردي خبر،
توكدولر شمعِ زليخالاري چون اشك بصر،
باخديلار حسرت‌ايله يوسف بطحاء اوزونه
عارضين صفحه‌ي انجيل خداوند ودود،
نيزه باشيندا باشين هم اوخويور سوره‌ي هود
دئيه‌سن نيزه آياغيندا دوروب قوم يهود،
دارين اوستونده باخيرلار هامي عيسي اوزونه
مظهر حسننه عنبر رخ آليندي سنين،
آيه‌ي «شمس ضحا» مهر جماليندي سنين،
سوره‌ي «نون- قلم» هاشمي خاليندي سنين،
كاكلين پرده چكيب ليلة الاسرا اوزونه
باشداكي شور شهادتدي سنين تاجين اوغول،
عارضين كعبه، حرملر هامي حجاجين اوغول،
رفرفين نيزه مباركدي بو معراجين اوغول،
قاشلارين قبله‌دي «قوسين او ادني» اوزونه
گه اوزون آئينه‌ي مصحف و تورات و زبور،
آتش طور تجلّادي جماليندا ظهور،
مصر دير شام بو قبطي‌لره، يا وادي طور،
آل فرعون گليب باخماغا موسي اوزونه
«صابرا» هر ايل عزا ساخلا علي اكبره سن،
كربلاده گليب آغلا، او شهِ داوره سن،
گل قيامتده بو جمع ايله صف محشره سن،
قالما حسرت ايكي دونياده بو مولا اوزونه
بؤلوم : شاهزاده علي اكبر(ع) یازار : hasanfatemefard 0 باخیش
نوحه شب عاشورا-اثر صابر
+0 به يه ن
نام شاعر: مرحوم ميرزا علي اكبر صابر (صابر)
بوگجه آخر عمروم شب هجراندي باجي
من سنه اوغلوم علي ليليه مهماندي باجي
ايلسـون زيـب كنـار اكبري ليلا بوگجه
ياتماسون صبحه تك اول بلبل شيدا بوگجه
ايلسون اوز گلنه ياخشـي تماشا بوگجه
صبح آچيلسا گوره جاقدي گلي خنداندي باجي
ام ليلــي ايلسـون زينـت علــي‌اكبرينه
سرمه چكسون بالامون آهوباخيش گوزلرينه
شانه ويرسون او ملك منظريمون تللرينه
گرچه زينت‌سيز اؤزي بير مه تاباندي باجي
اصغريمـده ره جانانيده جاندان گئچه‌جاق
اللريم اوسته بالام سو يئرينه قان ايچه‌جاق
بوغازين خنجر بران كيمي پيكان بيچه‌جاق
شيرخوارم بو مناده قوزي قورباندي باجي
گـوزوم عبـاسه باخور قلبيدن آرتور الميم
وئره‌جاق باش قالاجاق باش‌آچوق اهل حرميم
سيناجاقدور قوشونوم هم ياتاجاقدور علميم
شاخه‌سيز سرو قدي زينت ميداندي باجي
من كسيك باشيله ترويج ائدرم قرآني
ييخــارام كـاخ جفـا و ستـم عدواني
بيرگيجه ديره گتورم باش‌آچوخ عيساني
هر يئره گئتسه باشيم دينه نگهباندي باجي
قلبيمي زهرلي اوچ شعبه‌لي پيكان دله‌جاق
ييخلوب تپراقا يورقون بدنيم دينجه‌له‌جاق
باشيم اوسته باش‌آچوخ حضرت زهرا گله‌جاق
گوره‌جاقدور بدنيم قانيمه غلطاندي باجي
خنجـر آلتينـدا گورنـده يـارالي قارداشوي
يوم گؤزون باخما باجي تؤكمه يوزه گؤزياشوي
اوجـادان آغلامـا ويرمـا يوزه آچما باشوي
صبر ايله صابرين آخر يئري رضواندي باجي
بؤلوم : شب عاشورا یازار : hasanfatemefard 0 باخیش
زبانحال زينب‌كبري در غارت خيام
+0 به يه ن
نام شاعر: مرحوم كريم صافي(صافي)
غارته ال آچدي لشگر داده گل اماندي قارداش
اودلانوب خيام يكسر ظلم اوديله ياندي قارداش
سويولاّ خوردا قيزلارون قوم ستمگر حسين بورحمسيزلر
قتلگهده يوخسا قارداش گون كيمي يئتوب زوالون
شمر گلدي حكم ويردي گيئتدي غارته جلالون
قورخودان چيخوب حرمدن دوشوب چولّلره عيالون
داده يئت گر اؤلميوبسن خيمه‌لر تالاندي قارداش
نه بو قوم كينه‌پرور جور و ظلمدن دويولّار
نه حريـم مصطفـايه حـرمت حرم قويولّار
هر بلاكشـه يئتولّر هم وورولاّ هـم سويولّار
ناله و فغان و شيون گؤيلره داياندي قارداش
رنگرنگ مُحنتيلـه آز زمانـدا مـن بويانديم
كعبه وفا خليلين گوردوم آتش ايچره يانديم
باخماديم اوني او اوددان خارج ايلديم دايانديم
هر قضايه صبر قيلديم بولديم امتحاندي قارداش
بير اشـاره‌تونلـه دائـم بو ستم رسيده باجون
هر غمه دوزر اؤلونجه زار و غم‌‌كشيده باجون
منتظردي پيك مرگه خوشدي بواميده باجون
اشگ چشم انتظاري سيل‌تك رواندي قارداش
لشگر ستم روادور وار نه زَيب و جاه آپارسون
بي‌پنـاه عيـالون آخـر بس كيمه پناه آپارسون
بير امان يئره بوجمعون يوخدي داده‌خواه آپارسون
بونه دوره دور نه دوران بو نئجه زماندي قارداش
بوينونا وَبال قتلون يوخسا بير ستمگر آلموش
اَلبِشـاره اَلبِشـاره اهـل شامـدن اوجالموش
گون يوزينه بو خبردن پرده‌ئي سياه سالموش
عرش و فرشه لرزه دوشموش مُنقلب جهاندي قارداش
من او خسته عندليبم يوخدي بير خبر گُلومدن
صحبت گل و گلستان دوشمز اؤلمه‌سم ديليمدن
دلشكسته و غريبم چون چيخوب ائليم اليمدن
بي‌سبب دگل كه شغلوم ناله و فغاندي قارداش
صورتاً ايله پوزولدي شوكت و جلال زينب
وار يـري اگر جهاني دولدورا ملال زينب
سنسيز اولموش آستيني پرده جمال زينب
سرو قدّي بارِ غمدن غصّه‌دن كماندي قارداش
آت دوشونده گه يتيمه قيزلاري پوزوب قُوُولاّر
ديزلرينـده طاقت اولمور گه قاچولّاگه دورولاّر
الّلرينــه تازيانــه گــه يِتَــن كيمـي وورولاّر
شور حشر اولوبدي برپا رستخيز عياندي قارداش
دورِ خيمه‌گاهي دوتموش بسكه رحمسيز قبايل
بيـر رَهِ گريـز تاپمـور دختـران مـه شمايل
گر يازيلسا بو مسائل عالمي دوتـار رسائل
هر سؤزوم كتاب غمدن مختصر بياندي قارداش
شامه‌دين بو جور و ظلمون واردي امتدادي بولّم
نه فرح گوروب نه دلدن يرده جان ويرونجه گولّم
آغلارام صباح و شامي من بونيسگيل اوسته اؤلّم
ظلم اليله خيمه‌گاهون غارت اولدي ياندي قارداش
بؤلوم : حضرت زينب(س) یازار : hasanfatemefard 0 باخیش
از نوحه هاي شور دستجات شاه حسين گويان
+0 به يه ن
نام شاعر : مرحوم ميرزا كريم صافي تبريزي(صافي)
از نوحه هاي شور دستجات شاه حسين گويان
يوم عاشورا دي يا روز قيامت دير بوگون
يا قيامت عرصه‌سيندن بير علامت دير بوگون
عالـم باطنده ايمـدي كربلا قان آغليور
خنجر قاتل باخير مقتوله هر آن آغليور
بيـر طرفـده ليلـي‌زار و پريشان آغليور
بير طرفده زينبه گويا قيامت دير بوگون
گه گلـور تل اوسته اول نالان باشيندا اللري
گه ييغيرباش‌سيزلاري باشه تؤكور ياش گوزلري
گه گيدور گاهي دورار از بسكه تترر ديزلري
آخر اول بيچاره ده گور بيرنه حالتدور بوگون
هر طرفدن ايمدي دشمن‌لر آلوب دور و بري
قانـه غلطـان ايليوبلـر شــاهزاده اكبـري
تيغ و خنجرله اولوبدور پاره‌پاره پيكـري
ام ليلي گور نئجه صاحب سعادت دور بوگون
وورديلار از بس بوگون بيحد جراحت قاسمه
زخم خنجر حاصل ائتدي استراحت قاسمه
قوردي شـاه كربلا اسباب عشرت قاسمه
قان حنا ياخدي او عشرتدن اشارت دور بوگون
كربلا دشتي دولوب بوگون فغان و داديله
دولدوروب صحراني زينب ناله و فرياديله
سالديـلار عبـاسي آتدان قامت شمشاديله
نه باشي سالم نه قوللاري سلامت دور بوگون
بير طرفده شمر دورموش خنجر برانيله
بير طرفـده سـرور دوران لب عطشانيله
نقد جان الده دوتوب سودا ائده جانانيله
چون گورردي ياخشي بازار تجارت دور بوگون
حرملـه بيـر يانـدا الـده نـاوك پيكان دوتوب
متصل قان قان ديور چون گوزلريني قان دوتوب
اصغري ايلوب نشان اصغر الينده جان دوتوب
كربلاده گور بو ساعت بير نه ساعت دور بوگون
نه شه لب تشنه‌دن قوم ستمگـر ال چكر
نه شـرار دل نـه اشگ ديـده تر ال چكر
نه قويور گئتسون او بي‌كسدن حرملر ال چكر
نه خيال ياردن بير لحظه راحت دور بوگون
سالديلار پيغمبر اوغلون ذوالجناح اوستن يئره
قاره يئللر اسـدي عالم دگدي يكسر بيربيره
قطب دين اطرافين آلدي قوم كين چون دايره
روزگار دون بو دوروندن خجالت دور بوگون
اولدوروب اول سروري طبل بشارت چالديلار
حضـرت زهرانـون الـدن اختيـارون آلديلار
قرخه دين عورت اوشاق السيز اياق‌سيز قالديلار
شاه دين قتله يئتوب روز شهادت دور بوگون
ظلم ايله اؤلدوردولر بوگون مدينه شاهني
اهل‌بيتين سويديلار يانديرديلار خرگاهني
باغلاديـلار ظلم اليله اول شهون درگاهني
وورديلار باشين جدايه قتل و غارت دور بوگون
بؤلوم : امام حسين(ع) یازار : hasanfatemefard 0 باخیش
درد دل امام زمان(ع) با امام حسين(ع)
+0 به يه ن
نام شاعر : مرحوم سيد رضا حسيني(سعدي زمان)
گيجه گوندوز حسينه حضرت صاحب زمان آغلار
بو نوعيله ايدر ندبه گلر فرياده قان آغلار
فلك تأخيره سالدي اولماديم دنياده يا جدّا
گليديم تك قالان وقته سنه امداده يا جدّا
گئچديم شوقيله باشدان ايئديم جانيمي قربان
جماد ايلوب با تيديم قانيمه دعواده يا جدا
ديار كربلاده اولماديم بو فيضه من نايل
اونا قيلام عوض كلَّم اولنجه داده يا جدا
او وقته خيمه گاهه ذوالجناهون يوز قويوب نالان
عيالون خيمه دن چِخدي همان اثناده يا جدا
«حسينى» يا حسين دلتنگ اولوب طعن و شماتتدن
اماندم قبل توجه و هر صله دنيا ده يا جدا
بؤلوم : امام حسين(ع) یازار : hasanfatemefard 1 باخیش
حضرت مسلم(ع)
+0 به يه ن
نام شاعر : مرحوم سيد رضا حسيني(سعدي زمان)
او گون كه كوفه ده تك قالدي مسلم بن عقيل
هجوم ايدوب نه قَدَر كوفه نين جماعتي وار
گوروبله شير خدا يادگاري غيظه گَلوب
اَلينده ساغر، تيغينده مرگ شربتي وار
اجل پياله سي نوش ايلوري مبارز اولان
عموسي حيدر كرّار تك شجاعتي وار
خيال ايدوبله او شيري كمنديله دوتالار
كمنديسيز دوتا بُلمولّه چوخ رشادتي وار
قازوبلا حيله و مكريله بير بيوك گودال
ترحّم ايتمه ديلر دلده درد غربتي وار
او شير صولتي مكريله سالديلار او يره
عياندي حيله ده كوفي لرين مهارتي وار
قاچان قِييتدي هجوم ايتدي، هر گَلن ووردي
بيري بيرينه ولي وورماق اوسته سبقتي وار
قلج ووران، داش آتان، خنجره گماني گَلَن
ووراردي وورماقا گويا ثواب نيّتي وار
او قدر ووردولا دلدن دوشوب، باتوب نفسي
گوروبله كوفه ليلر انتقام فرصتي وار
قلجين آلديلار اَلدن، قولوني باغلاديلار
ايدوب هامي او كه دلخواه هتك حرمتي وار
آپارديلار نجه ابن زياد مجلسينه
ديمم، بُلر او كه اخباره خبريّتي وار
يِتيشدي بي يره دوردي، داياندي ديواره
ديدي منه گوره سن بير كسين حمايتي وار؟
ترحّماً من مظلومه بير ايچيم سو ويره
ياراليه عطشين فوقُ العاده زحمتي وار
سو ويرميوبله، ووروبلار علاوه دل ياراسي
گور اهل كوفه نين انصافي وار، مروّتي وار؟
يانيقلي سوزلري تاثير ايدوبدي بير نفره
ديدي پيمبريله مسلمين قرابتي وار
سو ايچسه ده اُله جاق بو غريب، ايچمَسه ده
سو ويردي، مسلم آلوب گوردي ميل و رغبتي وار
جگر حرارتيني ايسته دي ايده خاموش
آلار حرارت قلبي، سويون برودتي وار
سو كاسه سين يتوروب تا او قانلي لبلرينه
ايچَمندي، گوروب افعالين عكس صورتي وار
توكولدي ديشلري، قانيله دولدي سو جامي
ديمه سرين سودان عالمده بيرده قسمتي وار
حضور ابن زياده نجه گَلوب ديمَرَم
مگر بيان ايده بير كس او حالي جراتي وار
او مجلسين گِچورم ماجراي صحبتيني
آچوخ مصيبتي ذكر ايتماقين مذمّتي وار
صاقا صولا دولانوب باخدي ابن سعده ديدي
بو گون سنه بو غريبون نچه وصيّتي وار
منيم جنازه مي دفن ايله، قويما يره قالا
جنازه قالسا سنه خلق ايچينده خفّتي وار
ايكيمجيسي بودور اصنافِ شهره بُورجوم وار
او قرضه بو زره و تيغيمون كفايتي وار
اوچومجيسي بودي من نامه يازميشام آقاما
بو شهره گَلماقا اول نامه نين كنايتي وار
اماندي ياز اونا بو شهره يا حسين گَلمه
بو شهريده سنه اعدانون اكثريّتي وار
سوزين قوتاردي نماينده ي امام مبين
سفيره باخ، نجه سلطانه قصد قربتي وار
ويريلدي مسلمه دارُالعماره بامي مقام
ديمه كي كوفه نين اوندان اوجا عمارتي وار
او باميدن دولانوب باخدي بير حجازه طرف
صبا يِليندن او باخماقدا بير سفارتي وار
ديدي اماندي حسين گَلمه كوفيه بولارين
اوركده كينه سي وار، دللرينده نصرتي وار
سوزين ديوب او يانان سينه دن چكوب بير آه
اجل پياله سينين گوردي خوش سِقايتي وار
بدن يارالي، اوجا بام، بي حيا جلّاد
بخلدي بُلورم ا... بُلر نه حالتي وار
باشي كَسيلدي، بدن باميدن يره دوشدي
سبب او زحمتي دور چوخ جلال و رفعتي وار
عدو اَياقينه ايپ سالدي، كوچه ده سورودي
ديموبله بَسدي، بونون بير بيله جراحتي وار
وصيّت ايتميشيدي ابن سعد دفن ايلسون
وصيّتين نجه گور بير نقيض آيتي وار
يارالي پيكرينه اولدي بير بيوك توهين
نه قدر مُنتَقمين صبري وار عطوفتي وار
او شهري ايتدي حق لوط شهري تك بر باد
بو علّته كه علينون او يرده تربتي وار
ووروبلا مسلمي قصّابيلر قَناره سينه
او شهرين اهلينون افعال بَربَريّتي وار
قَناره لردن آسولّار گهي جفائيله
وجود مسلمي بُلموبله چوخ شهامتي وار
آسولّا گاه حسينون باشين باسولّا داشه
ديولّه بو باشا ظلم اولسا حق رضايتي وار
آچوب آقاشدان او باشي ايدوبله زيبِ جدا
دوروب جدا بويي گون زينبون قيامتي وار
حسيني كوفه ني باغ بهشته ايتمز عوض
چون اوردا سوگُلوسي مسلمين زيارتي وار
بؤلوم : حضرت مسلم(ع) یازار : hasanfatemefard 0 باخیش
خطاب به زمين مقدس طوس
+0 به يه ن
نام شاعر : سيدرضا حسيني متخلص به(سعدي زمان)
اي ارض طوس سنده عجب دلربا ياتوب
مرآت حق نما و جمال خدا ياتوب
بي اختيار مايل اولور دل وصالوه
سنده مگر بو كاه دله كهربا ياتوب
بالفرض روح شكّر اولا، سن بنفشه سن
ارواحي سنده جذب ايلين بير قوا ياتوب
سن سن عيار مسلّم و مومن لره محك
سنده عيار كامل اهل هدا ياتوب
ايلر زيارتون مس ايماني صاف زر
بير بوته سن كه سنده گوزل كيميا ياتوب
شمس الشّموس سنده دور اي مفخر فلك
سنده مهيله مهره ويرن انجلا ياتوب
اسلاميده عزيزدي سنده ياتان وجود
سن سن او ير كه سنده امام رضا ياتوب
پيغمبرين عزيزي، جگر گوشه سي رضا
باب الحوائج اوغلي قضايه رضا گلوب
سيناي واقعيدي سناباد ارض طوس
سنده كليم لم يزله مقتدا ياتوب
موسايه طوريده اولان انوار آشكار
سنده جفا اليله تاپوبدور خفا ياتوب
اي عرشدن گوزل ير، اوزي فرش زينتي
سنده سليل پاك شه هَل اَتي ياتوب
بير روضه سن رياض بهشت بريندن
يوخ يوخ بهشتيده سنده جلالت فزا ياتوب
افلاكيان چكه لّه تمام اشتياقيوي
سنده حبيب خالق ارض و سما ياتوب
درياي علم و حكمت بحر كمال و فضل
سن سن نه چون كه سنده دُر پربها ياتوب
اي گوهر يگانه ي پيغمبره صدف
سنده سرور سينه ي خيرالنّسا ياتوب
سن بير رئوف امامي آلوبسان كناريوه
اسلاميانه سنده اميد و رجا ياتوب
سنده جگرلري يارالي بير بزرگوار
اوز ايل قبيله سيندن اولوبدور جدا ياتوب
يرلرده يوخدي بير ير اولا شانيوه نظير
الّا او ير كه اوردا شه كربلا ياتوب
بير گل وار اوردا بلبلي ارواح انبيا
امّا ياراليوب اوني خار جفا ياتوب
عرش خدا چكر او يرين اشتياقيني
چون اوردا گوشواره ي عرش خدا ياتوب
بير قبر واردور عرش كيمي آلتي گوشه لي
واللهي اوردا آينه ي حق نما ياتوب
قربان اولوم او مدفنه كه اوردا قول بويون
بي غسل و بي كفن بير آتا بير بالا ياتوب
عرض ايلسم بهشت، بهشت ايلر افتخار
اوردا بهشته علّتِ خلقت آقا ياتوب
بير قبردور زيارتي ا... زيارتي
اوردا او كه فدادي اونا خون بها ياتوب
عريان يارالي پيكري باشدان باشا خدنگ
گويا خدنگيدن پر آچوب بير هما ياتوب
فرياد او وقتيدن كه باجي تاپدي قارداشين
گوردي بدنده وار نه عبا نه قبا ياتوب
باشين كسوبله نعشي قوم اوستونده چاك چاك
گلدن لطيف جسميده دورت مين يارا ياتوب
گويا كه بير طبق گلي اوراق ايدوبديلر
هر برگي اوز يرينده دوشوب جابجا ياتوب
نيزه قلج سنق لاري آلتندا گيزلنوب
پيغمبر اوغلي خامس آل عبا ياتوب
عريان گوروبدي رحم قيلوب ايليوب كفن
مرهم سالوب ياراسينا باد صبا ياتوب
معلوم اولور كسوب داليدان قاتلي باشين
نعشي دوشوب يوز اوسته، ذبيح القفا ياتوب
بولدي باشين كسن آپاروب كوفيه قوناق
امّا اولوبدي منزلي مطبخ سرا ياتوب
سسلندي دور باجون سنه قربان نه ياتموسان
هانسي يارالي سن كيمي بي اقربا ياتوب
هانسي شهين پوزوبلار سنون تك جلاليني
صاحب لواسي قانه باتوبدور، لوا ياتوب
كيم سو يانندا سن كيمي لب تشنه جان ويروب
جان اوسته سو يرينه ايچوبدور دِما ياتوب
هانسي شهين ئولنده سويوبلار جنازه سين
كيم سن كيمي بلايه ديوبدور بلا ياتوب
هانسي آتا يانندا سنون اكبرون كيمي
نورسته بير جوان اوزي گلگون قبا ياتوب
داماد ايدوبدي هانسي عمو قارداش اوغلوني
امّا ياخوبدي طويدا اله قان حنا ياتوب
واردور باشيمدا شور حسيني اودور سبب
ني تك سوزيمده پرده به پرده نوا ياتوب
بؤلوم : امام رضا(ع) یازار : hasanfatemefard 0 باخیش
ميلاد امام رضا(ع)
+0 به يه ن
نام شاعر : مرحوم سيدرضا حسيني (سعدي زمان):
اي نسيم صبحدم مُردم ز درد اشتياق
رو به خاك طوس يعني قبله گاه نُه رواق
بوسه زن بر آستان قدس و آن گه عرضه دار
اي به قربان سگان كوي تو طال الفراق
***
ويردي باش چرخ امامتدن بو گون شمسُ الشّموس
قيلدي آفاقي منوّر طلعت سلطان طوس
اون ايكي تعيين اولوب قرآندا تعداد شهور
دورديني شهر الحرام ايلوب خداوند غفور
يعني حجّت اون ايكي، دوردي علي، مشكات نور
بو اوچومجي بير علي دينه تولّاسي رئوس
قدحيدور مدحينده عرض ايتسم جمالي ماهيدور
گون بو خورشيدين هواسينده غبار راهيدور
سرّي سرُّ ا...دور، وجهي جمالَُ ا...دور
پرده ي صبح ازلده نور آلوب بوندان عكوس
يوخ صفات و ذات حقّه فارق و فاصل نكات
ذاتي نور پاك حق، آئينه ي اوصاف و ذات
بحر قدرت، لنگر خلقتدي، كشتي نجات
ناخداي فُلك دين هنگام طوفان شئوس
خسف ايدر ير اهليني انسان كامل اولماسا
گوگ دايانماز بي ستون، معصوم حايل اولماسا
درك ايدر بو مطلبي هر كيمسه جاهل اولماسا
عالمه سائِسدي حجّت، حجّته عالم مَسوس
قلبه ي هفتم، امام هشتمِ اهل يقين
كلمه ي توحيده سگّيزمينجي شرط و اصل دين
كم ترين جاروب كش دربارينه روح الامين
آستانين اوپماقا حسرتده چرخ آبنوس
تا حجابات حريمي رفع ا... ايلدي
رشك طور آفاقي اوز نوريله ناگاه ايلدي
لَن تراني سرّينه موساني آگاه ايلدي
اولدي بو طوره كليم عشقِ ارواح و نفوس
قطب امكان، روح ايماندور، وليّ ذوالجلال
دفتر ايجاديده ديباچه ي فضل و كمال
نيّر شان عظيمي گورميوب گورمز زوال
گرچه خورشيدي زواله سوق ايدر ليل عبوس
نقل ايدوب نصّ پيمبردن ائمّه بير بيره
ايستيسن ا... لقاسين ضاحكه مستبشره
بو شهين اولسون تولّا نقطه سينده دايره
اولميان بو نقطيه پرگار ايدر آه و فسوس
حيف اولا بو شانيله غربتده چكدي چوخ بلا
ايلدي مامون نه جدّيندن نه زهرادن حيا
ويردي شاه اوليايه ظلميله زهر جفا
ايلسون غصب ايتديقي مسندده تا راحت جلوس
بُلمدي ايچسه شهادت جامي شاه دين رضا
گيسته دنيادن شهنشاه سرير ارتضي
قويماز آسوده امامين قاتلين امر قضا
گون به گون محصور ايلر كوكب بختين نحوس
تا سُرور سينه ي زهراني مسموم ايلدي
كون و امكاني باتوردي ياسه مغموم ايلدي
كربلا مظلومي تك بو شاهي مظلوم ايلدي
ير قرا گييدي بو غمدن، گوگ لباس سند روس
ايتديقي ننگين عملدن نادم اولدي اول دَني
گَلدي گوردي جان ويرور رحم و مروّت معدني
باشين آلدي دامنه عرض ايتدي يا مولا مني
قتله ايلور متّهم اسلام و ترسا و مجوس
بُلمورم من اوز عم اوغلوم حالينه قان آغليوم؟
يا بو خلقين تهمتيندن ايلوم افغان آغليوم
يا فراقوندان سنون عمريمجه هر آن آغليوم
سنسيز اولدي گون گوزيمده تار يا شمسُ الشّموس
آه يابالعسكري، اي شهريار ماسوا
گرچه قاتلدور گنه ماموندا وار شرم و حيا
كربلاده ايتمدي امّا حيا شمر دغا
جدّيوي اُلدوردي چالدوردي مباهاتيله كوس
تك نه جان ياره شهيد عشق تقديم ايلدي
اهل بيتينده بو يولدا ظلمه تسليم ايلدي
بير وفا درسي هامي عشّاقه تعليم ايلدي
صفحه ي عالمده كُهنلدي تعاليم و دروس
من كه مشهور اولموشام عالمده سعديّ زمان
كاش مشهور اولميِيديم اي شه عرش آستان
فضل بازارينده يوخدور مشتريدن بير نشان
گنج علمين ارزشي يوخدور بو دوره بير فلوس
رهرو عشقم اوز عشقيم گوسترن آئينيله
دلخوشام فرهاد تك بير صحبت شيرينيله
ايتمرم شاها عوش مين بوس حور العينيله
آستانون توپراقين ايتماقليقين بير دفعه بوس
بؤلوم : امام رضا(ع) یازار : hasanfatemefard 0 باخیش
در مدح امام رضا (ع)
+0 به يه ن
نام شاعر : مرحوم سيدرضا حسيني(سعدي زمان)
اي ايدن خراساني كربلا هر غمه رضا يا ابالحسن
جدي تك قوري يرده جان ويرن قبريوه فدا يا ابالحسن
سيزوسوز آفريننديه اولان آفرينش عالمه غرض
جوهر وجود اهل عالمه هر ايكي جهان نوروزه عَرَض
رشك خلد اعلي ضريحيوي گر بهشتيله ايلسم عوض
غبن دور منه بو معامله قيلام ادعا يا ابالحسن
بير اميديله دوتموشام سنون اي كرامتين كاني دامنون
ال گوتورمرم ايتمسن كرم ال منيم اماندور اتك سنون
آستانون ايله وسيعدور اولميوبدي مايوس دشمنون
نا اميد اولا بو محبّلر گور اولور روا يا ابالحسن
آستانوزه يوز قويار سيزون آرزوسينون گلشني سولان
ذيل لطفوزه اعتصام ايدر قلبي غصه دن قانيله دولان
باب رحمتوزدن گورونميوب سيّدي سيزون نااميد اولان
ايليوب سيزي حيّ لم يزل معدن عطا يا ابالحسن
اي هامي اياقدان دوشنلرين دستگيري يا ثامن الحجج
سايه عنايتده ساخلا بو مستجيري يا ثامن الحجج
قوماز آستاندان كريملر كلب پيري يا ثامن الحجج
بير قوجا قولام باشيم اوسته سال سايه ي هما يا ابالحسن
خانه زاد بير مادحم سيزه درگهونده بير كمترين غلام
نيليوم كه مولامه عاشقم گرچه من سيه روي بير قولام
درد عشق اياقدان سالوب مني گَلميشم طبيبيم دوا آلام
جرمدور مگر عاشق اولسا گر شاهه بير گدا يا ابالحسن
وار مگر گدانون تناسبي سن كيمي جلالتلي شاهيله
گل ديسن گلر گيت ديسن گيدر دل شكسته حال تباهيله
جانيوه قسم ايله سن منه بير نظاره نيمه نگاهيله
هر ايكي جهان درديمه منيم ايلر اكتفا يا ابالحسن
سن يترسن اوچ يرده دادينه قبريوي زيارت ايدنلرين
بير هامي دوراندا مزاريدن بارماقي دوداقيندا دلغمين
بيرده پخش اولاندا عمللرين نامه سي كه بير وقتدور چتين
بير لَدَي الصِّراط اللرين دوتوب ايلسن رها يا ابالحسن
سگّيزيمجي شرطي موحّدين سنسن اي هامي عالمه رجا
من غريب و بي يار و ياورم يوخ منه اولان كيمسه ملتجا
بو غريبه بير لطفيله نظر ايلسن اگر چوخ اولور به جا
اي غريق بحر مصائبه يار و ناخدا يا ابالحسن
اي غزال وحشي دلين بُلن من اسير آلام و بي كسم
يوخ دليم ايدم درديمي بيان قويما سندن اميديمي كَسَم
ويرّم اي اميد جهانيان فاطمه آنان حقينه قسم
سن آقاليقون ايله باخما وار منده چوخ خطا يا ابالحسن
قاره پوش ايدوبلر ضريحيوي چون شهادتوندور سنون شها
وا رضا سسي شهري دولدوروب مشهدي دوتوب شيون و نوا
شيعه لر وورور باشه آغلوري كربلا بساطي اولوب به پا
طوس اولوب بو داد و نوائيله دشت نينوا يا ابالحسن
ميهماندي بو سعديّ زمان اوز قوناقيوه بير نوازش ايت
بو يوزي قرا نوكرونله گَل مهريله عطوفتله سازش ايت
من حسينيم مادحم سيزه منكر و نكيره سفارش ايت
ايتمسونله مدّاح حضرتون قهريله ندا يا ابالحسن
بؤلوم : امام رضا(ع) یازار : hasanfatemefard 0 باخیش
