ديدي حسين سنه قربان اولا بلالي باجون

دوشنبه 12 اسفند 1392

+0 به يه ن
نام شاعر : عيني زنجاني

ديدي حسين سنه قربان اولا بلالي باجون
گلوب زيارتوه شامدن يارالي باجون

اسير شام و مدينه غزاليم يارالي
اوزوم علي قيزي ياسلي عزاليم يارالي

ديار كوفه و شام و حلب مسافريم
اياقه دور نجه گور ماجراليم يارالي

گيدوب جلاليم اليمدن حسين باشيم آغاروب
دينمورم نجه باشي بلاليم يارالي

سزادي دولسا نوائيله نينوا دشتي
من آغلياندا ؛ كه ني تك نواليم يارالي

اسفلي شكوه لريم واردي مخبر شامم
شكسته دور ئورگيم ؛ نينواليم يارالي

گيدنده نعشوي عريان قوم اوسته گورموشدوم
كفنسيز اولماقوا دفن ؛ حاليم يارالي

اوزون بولوردون او گون باشدا معجريم يوخودي
او عذرين اينديده غرق ملاليم يارالي

يارالي گون قاباقيندا سني قويوب گيتديم
هله او گيتماقون افسرده حاليم يارالي

خانيم ليق ايلديقيم كوفه ده نلر گوردوم
باشون گوروردي نجه ابتلاليم يارالي

يارالي باشيوي شمر ايتدي بير گجه مهمان
اودور بير عمريدي گريان لياليم يارالي

گلنديم او گجه من يانان چادرديدوم
آنامدا گوردي نه سوز خفاليم يارالي

سنون يرون او گيجه چوخ نامناسيبيدي
اودور من ايمديده رنج و عناليم يارالي

صباح اولاندا باشون پيشوازيمه گلدي
بولوردي مملكت عشقه واليم يارالي

گلنده من دانشوردوم كجاوه ده گوردون
كه نطقده نجه حيدر مثاليم يارالي

ديردي كوفه ليلر مرتضي علي دانيشور
اودور ديديم او علينون آليم يارالي

باشون او گون منه گوستردي ايله لطف و نوال
كه حشر اولونجا رهين نواليم يارالي

او زينبم مني گون گورممشدي بي پرده
هامي بولوردي آنام تك حياليم يارالي

سنون محبتون ايتدي اسير سالدي چوله
 محبت عالمينون مه جماليم يارالي

هارا گيدن باشون آردينجا گلميشم منده
مقام عشقده باخ گو وفاليم يارالي ؟

آپاردي مجلس عامه بيزي زياد اوغلي
گوره گوره باشي قاندان حناليم يارالي

اسوبدي باخمادي گلزاريمه سموم خزان
تصور اتمدي عصمت نهاليم يارالي

دانيشدوروب مني ؛ ووردي دوباره دل ياراسي
بيان ماوقعه نطق لاليم يارالي

باشون دالينجا دوشوب شامه گتميشم بير باش
رموز عشقده مجنوندان عاليم يارالي

وروبديلار او قدر تازيانه كعب سنان
هنوز جسميمه باخسان ياراليم يارالي

دولانميشام باش آچوخ شامده محله لري
خيال ايدردي گورن لااباليم يارالي

گينده شامه منه نامناسب آد ديديلر
بله بله كه پيمبر عياليم يارالي

دولاندورورديلا كوچه به كوچه قول باغلي
خيال ايدرديله چين و خطاليم يارالي

توكرديلر باشيما كول ؛ دويرديلر بي جرم
گمان ايدرديله جرم و خطاليم يارالي

گونوم او شهرده ؛ بختيم كيمي دونوب شامه
اگر چه شمس حيا – مه لقاليم يارالي

باشيمدا قمچي يري معجريم كيمي قرالوب
ايكي قرائيله باشي قراليم يارالي

پوزوب خياليمي بير نحويله خرابه غمي
دينمورم بو قدر وار خياليم يارالي

او قدر صبر ايلديم صبر مندن اولدي ملول
بو يولدا گور نه شهامت نماليم يارالي

دايان بلمديم اما يزيد بزمنده
سبب او يزميدي چوخ غم فزاليم يارالي

امان يزيدين اليندن يارالي امان
يارالي قلبيمي ايلوب او شرب مجلسي قان




بؤلوم : اربعين یازار : hasanfatemefard 0 باخیش

اذان بلال

دوشنبه 12 اسفند 1392

+0 به يه ن
نام شاعر : محمد حافظ قرآني

خدا آديله او فعليكه ابتدا اولماز
قصور كامل اولار فعله ابتدا اولماز

خدا آديله اودور باشليرام بو مطلبي من
خدادن اوزگه سينه اتكا سزا اولماز

بلال شوري بلالي باشيمدا، الده قلم
اگرچه لايق شأني سوزوم ادا اولماز

ايدوبدي شور پيمبر بلالي شوريده
ايله مهيّج و پرشور ماجرا اولماز

مؤذن نبوي پيرو حقيقتيدي
مجاز اهلي اولان قلبيده صفا اولماز

همينكه ايلدي رحلت پيمبر رحمت
گوروب رعايت مصداق اِنَّما اولماز

اذاني ترك ايلدي ويرمدي بلال اذان
ديدي كه خادم شه خادم گدا اولماز

نقدر ايتديله خواهش بلال اذان ويرسون
جواب ويردي بو منظور مطلقا اولماز

ابي قحافه نون اوغلي خلافته يتسون
موافق نظر ختم انبيا اولماز

علي وصيّ بلافصل حقي غصب اولسون
بو امره آند اولا اللهه حق رضا اولماز

سفارش ايلدي بير گون اوزي خانم زهرا
بلال اذان ديمه سن درديمه دوا اولماز

بابام پيمبري چوخ گوگلوم ايستوري هرچند
سنه امام جماعت او مقتدا اولماز

سسون گَلنده دوشر ياديمه رسول امين
منه تسلّي دل اوزگه بير صدا اولماز

بلال گوردي بتولين سوزين يره سالسا
موافق دل سلطان اوليا اولماز

گلوبدي مسجد پيغمبره اذان ديماقا
زمان اگرچه دونوب بيرده مامَضي اولماز

بلال حزن تماميله سويلدي تكبير
گورن ديدي بيله محزون ايدن صلا اولماز

ايشيتدي فاطمه تكبيري ايلدي تكرار
ديدي كه اوزگه سي مستوجب ثنا اولماز

دينده اشهد ان لا اله الا ا...
خانم بويوردي خدادن سوا خدا اولماز

اوچومجي فصلين اذانين ديَن زماندا بلال
قيامت اولدي ديسم گر، سوزوم خطا اولماز

پيمبر آدي سالوبدور مدينيه بير شور
كه حشريده ايله بير شور غمفزا اولماز

قاريشدي بيربيرينه آغلادي اناث و ذكور
جهان نه قدر اولا ايله بير بكا اولماز

مدينه دن فلكه وا محمّدا اوجالوب
ايله ياران جگري وا محمّدا اولماز

آتاسينون ايشيدنده گوزل آدين زهرا
ديدي خراب ندن ارضيله سما اولماز

بابا بابا ديدي ازبس يخيلدي ضعف ايلدي
بيله وفالي قيز ايله رئوف آتا اولماز

خبر ويريلدي بلاله دايان بتول اولدي
كسوب سسين ديدي بيرده بو سس رسا اولماز

خيال ايدوب آلا ثاني بلالدين بيعت
او حاضر اولماسا بير عدّه هكذا اولماز

بلاله عرصه ني چوخ تنگ دوتدي اول بي دين
ديدي خليفيه اولماق كم اعتنا اولماز

تانور هامي اوزونه پيشوا ابوبكري
تانوماسان اوزيوه سنده پيشوا اولماز

دوتوب او دست خطا كاريله گريبانين
ديدي اولونماسا بيعت يخن رها اولماز

غلاميدون سني بوبكر آلوب ايدوب آزاد
بو فاش مطلبي ايتماقليق اختفا اولماز

بلال سويلدي حاشا ايدم اونا بيعت
او فعلي ايلمرم كه خدا رضا اولماز

پيمبر امر ايدوب آلدي او ايلدي آزاد
بو كلمه حقّيدي انكار حق سزا اولماز

ولي مني گينه قيترسه ايتسه قول اوزينه
وار اختياري جوابينده حرف لا اولماز

دوباره قول اولوب اوز عمريمي باشا ويرّم
جزاده خصم منه شافع جزا اولماز

اوتان حيا ايله صحّاك زاده شرم ايله
تعديات اولي گيزلينده برملا اولماز

منيم گيچوبدي چوخي عمريمون آزي قالوري
دوباره عمر جهاندا منه عطا اولماز

جهان فنادي ولي عمر آخرت باقي
بُلن يانندا فنايه بقا فدا اولماز

ايشيتدي بو سوزي خطّابين اوغلي غيظه گلوب
ملاطفت ديدي هرگز سنه روا اولماز

خلاصه بيعت ايله يا مدينه دن چيخ گيت
قبول اوزگه تمنّا و التجا اولماز

بلال گوردي گرك كوچ ايده، يوخ اوزكه علاج
رعايت حرمتي اوردا قالا اولا اولماز

مينوبدي ناقه سيني چيخدي شهر يثربدن
قبول ايلمسه گوردي انزوا اولماز

ديار شامه گيدوب بلكه غصّه سي آزالا
اگرچه اهل ولادن بلا جدا اولماز

ياتوبدي بير گئجه پيغمبري ايدوب رويا
ايله غلام ايله مولاي ذوالعلا اولماز

محبّتيله رسول خدا بويوردي بلال
وفالي دوست بو تيزليقدا بي وفا اولماز

سبب نه اولدي عليدن نه تيز بيله دويدون
زمان سختيده بيگانه آشنا اولماز

دمشقي سن نيه ويردون مدينيه ترجيح
مگر دمشقيده دنياي دون فنا اولماز؟

بلال اوياندي اوزي نفسيني مخاطب ايدوب
ديدي بو ظلميدي بوندان بيوك جفا اولماز

علاوه ناخوشيدي سن گلن زمان زهرا
اونا اگرچه سنون گيتماقون دوا اولماز

گينه عيادتي لازيمدي دلشكسته دي چون
اونون عيادتي بي اجر و بي جزا اولماز

دوشوب بو فكره قِييتسون مدينيه بيرده
اگر قِييتمسه شرط وفا ادا اولماز

دوباره يثربه گَلدي دمشقيدن غمگين
اونون او حالي كيمي حال غمفزا اولماز

قالوب ولي متفكر ايكي مرام اوسته
كه هانسيني ايلسم نقض مدعا اولماز

گيدوم زيارت پيغمبره ازل گوره سن؟
و يا عيادت زهرايه كه صورا اولماز

اگر زيارت پيغمبره ازل گيتسم
گلايه مند يقينيمدي مرتضي اولماز

اولار پيمبرين امّا خلاف رفتاري
يقين رضا اونا پيغمبر خدا اولماز

اوزي گَلنده سفردن هميشه پيغمبر
گوزوم گوروب اونا بو كلمه افترا اولماز

ازل گيدردي قيزي فاطمه زيارتينه
اونون ايشي سوزي كه وحي دن سوا اولماز

گيدوم عيادت ايدوم بس ازلده زهراني
صورا بير ايش اولي موقعده اقتضا اولماز

مصمم اولدي علي دودمانينه گَلسون
ايله غلام وفادار و پارسا اولماز

گَلوب دوگوب قاپوني گور غلاميده ادبي
اجازه ايستمه ميش داخل سرا اولماز

گوروم عذابيوي ثاني خدا شديد ايلسون
سنون كيمي بو خلايقده بي حيا اولماز

او محترم قاپوني ظلم اوديندا يانديردون
و حال آنكه بُلوردون تايي بنا اولماز

ايدوم خلاصه بلالين حكايتين تعقيب
تمامه يتميه ناقص اگر قالا اولماز

خبر بودور حسنينون بيري گَلوب قاپيه
منيم عقيدمه امّا بو سوز بجا اولماز

گرك قاپوني آچان شاه كربلا اولسون
قاپي آچان او اولان يرده مجتبي اولماز

آچوب قاپوني بلالي گوروب سلام ايلدي
بلاله صبح خيال ايله گور مساء اولماز

باخوب حسينه گوروب حالي چوخ پريشاندور
يوزي ايله سارالوب كه ايله طلا اولماز

دولوب پياله تك اشكيله نرگسي گوزلر
بُلوب او حال بدون غم و بلا اولماز

ديدي او گوزلره قربان اولوم آنان نجه دي؟
شِفا تاپوبدي؟ دوا دردينه و يا اولماز

اوره كلنوب توكوب اشگين يوزه حسين ديدي
توكم سرشگيمي عمريمجه اكتفا اولماز

آنام وفات ايليوب قالموشام بلال آناسيز
مگر آناسيز اوشاقلار گوني قرا اولماز

اوشاق آناسيز اولونجا اوزي اُله ايكاش
چتين آنا اُلوموندن بير ابتلا اولماز

گئجه گونوز باجيم اوخشار بيز ايلروق ناله
آتامدان اوزگه بيزه كيمسه هم صدا اولماز

آتا نه قدر اولا مهربان بوني بُلوسن
گينه آنا يري ويرمز گَلوب آنا اولماز

قالوب سسي قولاقيمدا قاپي يانان گوندن
او نوع حادثه واقع ايله بداء اولماز

ديوب بو سوزلري قويدي يوزون يانان قاپيه
ايله سيزيلدادي بير ني ده اول نوا اولماز

ديدي بلال آناما بوردا بير يارا دگدي
يتر تمامه بو دنيا ايله يارا اولماز

بو آستانيه آخدي او ياره نين قاني
نه قان كه ويرسله دنياني خونبها اولماز

چاغوردي فضّه ني گَل فضّه گَل بالام اُلدي
اياقه دورماقا منده داخي قوا اولماز

دي حافظي آدي اسلام ادّعا ايدنه
بشرده دين اولي تزويريله ريا اولماز




بؤلوم : حضرت زهرا(س) یازار : hasanfatemefard 0 باخیش

اذان بلال

دوشنبه 12 اسفند 1392

+0 به يه ن
نام شاعر : حسين حسني

مدينه اهلي ناگهان ايشيتديلر اذان سسي
ايشيتميوبله بير نچه زماندي كه همان سسي

او گوندنيكه حضرت رسول رحلت ايليوب
ابي قحافه اوغلونا او خلق بيعت ايليوب
بلال اذاني ترك ايده تلاش و همّت ايليوب
ديوب بلالدن داخي ايشيتمه سوز اذان سسي

ديدي موذّن نبي اذانچي اولماز هر كسه
چتيندي شاهباز اولان اولا شكار كركسه
بودور نهايتي اُلوم حيات رشته سين كسه
گَلور قولاقه دمبدم دَراي كاروان سسي

نه قدر وعده ويرديلر، نه قدر خواهش ايتديلر
بير آزجا قورخودوبدولار، بير آز نوازش ايتديلر
قاباقكي تك اذان ديسون اونا سفارش ايتديلر
ديدي محال اولار عيان ايدم اولان اذان سسي

سفارش ايتدي فاطمه بلاله امتحان ويره
بابامي گوگلوم ايستوري گنه گيدوب اذان ويره
ديون بلال اذان ديوب بو مرده جسمه جان ويره
اونون اذان سسي گَله گَلر بو جانه جان سسي

بلاله غملي موقعي يتوب سفارش بتول
توكوب عذاره گوزياشي ديدي موذّن رسول
اولور كه فاطمه سوزون بلال ايشيتمه سون، قبول
او ايستيوب حق ايستيوب بو خسته ناتوان سسي

چتيندي غملر آيريلا، انيس اولوب بلاليله
اوزين يتوردي مسجده اذان ديه ملاليله
ديوبدي اللهين آدين قاباقكي تك جلاليله
اودور قالوبدي خلق آرا آديله جاودان سسي

دوشوبدي خلق حيرته، مناره دن اوجالدي سس
خيال ايدوبله بيعته بلال ايليوب هوس
تفحّصيله بُلدولر نه علّته سينوب قفس
قونوب گل اوسته قوزانوب هزار داستان سسي

بُلوبله امر فاطمه جوابينه ديمز او لا
خليفه بُلمز آيريسون وليّ حق اولا اولا
چتين بلال صبر ايدر رسول گلشني سولا
گُلون گيدر طراوتي كسيلسه باغبان سسي

ايكيمجي فصلينه اذان يتوب گَلوب مرام اَله
اوچومجي فصلي ذكر ايدوب موثّر اولدي هر دله
سالوبدي شهر يثربه او سس عجيبه ولوله
اوجالدي عرشه ناگهان فغان و الامان سسي

ايشيتدي تا آتاسينون آديني خيرة النّسا
آخوبدي گوزياشي يوزه ديدي بابا بابا بابا
نه قدر گوز جفا ايدوب منه بو قوم بي وفا
اوجالدا بُلمورم بابا ايويمده ده فغان سسي

توكوب عذاره گوز ياشي زبس ايدوبدي غم اثر
يخلدي حاليدن گيدوب، بلاله ويرديلر خبر
دايان كه اُلدي فاطمه، سسين كسوب او خوش سير
دوشوبدي لرزه جانينه باتوبدي ناگهان سسي

سسين كسوب ديدي بو سس داخي چتين رسا اولا
اگر رسا اولا گرك امامي پارسا اولا
گيچوبدي عمريمون چوخي بير آز قالور مسا اولا
قوجالموشام داخي چتين سسيم اولا جوان سسي

بلال اذاني خاطره گَتوردي آيري بير اذان
اودور سرشك حسرتيم عذاريمه اولور روان
حسين اذان ديور دوشه يولا او خسته كاروان
اذان سسيله هم زمان اوجالدي بانوان سسي

باجي ايشيتدي قارداشي گَلوب دله اذان ويرور
اذان ويرنده ياره لر دوباره تازه قان ويرور
بو قان او تازه نهضته حيات جاودان ويرور
قولاق ويرنده هر زمان گَلور گيچن زمان سسي




بؤلوم : حضرت زهرا(س) یازار : hasanfatemefard 0 باخیش

اربعين

دوشنبه 12 اسفند 1392

+0 به يه ن
نام شاعر : ابواالفضل عظيمي بيلوردي

داغدار ائتدي حسين(ع)! پوزغون مزارون زينبي
آتش عشقه ساليب ، صبر و قرارون زينبي

غم قوجالديبدير مني ائيليبدي گيريان قارداشيم!
گؤز ياشيملا بير آخير گؤزلرده كي قان قارداشيم!
چوخ مصيبتله يئتيشديم قبريوه، جان قارداشيم!
ائيله دي نيسگيل داغي محزون غبارون زينبي

سؤيله ييم آخير سنه من هانسي بير فرجامدن؟!
كوفه دن يا دير راهيب دن يا راه شام دن؟!
گل دئييم  بير قورخولي ويرانه قالميش دام دن
گؤر نئجه سوزان ائديبدير طفل زارون زينبي!

باغريما اود سالدي هيجران،قانه دولدي شامده
غصّه دن بير نوگولون آج ياتدي سولدي شامده
هئچ سوروشمورسان رقيّه ن پس نه اولدي شامده
جان وئريب يانديردي نازلي يادگارون زينبي

محبس اولدي روحيمه او مُلك شامي قارداشيم!
شرمسارم  كي دييه م من چوخ كلامي قارداشيم!
اكتفا ائت بو سؤزه آل بو سلامي قارداشيم
يانديريب ياخدي خلاصه روزگارون زينبي

قالمادبق ساكت ولي پوزغونلو بير آمالده
عرصه ني  دار ائيله ديك  ظولمه خروشان حالده
فرصتي دشمن دن آلديق، وقت قيل و قالده
صبره تسليم اولدو چون دوتدي وقارون زينبي

ائيله ديك رسوا يزيدي شامده سجّاد ايله (ع)
ناگران اولما كي جنگيم وار گئنه بيداد ايله
هاشمي بولبوللري قويمام گزه صيّاد ايله
عارف فاضل ائديب عطر بهارون زينبي

خطبه ميز يارميشدي دشمن باغريني شمشير تك
گؤز ياشي آنجاق سلاح اولموشدو  كسكين تير تك
روبهان كوفه و شامي ووروردوق شير تك
ائيله دي سؤزلر دَنيزي اقتدارون زينبي

باخما معناده بئله نيسگيللي محزون هيئته
دولموشام آللهه آند اولسون سراسر حيرته
يئنديريب جانون تكان وئر قلب شاه امته
گؤرنه حاله سالدي قانلي لاله زارون زينبي!

اولموشام افسرده هيجرانيندان اي درياي داد
گل دعا ائيله بو تئزليكله آچيم  وصله قاناد
قالماييم دونياده گؤرموم بير بئله جور و فساد
ائيله دي مفتون او  راز  آشكارون  زينبي

دونيانين  باغرين گرك بو كربلاده داغلييام
نيسگيلين چوخدور يئري وار هرنه قدري آغلييام
قالمادي فرصت منه قارداش! ياراوي باغلييام
غرق ماتم ائتدي حزن بيشمارون زينبي

قوي غريبليكلرده يانسين قوربانون اولسون باجون
چيرپينان قلبي دايانسين قوربانون اولسون باجون
باشيوه پيدر دولانسون قوربانون اولسون باجون
اودلادي دونياده چشم اشكبارون زينبي

روحيوي قايتارماغا بير يول چاليش منله حسين! (ع)
آيريليقلار آتشينده دور آليش منله حسين!
دلشكسته قالميشام گل بير دانيش منله حسين!
الامان ائيليبدي حال انتظارون زينبي

اَللري قوينوندا باخ گؤر نه نوا ائيلير رباب!
سينه داغين غملي حالدا برملا ائيلير رباب
ايسته يير دردين دئسين اما حيا ائيلير رباب
اودلادي بو همسر  بي اختيارين زينبي

ناز بالاسين وئر آنا بير آرزييا چاتسين حسين!(ع)
باغرينا باسديقجا بير بير غملرين آتسين حسين!
اصغرين راحتدي راحتتر ولي ياتسين حسين!
يانديريب ياخدي عجب ديلسيز هزارون زينبي

من دئييم يالقيز بالاندا ، سنده اكبردن (ع) بويور!
من دئييم نازلي رقيّه ندن، سن اصغردن بويور
من دئييم ياسدان ، سن عباس دلاوردن بويور!
قارداشيم! چوخ يانديريبدي روزگارون زينبي!

اؤلمه ييبسن آمما سن اي عارف عالي مرام
حق يولوندا اؤلمز هئچ بير شخص مخصوصاً امام
بو آخان گؤز  ياشي اولموش آيريليقدان، وَالسلام
عزّته ماليك ائديب پروردگارون زينبي




بؤلوم : اربعين یازار : hasanfatemefard 0 باخیش

راز و نياز حضرت موسي بن جعفر

دوشنبه 12 اسفند 1392

+0 به يه ن
نام شاعر : آصف

دگل بو ير منه زندان مقام موسادور
خيال خامله فرعون ، سرفراز اولماز

دگل بو ير منه زندان مقام موسادور
خيال خامله فرعون ، سرفراز اولماز
منه روادي بو زنجير كين ، نه هارونه
نه اينكه سلسله ده شير اولار گراز اولماز
بو حبس خانه منه خانقاه عشقدي ، چون
سلوك عشقده جز آه و سوز و ساز اولماز
هنوز مستيدي دنيايه ، دل ويرن هارون
كه چرخ شعبده بازيله ، ترك و تاز اولماز
پيغمبر اوغلونا ظلمات قصردور منزل
كه بير دريچه رخ آفتابه باز اولماز
گونوز گيجه كيمي ظلمات ، تو به تو زندان
بو ير نمازينه هم وزن بير نماز اولماز
بو عاشقانه سيزيلتي حضور جاناندا
بو دل شكسته غريبه گور امتياز اولماز ؟
مني بو كونده و زنجير ساخلاماز يولدان
كه زنگ مانع پرواز شاهباز اولماز
همان مراحلي طيّ ايلديم بو زنداندا
طريق حق گيدنه يوخسا يول فراز اولماز
بو كنج مجلس آرا بير خدادي بيرده اوزوم
ميسر اوزگيه بير بيله اعتزاز اولماز
بو نظمه مبتكر آصفدي ناعمي هرگز
عقاب تيز پره پشّه هم طراز اولماز

دو بيت آخر از ناعمي




بؤلوم : امام كاظم یازار : hasanfatemefard 0 باخیش

قان اولاسان اي فرات

دوشنبه 12 اسفند 1392

+0 به يه ن
نام شاعر :

اي فراتين سويي ، شرمنــــــــــــده دوران اولاسان
تشنه لر قلبي قان اولدي ، سني ده قان اولاسان

قان اولاسان اي فرات ، قان اولاسان اي فرات
قان اولاسان اي فرات ، قان اولاسان اي فرات

اي فراتين سويي ، شرمنــــــــــــده دوران اولاسان
تشنه لر قلبي قان اولدي ، سني ده قان اولاسان

قان اولاسان اي فرات ، قان اولاسان اي فرات
قان اولاسان اي فرات ، قان اولاسان اي فرات

سو يولون باغلاديلار ، خيمه لره چاتمادي سو
بارالهي نه قيامتــــــــــــدي، نه هنگامه دي بو
اوقدر آغلادي قيزلار، داهي خشك اولدي گلو
ديديلر اي سو ، سوسوزلار كيمي حيران اولاسان

اي عمو جان، ابوالفضل
يانديم عمو ، ابوالفضل

قان اولاسان اي فرات ، قان اولاسان اي فرات ،
قان اولاسان اي فرات ، قان اولاسان اي فرات ،

مگر انصافيدي ، صحـــرايه آخار آب فرات
دستماز آلماغا ، سو تاپبيا ياران صلاة
نهر علقم ادي گلجق ديير باب مكات
دائم آواره صحـــــــرا و بيابان اولاسان

قان اولاسان اي فرات ، قان اولاسان اي فرات
قان اولاسان اي فرات ، قان اولاسان اي فرات

اي رباب اي علي اصغـــــــــر آناسي ،آغلاما چوخ
گزمه ده درمان دالسيجا، بالاوين چاره سي يوخ
دَيَيجاق گول بوغازيندان، همان اوچ شعبه لي اوخ
سرنوشتين بويوميش ، سينه سي سوزان اولاسان

قان اولاسان اي فرات ، قان اولاسان اي فرات
قان اولاسان اي فرات ، قان اولاسان اي فرات
سو يولون باغلاديلار ، خيمه لره چاتمادي سو
بارالها نه قيــامتدي ، نه هنـــــــــگامه دي بو
اوُ قَدَر آغلادي قيزلار ،داهي خُشك اولدي گلو

مگه انصافيدي ، صحرايه آخار آب فرات
دستماز آلماغا ، سو تاپبيا ياران صلاه
نهر علقم آدي گلجق دييلر باب مكات
دائم آواره صحــــــــرا و بيابان اولاسان

اي رباب اي علي اصغــــــــر آناسي ،آغلاما چوخ
گزمه ده درمان دالسيجا، بالاوين چاره سي يوخ
دَيَيجاق گول بوغازيندان، همان اوچ شعبه لي اوخ
سرنوشتين بويوميش ، سينه سي سوزان اولاسان

قان اولاسان اي فرات ، قان اولاسان اي فرات
قان اولاسان اي فرات ، قان اولاسان اي فرات

يانديم عمو ، ابوالفضل
بيرجرعه سو ، ابوالفضل
عمو عمو ، ابوالفضل




بؤلوم : فرات یازار : hasanfatemefard 0 باخیش

عاشورا نوحه سي- اثر يحيوي

پنجشنبه 8 اسفند 1392

+0 به يه ن
عاشورا نوحه سي
نام شاعر : مرحوم عباسقلي يحيوي(تاج الشعرا)


آي باتدێ صۆبح آچێلـدێ، زينب نـوايــه گلـدي
زهرا دئدي حسين واي، عاله‌م صدايه گلـدي

چۆن يێخديلار آتێندان، سولطان-ي-تيشنه كامي
دونيايـــه اوْلــدۇ ائعــلان قتــل‌الحسيــن پيـامــي
جننـاتيـده‌ن ائشيتــدي پئيغـه‌مبــه‌ر-ي-گيـرامـي
نعلئين‌سيز عباسيز كرب-وْ-بلايه گلدي

پئيمانه عالـه‌م اوْلـدۇ، جانـانـه وئــردي جانيــن
شوْق-وْ-شرافه‌تينه‌ن، طئي ائتدي ايمتيحانين
شمر-ي-دغا تؤكه‌نده، خاك-ي-مينايـه قانيـن
يۆز دۇتدۇ آسيمانه، حمد-وْ ثنايه گلدي

خـون-ي-خـۇدا تـؤكـۆلـدۆ، گــوْدال-ي-كــربـلايـه
يئرله‌ر تزه‌للزول ائتدي، رعشه دۆشوب سمايه
كـرروبييـان-ي-لاهـوت، آغلاشــدێ بۇ بـلايـــه
يئل اسدي گۆن دۇتولدۇ ظۆلمه‌ت فضايه گلدي

خون-ي-حۆسئين بوْغازدان، جاري اوْلان زماني
جئبريل آپاردێ عرشه، بير شيشـه ده اوْ قاني
اوْل شيشــه‌ده‌ن نومــودار، اوْلدۇ بلا نئشـانــي
قوْزاندێ بـويـئ ماته‌م، اهلئ سمايه گلدي

نور-ي-حق اوْلدۇ لامئع، باشسێز قالان بدنـده
رأس-ي-حۆسئينئ مظلوم، سر نيزيه گئدنده
باد-ي-سيياه اسه‌نـده، يئر زلـزه‌لـه ائـده‌نــده
سێندي نظام-ي-دونيا حد-ي-فنايه گلدي

نزديك ايدي يئرينده‌ن، چيخسين مدار-ي-دونيا
آل-ي-اۇميه ائتسين، دستور-ي-شرعي مولغا
سرنئيزه ده‌ن ائده‌نده نور-ي-حۆسئين تجه‌للا
دين-ي-محمد اۆسته نوراني سايه گلدي

فـرمــان-ي-غـارتيلـــه‌ن، تللــي آشێـب عربلــه‌ر
گؤردۆ اوْ هاي-وْ-هويو، اطفال-ي-زار-وْ-موْضطـه‌ر
قاچێيلا خئيمه گاهه، بيرده‌ن اۇجالدێ سسله‌ر
عممه آماندێ لئشگه‌ر، خئيمه سرايه گلدي

صحـرانـــه‌وه‌رد عـربلــه‌ر، خـرگاهــي ياندێـرانــدا
باشــێ آچێق حره‌مله‌ر، اوْددان چێخيب قاچاندا
قالخێـب بحتر-ي-آتــه‌ش، گيزله‌نـديلـه‌ر دۇمانـدا
تـۆسدۇ اۇجالـدێ قاره، پـرده هوايــه گلدي
 
بير خێردا قێز قاچێردێ، دۇتموش اله عباسيـن
مرد-ي-يهودي دۇتدۇ، خاموش ائديب ليباسين
گتدي اله حۆسئينين، ديلبه‌ندينين ريضاسيـن
احسه‌ن اوْ شئيخه موشكول، وقته هرايه گلدي

گر ائتمه‌سئيدي زينب، نسل-ي-حۆسئينه ايمداد
اوْلمۇشـدۇ اوْد ايچينـده، سـۇزان امـام-ي-سجــاد
قێلـــدێ رشـــاده‌تيــلــه، اوْددان ايـمـــامـــي آزاد
بير تــازه زينده‌قانلێق، زين-وْ-العئباده گلدي
 
زهــرا گــزه‌ردي گــۆنــــدۆز، اطـــراف-ي-مــاجــراده
تا كـوفييـه حـــۆسئينيــن، گـئتــدي باشي جيـداده
نعش-ي-حۆسئيني آخشام، باشسێز قوْيۇب آراده
گۆن باتجاغێـن اوْ خاتــۇن، مطبه‌خ سرايه گلدي

حوران-ي-باغ-ي-جننه‌ت، محــزون گيريفتــه سيمــا
حــووا خـديجــه خــاتـون، مــريــه‌م جناب-ي-ســارا
آشوفته مو سييه‌ه پوش، ديلله‌رده واي حۆسئن وا
زهرايــه همـده‌م اوْلسۇن، بزم-ي-عزايه گلدي

اللي اۆچ ايل قاپۇندا، وار يحيوي حـۆسئن جان
نؤحه يازێب غمــوندا، اوْلمــۇش مريـض-وْ-نالان
دست-ي-مـــوبــاره‌كــونلا، دردينـه ائيله درمان
اۇميد-ي-صئححه‌ت ايله، باب-ي-شفايه گلدي


آچار سؤزلر : نوحه,


بؤلوم : روز عاشورا یازار : hasanfatemefard 0 باخیش

طفلان-ي-مسلم قضيه‌سي-اثر يحيوي

پنجشنبه 8 اسفند 1392

+0 به يه ن
طفلان-ي-مسلم قضيه‌سي
نام شاعر : مرحوم عباسقلي يحيوي(تاج الشعرا)

شهر-ي-يثربده‌ن حـۆسئـن قافله‌سـي باغـلادێ بـار
اهل-ي-بئيت-ي-نبــه‌وي، محمئـل-ي-زررينـه ســوار
تـۇتــدو زينب اوْ زمــــان تخـــت-ي-روانينــــده قــــرار
مسلمـون خێـردا ايكـي، اوْغلــۇ قێــزي بيـــر حـره‌مــي
همـره-ي-قافيلـــه، يــانينــــده كنيــــز-وْ-خــده‌مـــي

مكــه‌ده‌ن خــاك-ي-عيـراقـــه كيمـي صحـراي دئـراز
نـوْجـــوانـان بنــي هاشيمه ائيلـه‌رديلــه ناز
بس كي خاطيرله‌رين ايسته‌ردي شه-ي-مولكئ حئجاز
هر گۆن ائحضـار ائلييه‌ردي شـره‌ف-ي-خيـدمه‌تينـه
ال چكـه‌ردي اوْلارێن زولفـونـه هــم صـوره‌تينـه

تنگيديـر شعريـده چـۆن شـرح-ي-مقــالاتــه مقــام
مطله‌بـه تئـز تاپـاق ال ائيلـه‌مـه‌ديـم طـول-ي-كـلـام
كـربـلاده وۇرولــوب امــر-ي-امـاميلــه خييــام
اوْلـدۇ مأنـوس-ي-حـره‌م قلبيــده مسلــم ياراسـي
مسلمـۇن بـانـوي-ي-بـا‌عيصمـه‌تي هـم اۆچ بالـاسـي

ايكـي اوْغـلان گليـب ايـذن ايستـه‌ديلـه‌ر مئيـدانـه
وئرمـه‌دي ايـذن دئـدي شـاه اوْ ايكـي قۇربانــه
بس كيفـايـه‌ت دير آتـوْز كوفـه‌ده باتمێـش قـانــه
سيـز منيـم ناييبــيميـن گۆلشـه‌نيـنين گۆللـــه‌ريـسيـز
نخـل-ي-ماتـه‌مـده سييـه‌ه‌ پـر بـلا بـۆلبـۆللـه‌ريـسيـز

الغــه‌رض قتـل-وْ-قيتـال اوْلـدۇ تمــام عـاشـورا
تـؤكـۆلـۆب خئيمـه‌لـه‌ره سئـل كيمــي افــراد-ي-بــلا
وۇردولار سوْيــدۇلار عـوْره‌ت اۇشــاقێ بـي پـروا
يانـدێـرێـب خئيم-ه-وْ-خـرگـاهـي الوْولانـدێ حشـه‌م
قاچـدێــلار دشــت-وْ-بييـابــانـــه عـزيــــزان-ي-حـــره‌م

بـالا قێـزلار كـي قـوْيـۇب يـۆز هـره‌سـي بيـر طــره‌فــه
بيـر علقـه‌م طـره‌فـي بيـري راه-ي-نجفـه
مسلمون خێـردا قێـزي اوْلـدۇ قاچـان وقتـه خفـه
قـاچمـاغـا تاپمـادێ يـوْل قطـع-ي-اۇمـود اوْلــدۇ اوْ قێــز
يێخيليـب آتـلار اياغينـه شهيـد اوْلـدۇ اوْ قيــز

يئـل اسيـر، قالخێـر الـوْو، دشتـي باسيـب دود-وْ-بـوْخار
گـؤز گـؤزۆ گـؤرمـه‌ز هـوانـي بـۆرويـوب گـرد-وْ-غـوبار
اوْ ايكـي طئفل، اوْ تــوفـاندان اؤزۆن ائتـدي كنـار
قاچێـب آخێـر يـوْرۇلان وقتـه آچێـب گـؤزلـه‌رينـي
نـاگـه‌هـان تاپـدێـلار جنگـه‌ل-ده اوْلار اؤزلـه‌رينـي

نئـي‌لـه‌ريـن شاخـه‌سـي آلتێنـدا اوْلـۇبـلار پينـهان
ائشيـده‌رديـلـه هيـاهـو سـسـينــي مئيــدانـدان
قـوْرخـۇدان قـوْل بـوْي-ۇن اوْلـدوْ ايكـي قارداش لـرزان
يئـره بيهـوش دۆشـوب بيلمـه‌ديلـه‌ر شـور-وْ-شـري
گتيـريـب هوشـــه شـابـانگـاه نسيميــن اثــه‌ري

گــؤز آچێب دؤرد طـره‌فـه بـاخـدێـلار چوْخ ديققه‌ت ايله‌ن
جنگه‌لي خئيمه‌دن آرتێق تاپێب امنيت ايله‌ن
صۆبـح ائديبله‌ر گئجه‌ني ديل دوْلۇسۇ وحشه‌ت ايله‌ن
گۆن دۆشه‌ن وقته داغا دۆشدو بۇلار صحرايه
وۇردولار چنــگ-ي-توه‌سســول كـــرم-ي-يئكتـايــه

بعضي مقته‌ل ده يازێب قيرخ گئجه بعضي‌سي بير ايل
گزديله چؤللـه‌ري آواره نه يوْلداش نه دليل
گه علف ريشه‌سي مئيل ائتديله گه برگ-ي-نخيل
دوْلانێب تاپمادێلار يوْل اوْ ايكي سرگه‌ردان
نه آياق رددي نه بير جادده نه شهر-وْ-آبادان

بير چراگاهه يئتيب گؤردۇ اوْ يوْرغۇن بالالار
اوْردا بير دسته قوْيۇن اوْتلۇر عجه‌ب منظه‌ره وار
گلله‌بان الده آغاجێ دۇروب اطرافه باخار
اده‌ب ايله دايانێب وئرديله چوپانه سلام
دئديله‌ر وئر بيزه ايمكان قده‌ري آب-وْ-طعام

نئچه مۆدده‌ت دي طعام آدلێ غذا گؤرمه‌ميشيك
آب-ي-باران دان ايچيب برگ-ي-ديره‌ختان يئميشيك
پا بۆره‌هنه دوْلانێب چؤللــه‌ري آللاه دئميشيك
ايتيريــب يوْلــلارێ كنــده شهـــه‌ره چاتمامێشيـق
قوْرخۇموزدان گئجه گؤز يۇممامێشيق ياتمامێشيق

گلله‌بان عرض ائله‌دي ائي ايكي نوراني اۇشاق
دئيين اصل-وْ-نسبيز، چؤللـــه‌ره دۆشدۆز نه ساياق
ساخلارام گر تانێسام گؤزله‌ريمين اۆسته قوْناق
آگه اوْل، بيز دئديله‌ر مسلمون اوْغلانلارێ‌يـێـق
ظۆلم اوْدوندان قۇتاران حال-ي-پـريشـانـلاري‌يـێـق

شيعـه‌ي-ي-حضره‌ت موْلا ايدي بس كي اوْ جوان
آغالارێن تانێدێ ائيله‌دي شيدده‌تله فغان
ال اياق‌لارێن اؤپۆب معذه‌ره‌ته آچدێ زبان
بعد از آن سوفره ده حاضير ائله‌دي شير-وْ-فطير
رغبـه‌ت ايله يئديله‌ر شيـر-وْ-فطيـر اوْلـدۇلا سير

دئدي جانيم سيزه قۇربـان اوْلا گـۆل پارچـالاري
قصـد ائـديبسيز گئده‌سيز هانسێ گـؤزه‌ل شهره ساري
رهنۇمالێق ائله‌ييم من سيزه حافيظ دي تاري
يا قالێن زينده‌گي‌يئ ساده‌يه عاده‌ت ائله‌يين
منزيليم غاريدي خوْش اوْلسا قيناعه‌ت ائله‌يين

دئيدله‌ر شهر-ي-مدينه نئچه فرسه‌خ دي بۇرا
عرض ائديب شهر-ي-مدينه هارا؟ بۇ جۆلگه هارا؟
كوفه اطرافي دي بو يئر كي ائدير گله چرا
دئديله‌ر بير نئچه گۆن بۇردا بيزي ائيله نيهان
شايـه‌د احواليميـزه رحم ائلـي‌يـه‌ن اوْلـدۇ عيان

سۆپۆروب آلدێ توْزۇن غاري مۆزه‌ييـه‌ن ائلـه‌دي
بير قـوْيـۇن جيلدين اوْنـا فرش-ي-نيشيمـه‌ن ائلـه‌دي
ايكي شهزاده همون غاريده مسكه‌ن ائله‌دي
ائتدي مشغول چوْبان خوْش مزه صؤحبـه‌تلـه‌رينـه‌ن
وئردي تسكيـن اوْلارا شيـرين حيكايـه‌تلـه‌رينه‌ن

از قضـا ابـن-ي-زياد ائيلـه‌دي بير عيـدده روان
مالييات آلماغا اغنـام-وْ-حشـه‌مـده‌ن او زامان
بيري مأمـوريلـه‌رين ساخـلادێ بـۇ يئـرده عينان
اوْلدۇ مشغول قـوْيۇنـلارێ سايێـب داغـلامـاغـا
غاريـده گؤزلـه‌ري دۆشـدو ايكـي معصوم اۇشـاغا

دئـدي بـۇ طيفلي‌لـه‌رين بـۇردا نـه كئيفيتـي وار
دئـدي يـا شئيـخ حقيـره بۇلارێن نيسبـه‌تي وار
دئـدي سـن دۆز دئمـه‌ديـن بۇنلارێن آي صـۆره‌تـي وار
دۆز دئسـه‌ن گيـزله‌ديره‌م سيررينـي آلـلاهـه قسـه‌م
نسـل-ي-اينسـان دگيلــه‌م قصـد-ي-اذيـت ائتســه‌م

اوْ لعينيـن قسـه‌مـي شـاد ائديـب اوْل طيفلـي‌له‌ري
دئديلـه‌ر مسلمــون اوْغـلانلارێ‌يێـق بيـل خبــه‌ري
كــربـلاده‌ن قـاچێـب آواره گـزيــب كــوه-وْ-بــري
اوْلمـۇشـوق بـۇردا پنـاهـه‌نـده بـۇ مغغـارييـه بيــز
اينـدي مؤحتـاجيـق ايـا شئيـخ ره چـاريـيه بيــز

دئـدي بختيـم مـن اتئـدي نـه عجـه‌ب صئيـده دوچـار
سيـزي دربـار-ي-اميــره آپـارێـم ميثـل-ي-شيـكـار
خلعـــــه‌ت آلــــلام ديره‌م-ي-نوْقـــــره-وْ-زريـــن دينــار
تئـز قبـاغيمـه دۆشــۆن اوْلمييـه تـا حـؤصـه‌لـه تنـگ
طئـي ائدين كوفـه يـوْلـۇن ائيلـه‌مئيين ذرره ديره‌نگ

قسه‌م-ي-كاذيبين اوْل حيله‌گرين گؤردۆ شبان
دئدي مئهمانلارێمي وئرمه‌ره‌م اؤلسه‌مده اينان
اؤزۆن آتدێ قاباغا سينه‌سين ائتدي قلخان
ايكي‌سي اوْلدۇ گلاويز كئشاكئش اوْجالێب
چوْخ تلاش ائتدي شبان قودره‌تي قوْلدان آزالێب

سيلي-وْ-موْشت-وْ-لگه‌د ضربه‌سي سوست ائتدي قوْلۇن
باغلادێ ظاليم همون ساعه‌ت اوْنۇن ساغ-وْ-سوْلۇن
هر اۆچۆن ائتدي اسير باشلادێلار كوفه يووْلۇن
گۆن غروب ائيله‌دي عاله‌م گئيينيب قاره حئجاب
مركه‌بينده‌ن آشاغا دۆشدۆ غولام ائيله‌دي خواب

قوْللارێن آچدێ شبانين ايكي سئبطئين-ي-عقيل
وئرديله‌ر ايذن دۇروب قاچدێ اوْ جانباز-ي-جميل
اوْيـانێب صـۆبـح آچێـلان وقتـه غـولام-ي-بد اصيـل
ائيلـه‌ييب گـؤردۆ شبـان، نيصـف-ي-شبانـگـاه فـرار
آجيغينـدان وئـريب اوْل طيفلي‌له‌ره زجر-وْ-فيشار

چاپاراق، قصر-ي-زيياده يئتيب اوْل نسل-ي-فيساد
اوْ ايكي طيفلي چكيب مجليسه با داد-وْ-عيناد
جوشه گلدي غضه‌بي حۆكم ائله‌دي ابن-ي-زيياد
اوْلارا ظـۆلمــه‌ت-ي-زينـدانيــده وئرسينلــه مقــام
وئرمه‌سينلـه سـۇ سـرين شـربه، دوْيـۇن قـدري طعام

قالـدێـلار مــۆدده‌ت-ي-طــولانــي قــارا زينــدانــدا
ال ايــاق كۆنــده-وْ-زنجيــريــده، زحمــه‌ت جـاندا
بيـر گئجـه آچـدێــلا ديــل محضـه‌ر-ي-زيندانبانـدا
مذهــه‌ب-وْ-دينيــوي يــا شئيــخ، بۇيــور ائيلـه كـره‌م
دئــدي ايسلايمــده مـذهـه‌ب ده علي شيعـه‌سي‌يه‌م‌

دئديله‌ر كيم دي محمد؟ دئدي پيغه‌مبه‌ر دير
دئدي كيم دير علي كي لقبه‌ي حئيدر دير؟
دئدي موْلا دي منه شيعه‌لره سروه‌ردير
دئديله‌ر حضره‌ت-ي-زهرا، حسنين كيم دير مگه‌ر
دئدي زهرا صدف-ي-دين، حسنين دير گوْهه‌ر

دئديله‌ر دين-وْ-ديانه‌تده كي سن دم وۇروسان
شيشه‌ي-ي-قلب-ي-رسولي نييه بس سێنديريسان؟
مسلم اوْلاديني زينداندا اوْدا ياندێرێسان
بيز ابوالطالبين ائي شئيخ ايكي نوواده‌سيييك
مسلمون سبز-ي-كمه‌ر جامه سييه‌ه زاده‌سيييك

تانێدێ چۆن ايكي شهزاده‌له‌ري مرد-ي-سليم
يێخليب اؤپدۆ اياغلاريني ائتدي تعظيم
شل اوْلايدێ دئدي زنجير وۇران وقته اليم
گؤتۆروب كۆنده-وْ-زنجيري وئريب بير نئچه نان
آچدێ زينداني مدينه يوْلۇنو وئردي نيشان

پر آچێب كۆنج-ي-قفه‌سده‌ن چێخيب اوْل تئيهوله‌ر
قاچدێ صيياد الينده‌ن قۇرتاران آهوله‌ر
چكدي آسوده نفه‌س توْردان اۇچان ياهوله‌ر‌
بيلمئـييـر‌له‌ر هارا گئتسين‌له‌ر شب-ي-ظۆلماني؟
هارا آيا چاتاجاق ايشله‌رينين پاياني؟

نابله‌د شهري دير غۆربه‌تدي جماعه‌ت خونخار
قوْرخۇشورلار گئجه‌نين عاله‌مي داروغه دۇتار
اؤز اياق سسله‌رينه ديسكينيب ائيله‌رله فرار
كوچــه-وْ-بــرزه‌ن-وْ-دربـــه‌نـــدي هـــراســـان دوْلانيـــر
ال اله وئرميش اوْلار گاه قاچێب گه دايانێر

تنگنا كوچه‌له‌ري گزدي، اوْ وحشه‌ت زده‌له‌ر
يئتديله‌ر بير باغا گؤرديله‌ر اێشيقلاندێ سحه‌ر
اؤزله‌رين بير آغاج اۆستۆنده نيهان ائيله‌ديله‌ر
كي مبادا گؤره يوْلدان كئچه‌ن اول طيفلي‌له‌ري
يئتشيه تازه دن آزاده‌له‌ره جان خطه‌ري

آغاج آلتدا واريدي چئشمه سۇيو، آب-ي-زوْلال
بير كنيز الده سبو گلدي خۇرامان خوْشحال
گؤردۆ سالمێش سۇيا اؤز عكسين ايكي ماه جمال
آغاج اۆستۆنده ساتاشدێ ايكي طيفله نظه‌ري
تؤكۆلوب چيي‌نينه چين-چين اوْ قرا طۆرره‌له‌ري
{منظه‌ره‌يه باخ-گؤر نه يازێب يحيوي}

دئدي ائي جيلوه‌گران سيزده تجه‌للا گؤرۆره‌م
صورتوزده نۆجه‌با شأنيدي، پئيدا گؤرۆره‌م
سيزده افسۆرده‌ليك آثارين هووئيدا گؤرۆره‌م
گيزله‌نيب سيز بئله يارپاق دا نه اوْلمۇش سبه‌بيز؟
هانسێ شهر اهلي سيز آيا، ندير اصل-وْ-نسه‌بيز؟

دئديله‌ر اينديكي گؤردۆن بيزي محبوبه كنيز
هاشيمي طاييفه‌ميز، شهر-ي-مدينه يئريميز
ايكي قارداشێق اۇشاق، مسلمه فرزند-ي-عزيز
چێخميشيق كرب-وْ-بلادن قۇرولان توفاندان
قاچمێشيق دست-ي-جفا كيشمه‌كئش-ي-زينداندان

دئـــدي اوْلســـۇن احــد-وْ-حــي‌-وْ-تــوانـايـه قســه‌م
آپارێب جان كيمي سيزي منزيلده گيزله‌ديره‌م
لۆطف ائدين توْپراغين اۆسته قوْيۇن آهيسته قده‌م
آپارێم منزيل-ي-بانوده ياتێب رام اوْلاسێز
اينجـي‌ييبـسيز نئچه گۆن غۆصصــه‌دن آزاد اوْلاسێز

شؤوق ايله دۆشدۆ قاباغا اوْل زن-ي-عاطيفه ديل
تيتره‌شير واهيمه‌ده‌ن دالدا گله‌ن اوْ ايكي گۆل
قاپێنێ آچـدێ كنيـز، اوْلدۇلا صحنــه داخيــل
خانێمێن گؤزله‌ري دۆشدۆ ايكــي زيبــا اۇشاغا
آيرێليق گؤرميش آنالار كيمــي قاچــدێ قاباغا

سوْرۇشوبدور اوْلارێن حاله‌تيني خاديمه‌ده‌ن
خانێما مطلبي عــرض ائيلـه‌دي واضيــح روْشه‌ن
تانێـدێ چۆن آغاسێ مسلمون اوْلادين اوْ زن
دئدي جانيم سيزه قۇربان بۇ نئجه عاله‌م دير
اياغيز آبيله دير طۆرره‌له‌ريز بر هم دير

آلدێ آغوشينه، اؤپدۆ اوْلارێن ديده‌له‌رين
سپدي عنبه‌ر توْزۇنو، سيلدي يۇدو زولفله‌رين
وئردي مئيل ائيله‌ديله‌ر گرم غذا، آب-ي-سرين
رختئخاب آچدێ سوْرا خانه‌ي-ي-خلوه‌تده يئره
قوْل بوْيۇن دۆشدو ايكي قارداش اوْ ساعه‌تده يئره

كوفه ده ابن-ي-زيياد حۆكم ائله دي چكديله جار
مسلومون طيفلي‌له‌رين ائيله‌سه هر كيمسه شيكار
آلاجـــاق خلعــه‌ت-وْ-اينعــامينــي بــي‌حد-وْ-شيمــار
حاريث-ي-ظاليـم اوْ بـي‌رحم ائلـه‌دي سعي-وْ-تلاش
تاپـا اوْل طيفلـي‌له‌ري تاكــي آلا چــوْخ پـاداش

گئجـه گــۆنـدوز چاپێب آت گـزدي هامـێ رهگۆذه‌ري
مركه‌ب اؤلدۆ پيياده قــوْيـۇب اوْل نسل-ي-شري
صـۆره‌تينــده‌ن تــؤكـۆلـۆر زهــر-ي-هـلاهيــل اثــه‌ري
گلــدي نصف-ي-شب ايــدي منـزيلينــه توْخـم-ي-حرام
عوْره‌تينــده‌ن عصبـانيـت ايلــه ايستــه‌دي شـام

خشمگيـن حالـدا غـذا صـرف ائلـه‌دي ايچـدي شـراب
خـابگاهينـه گئديب چكـدي گـؤزه سـۆرمه‌ي-ي-خواب
اوْ طــره‌فـده يـۇخـو گـؤردۆ ايكـي شهـزاده جنـاب
آتامێز مسلمو گـؤرديـك دئديلــه‌ر آغـلادێـلار
اوْلارێــن سسلـه‌رينـه اوْلــدۇ اوْ ظاليـم بيــدار

كــوزه ياغــدا‌نيـدا؟ خۇرمــا ليفــي‌نــي يانـدێــردێ
آجـێغينـدان تـپيـگـيلـه قــاپێنــێ سێنـديـردي
هـر بيـرينـه اوْلارێـن بيـر نئچـه سيلـي وۇردێ
دئـدي كيـم سيـز؟ كيـم؟ ..عـرض.. ائـديـن سـيز اؤزۆزي
دئديلـه‌ر مسلمون اوْغـلانلارێ‌يـێق وۇرمــا بيـزي

حبسيده‌ن قاچمێشيق عزم ائيله‌ميشيك بيز وطه‌نه
قالێب آواره دۆشۆب مۆشكۆله درد-وْ-مؤحه‌نه
اوْلمـۇشـوق بـۇ گئجـه‌نين وقتي پناهه‌نده سنه
مــرد اوْلان كيمسـه‌نه اينجيـدمـه‌ز آتـاسێـز اۇشـاغـێ
وۇرمـاز ائـو صاحيبـي اۇممـوديـله گلميـش قـوْنـاغـي

باخمادێ قلبيده ظاليم اوْلارێن نيسگلينه
آتدێ ال قهريله تازه دارانان كاكيلينه
دوْلادێ ساغ اله زولفون بيريني سوْل الينه
هئي وۇرۇب چكدي غضب‌له يۆزۆ اۆسته سۆردۆ
يۆزله‌رينده‌ن يئره قان آخدێ ائوي قان بۆرۆدۆ

حاريثين عوْره‌تي قاچدێ اريـنيـن دۇتـدۇ اليـن
منـه مئهمـانـدي بۇلار، سـؤيلـه‌دي ائـي مرد-ي- لعيـن
بۇنـدان آرتێـق ائيلـه‌مـه حضـره‌ت-ي-زهـراني غمين
يا وۇر اؤلدۆر منـي يا وئـر منـه ايقرار طلاق
يا كي بوْشلا وطه‌نه گئدسين ايكي بيكه‌س اۇشاق

گؤرۆسه‌ن طفلي‌له‌رين يۆز گؤزۆ قانه بله‌نيب
وۇدۇغون سيلي‌له‌رين يۆزله‌رينه رددي دۆشۆب
چكيليب رنگ رمه‌قله‌ر ساري گۆل تك سوْلۇشوب
غضه‌ب-وْ-قهر-ي-ائلاهيده‌ن اۇتان ائيله هراس
طيفل معصومي‌له‌ره رحم ائله ائي حق نشيناس

حاريثين كئشمه‌كئشي صۆبحه چكيب عوْره‌تينه‌ن
فاييده وئرمه‌دي يالوارماغينان ميننه‌تينه‌ن
اؤز ائوينده‌ن چێخادێب طيفلي‌له‌ري سۆرعه‌تينه‌ن
                    [اللـه‌رين باغلاێ، كاكيلله‌رين باغلادێ]
لب-ي-دريايئ فراته يئتيب اوْل مرد-ي-شرير
وئردي شمشير غولامه دئدي باشلارێن آيير

آتدێ شمشيري يئره وۇردۇ اؤزۆن نهره غولام
ساحيله چێخدي دئدي حاريثه ائي بدفرجام
ائتمه‌ره‌م سن كيمي قان تؤكمه كناهه ت ؟ اقدام
شأنيم اسكيكدي غولامه‌م دئمه يوْخ منده كمال
آتادان نۆطفه‌يئ پاكه‌م يئميشه‌م شير-ي-حلال

آلدێ شمشيرين اله قصد ائله‌دي ظاليم اؤزۆ
برق شمشيره اوْ معصومي‌له‌رين دۆشدۆ گؤزۆ
دۇتۇلۇب ديللـــه‌ري آغزێندا گيرئه‌له‌ندي سؤزۆ
ديل دۆتار دۆتماز اوْ ملعونه اوْلار ائتدي جواب
اؤلدۆرۆسن نه جهتده ن بيزي ائي خانه خراب

بيز اۇشاق سن كيشي‌سه‌ن سؤيله سنه نئيله‌ميشيك
سنه مئهمانيك ائوينده چؤره‌گينده‌ن يئميشيك
سؤزۆ گيزله‌تمه‌ميشيك، آدێميزي دۆز دئميشيك
سال قۇلاقلارێميزه حلقه آپار شهريده سات
يا كي وئر ابن–ي-زيياده بيزي در حال-ي-حيات

دئدي باشلاريزا پۇل وئرسين امير مۆشته‌ريدير
دئديله‌ر زينده آپارسوْن بۇ ايشين بئهته‌ريدير
بۇ بيزيم باشلارێمێز الده اوْنۇن خنجه‌ريدير
يا باغێشــلار بيــزي آزاد ائــده‌ر آللاهــه گــؤره
يـا كــي حـؤكم ائيلـه‌ســه تــؤك قانێمێـزي اوْردا يئره

يا كي رحم ائيله يئتيميك ده اوْلۇب حيكمه‌تيميز
وار بيـزيــم احمــد-ي- محموديـلــه خـويشيـت‌يميـز
حؤكم-ي-قۇرآنه بـاخ آرتێـرمـا بيزيـم زحمــه‌تيميز
دئدي نه دين-وْ نه قۇرآن، نه محمــد تانێيـام
هامـێ‌سێندان سيـزي اؤلدۆرمـه‌گي چوْخ خوْش تانيێام

دئديله‌ر اينديكي تصميميوه تغيير اوْلماز
وئر بيزه مؤهله‌ت ايكي ركعت ائده‌ك راز و نياز
دئدي مانئع دگيله‌م گرچي ثمه‌رسيزدي نماز
قوْللارێن چيمرئييب آلدێلا وضو اوْلدۇ تمام
قـيبله سمتينه نماز ائتمـه‌گه ائتديله قييام

لفــظ-ي-تكبيريلــه يــاد ائيلــه‌ديلــه‌ر آلــلاهــي
ائتديلــه‌ر صئـدقيـلــه تصـديـــق رســول-وْ-آللاهي
قێلــديــلار ذيكــر-ي-ايمــامــه‌تده ولــي-وْ-آللاهي
دئييــب اذكار-ي-صــلاتــي قۇتاريب چكديلـه آه
آرامێزدا اؤزۆن حؤكم ائت دئديله‌ر يا آللاه

دئديله‌ر عوْره‌ت-ي-حاريث كي شهيد ائتدي بيزي
باغلا بير بوخچايا پيراهنينه‌ن زۆلفيميزي
يثـريــبه گؤنــده‌ر اوْ قانــه باتـان آثاريميـزي
اوْلسـا گــر ائولـه‌ريميـزده باجيميز يا آناميز
باتمێشيـق باخبـه‌ر اوْلســۇن نه نوْعـي قانـا بيز

اوْل لعين دۇتدو بؤيۆك قارداشێن اووه‌ل ياخاسێن
آتدێ ابراهيم اؤزۆن كسدي اوْلارێن آراسێن
اللــه‌رين وئردي قباغه يئدي خنجه‌ر ياراسێن
دئدي تئز وۇر مني اؤلدۆر كي اؤلۆم راحه‌ت اوْلام
يوْخدۇ قان ايچره گؤره‌م قارداشيمێ منده دوام

تئز محمد دئدي اؤلدۆر مني ائي ديو-ي-جهان
نعشيمي قارداشێمێن گؤرمه‌گه يوْخ منده توان
قوْي قارێشسێن سوْرادان بيربيرينه هر ايكي قان
منه تأكيد ايله ابراهيمي تاپشێرميش آنام
نه روادير باتا قانه دايانێب منده باخام

اوْلارێــن زولفــونــو حاريــث الينــه دستــه‌لــه‌دي
دفعه‌ته‌ن هر ايكي‌سينين باشێنێ ذيـبــح ائلـه‌دي‌
كمــه‌رين پيــره‌هه‌نين قيـرميزي قانه بله‌دي
غئيظ ايله نعشيله‌رين آتدێ فراته اوْ دني
گؤردۆله‌ر اوْلدۇ هم آغۇش ايكي باشسيز بده‌ني

ايكي آشوفته‌له‌نه‌ن طۆرره‌له‌ري قانلێ هؤرۆب
ايكي‌سين بيربيرينه باغلێ بير الده گؤتۆرۆب
هوه‌س-ي خلعه‌تيله ابن-ي-زياده يئتيريب
خوْنچادا تخت قباغينده اوْنۇ قوْيدۇ يئره
واهمه سالدێ اوْنۇن منظه‌ره‌سي قلبله‌ره‌

گؤردۆله‌ر اوْل بالاجا باشلار گؤزله‌ر سۆزۆلۆب
گؤيــه‌ريـب اۆزلــه‌ري قاشــه قــان دۆزۆلــۆب
سێندێريـب ديشله‌رينـي سيلــي زنخـه‌دان ازيليــب
باغلانيـب سيـب-ي-بهئشتـي تك اوْلار بيـر-بيـرينه
قانلـێ تـوْز لككـه سالێب صفحه‌ي-ي-صـــوره‌تله‌رينه

دۆشــدۆ بــۇ منظـــه‌ره‌ده‌ مجليســـه آواز-وْ-نــوا
اوْ قساوه‌تــده زييــاد اوْغلــۇ اؤزۆ اهـل-ي-جـفـا
اۇجادان آغلادێ اوْل طيفلي‌له‌رين حالينــه تا
وئـردي دستور اوْ يئر كي كسيليب بۇ باشلار
دئدي آيا بۇ مجليسده علي عاشيقي وار
...

دئدي آپار بۇ ظاليمين باشين اوْردا كس

...

دستور وئردي باشلارێن او قانين يۇدولار

قويدولار خونچييا حاريثين قوْلارين باغلاييبلار

تامام اۇشاقلار داش وورا وورا آپارديلار ...


توضيحات:

1.چون اين اشعار را از روي نوار پياده كردم. احتمال اشتباه شنيداري در آن وجود دارد. پيشاپيش عذرخواهي من را قبول كنيد.

2.چون وقت كم بود و يكبار بيشتر نتوانستم اشعار را بررسي كنم وجود غلط هاي املايي و خلاف آيين نگارش زبان تركي در اشعار محتمل است. كه انشاءالله بر بنده ببخشاييد و چنانچه موردي بود اگر تذكر دهيد. ممنون مي شوم.

3. براي گوش دادن به قطعه هايي از اجراي اين مرثيه سوزناك توسط حاج سليم موذن به قسمت دانلود نوحه و اوْخشاما مراجعه نماييد.

به نقل از وبلاك
oxsama.persianblog.ir




بؤلوم : طفلان مسلم یازار : hasanfatemefard 0 باخیش

نوحه حماسي براي حضرت ابوالفضل(ع)-اثر يحيوي

پنجشنبه 8 اسفند 1392

+0 به يه ن
نام شاعر : مرحوم عباسقلي يحيوي(تاج الشعرا)


صاحيب-ي-وقار عباس، مير-ي-تاجدار عباس
حيدرين رشيد اوْغلۇ، شير- ي - نامدار  عباس

چكدي نقشه‌ي-ي-جنگ، تۇتدۇ جنگه چون تصميم
سينه‌ ايكي اللــه‌ر، شاهه ائيله‌دي تعظيم
آلدێ تئشنه سولطاندان، اؤز وظيفه‌سين تعليم
رمز دفته‌رين سولطان ائيله‌دي اوْنا تسليم
اوْلدۇ ائحتيراميله‌ن خئيمه‌ده‌ن كنار عباس

بير گئديب آتێن تنگين، تۇتدۇ سر لجامينده‌ن
گلدي تا عوبور ائتسين، تئشنه‌له‌ر‌ مقامينده‌ن
بير بؤلۆك خانێم قێزلار، چێخدێ اؤز خييامينده‌ن
ياندێم العه‌طه‌ش ياندێم، سس گليب سۇ جامينده‌ن
اوْل سۇسۇز بالالاردان اوْلدۇ شرمسار عباس

جانێنێ گئروْ قوْيدۇ، ائتمه‌يين دئدي ناله
قئيمه‌تي نه قدر اوْلسا، سۇ گتيرره‌م اطفاله
من كي صادق-وْ-القوْله‌م، قالدێ هيممه‌ت ايقباله
آفه‌رين بۇ كئرداره، آفه‌رين بۇ افعاله
ائي جوان-ي-دريا ديل، ائي وفا شۇعار عباس

يئتدي پيش-ي-اعداده، رسمه‌ن آت دوْلاندێردێ
هر يانا ائديب حمله، برق-ي-تيغي ياندێردێ
پوْزدۇ دسته‌له‌ر نظمين، تا سيپاهێ سێندێردێ
نحر-ي-علقه‌م اۆستۆنده، وۇردۇ بئيره‌غين دۇردۇ
بير هده‌فده دريانێ، ائيله‌دي شيكار عباس

بير اوْوۇج سۇدان گؤتدۆ، گتدي گؤز قاباغينه
تئشنه‌له‌ر سسي دۆشدۆ، ناگه‌هان قۇلاغينه
باخدێ باطين عاله‌مده، اصغرين دوْداغينه
ايچمه‌دي سۇيۇ آتدێ، مركه‌بين اياغينه
دوْلدۇرۇب سۇدان چێخدێ، مشگين اشكبار عباس

خط-ي-سئيريني سالدێ، نخلگاه آراسێندان
دۆشدۆ لئشگه‌ره وحشه‌ت، سهمگين نداسێندان
هئي تؤكه‌ردي باشلارێ، تيغ-ي-جان روْباسێندان
دوْلدۇ كربلا دشتي، الحه‌ذه‌ر صداسێندان
يوْم-ي-حشري اعدايه، قێلدێ آشيكار عباس

اسدي توْند بير تۇفان، اوْلدۇ رويئ عاله‌م تار
گؤرديله‌ر كي دندانه، مشگيني آلێب سردار
سينه ده علم قانلێ، بس هانێ اۇزۇن قوْللار؟
اوْغلۇنۇن اوْ وقتيني، فاطيمه دييه‌ر آغلار
سؤيله‌يه‌ر آنان قۇربان، ائي حۆسئينه يار عباس

بير زامان حۆسئن تاپدێ، باش آچێق علمداري
گؤردۆ قاندێ بير پارچا، اوْل وۆجۇد-ي-گۆلنارێ
بيريانا دۆشۆب مشكي، بير طره‌فده قوْللارێ
بايرا‌غين هارا دۆشمۆش، كربلا سيپه‌هداري
ياتما دۇر بئليم سێندێ، اوْلدۇم ايندي خوار عباس

يحيوي ياز عباسه، نؤوحه عؤمر فۆرصه‌تدي
وقتيكي احئبباله‌رع دفن ائديب سني گئتدي
اقره‌با اوْغۇل قارداش، سنده‌ن اۇنسي ترك ائتدي
اوْندا سن گؤره‌رسن، بۇ زحمه‌ته عوه‌ض يئتدي
يعني باشێن اۆستۆنده بايراغێن وۇرار عباس



آچار سؤزلر : نوحه,


بؤلوم : حضرت ابوالفضل(ع) یازار : hasanfatemefard 0 باخیش

تئشنــه ســۇ كنـارينـده، لبلـه‌ره سـلام اوْلسـۇن-اثر يحيوي

پنجشنبه 8 اسفند 1392

+0 به يه ن
نام شاعر : مرحوم عباسقلي يحيوي(تاج الشعرا)

تئشنــه ســۇ كنـارينـده، لبلـه‌ره سـلام اوْلسـۇن
قانه غرق اوْلان باشسێز، پئيكه‌ره سلام اوْلسۇن

تـۆربــه‌ت-ي-مقـدسـي كـي، كـيمييـاده‌ن آرتـێقـدێـر
قــوْببــه‌ي-ي-منــوري كـي، نـوْه سمـاده‌ن آرتـێقـدێر
بـوْقعــه‌ي-ي- مطهـري كــي، هـر بنـاده‌ن آرتـێقــدير
كيــم دييــه بيـلــه‌ر كـعبــه، كـــربـــلا ده‌ن آرتـێقــدێر
اوْنــدا دفـن اوْلان شـاه-ي-بـي‌سـره سـلام اوْلـسۇن

روحــي روح-ي-ارواحـــه، جــيسمـي روح-ي-ذيروحه
سينــه گــه خـــده‌نــگيــلــه، خنجــه‌ريلــه مشروحـه
هــم يـــدان مقــطــوعـــه، هــم قفـــاي مــذبــوحــه
لختـه-لختـه قـان دوْلمـۇش، گؤزلـه‌ره سلام اوْلسـۇن

كاكــوْل-ي-سمـه‌ن سمـايـه، قـامــه‌ت-ي-ديـل‌آرايــه
شـب چيـراق-ي-مظلـۇمان، نور-ي-چشم-ي-زهرايـه
گؤهــه‌ر-ي-شـب افـروز-وْ-اهـل-ي-بـئيتـي طـاهـايــه
طـاقـه‌ت-ي-ديـل-ي-«زينـب»، نـوْجـوان-ي-لـئيــلايـه
قيطعه-قيطعه دوْغرانمێش، «اكبر»ه سـلام اوْلسـۇن

گــۆلعــۇذار-ي-زييبــايــه، ســـرو-ي-قـدد-ي-رعنـايــه
ابـــروْوان قـــوْســي‌نــــه ديــــده‌هـــاي شهـــلايــــه
قانێلـــه‌ن اوْلان الــوان، زۆلـــف-ي-عنبـــه‌ر آســايـــه
آتــــلارێـــن ايــاغـــێنـــده پــــاره-پــــاره اعــضـــايـــه
قـان حنـا خيضـاب ائتميـش، اللـــه‌ره سـلام اوْلسۇن

طيفـل-ي-بي‌زباني كي، گۆل كيمي سوْلۇب يانـدێ
اۆچ گئجه گـۆنـۆز عطشـان، ديـل دوْداغـێ اوْدلانـدێ
ظهــر-ي-يـوْم-ي-عـاشـۇرا، سـۇ يانێنــدا اوْخـلانـدێ
شهپـه‌ر آچـدێ پئيـكانـدان، قـۇش كيمي قانادلاندێ
شـاهبـاز-ي-خــونيـن پــر، «اصغــر» سـلام اوْلسۇن

بيـــر جــــوان كـــي منصــه‌بــده، كـــربــلا علـمـداري
خون-ي-سوْرخێ ايله رنگين، بئيره‌ق-ي-نيگۆن‌ساري
قوْيدۇ قان قان سۇيا قييمه‌ت، مشكي اوْلدۇ گۆلنـارێ
سۇ يوْلۇنـدا سعــي ائتــدي، تـا كسيلــدي قوْلــلارێ
صــاحـيـب-ي-دوْ بــازۇي احــمـه‌ره ســلام اوْلســۇن

شيــدت ســۇســۇزلـۇقدان، اوْدلانان دوْداغلاره
آت دؤشــۆنــده قــاچــمــاغــدان، زخمــدار ايــاغـلاره
شــاميـــده قـــارانقـــۇقــدا، آج يــاتــان اۇشــاقـــلاره
بيــــر ده «ام‌كـلثـــۇم»ه، «زينـب»-ي-ديــل افـكـــاره
دوْختــه‌ران-ي-خــاتۇن-ي-محشـه‌ره سـلام اوْلسـۇن

خــواهــه‌ر-ي- «علـي‌اكبـر» قـالـدێ بئيــت‌الاحـزانـدا
يـوْخ چێــراغـێ يــوْخ فـرشــي، بيـر خرابــه زيندانــدا
تـوْپــراق اۆستـه جـان وئــردي، اؤلـدۆ كافـه‌ريستانـدا
كفـه‌نــي قــارا معجــه‌ر، دفنــي كــۆنـــج-ي-ويـرانـدا
اوْل «رقيــه»‌ي-ي-مــؤحنـه‌ت پروه‌ره سلام اوْلسـۇن

سيــدالعبـــادي كـــي بستــــه‌ي-ي-طنـــاب اوْلـــدۇ
شهـريلـه‌رده حققينـده، ظۆلـم-ي-بـي‌حئسـاب اوْلدۇ
پيشـــواي ايســلامــه خــاريـجــي خـيطــاب اوْلــــدۇ
آتــه‌ش-ي-شمـاتـــه‌تــده، خـاطيـــري كبـــاب اوْلــدۇ
اوْل مريــض-ي-ديـل خسته، سروه‌ره سلام اوْلسـۇن

«كوفــه»ده «عقيــل» اوْغـلـۇ «مسلــم»-ي-وفــاداره
«مالـك» اوْغلـۇ «ابراهيـم»، جان نئثار-ي- «مختـار»ه
«ابـن عوسجـه مسلـم» هــم «حبيــب»-ي-ســرداره
شـــاهـــراه-ي-ايـمــانـــدا، جــان وئــره‌ن جــوانـــلاره
طئفــل-وْ-پيــر-وْ-بــوْرنـايـه، يئكسـه‌ره سلام اوْلسـۇن

«يحيــوي» اليــن يئتســه، گۆنبـــه‌ذ-ي-طـــلا پـوشـه
بحــر-ي-لــۆطــف-مـوْلانــي، آهيــلـه‌ن گتيــر جوشــه
اخــذ قێــل اوْ درگــه‌هــده‌ن، هــر ايـكـي ائــوه توشـه
ايحتيرامه‌ن عرض ائيله، پيش-ي-قبر-ي-شيش گوشه
محضــه‌ر-ي-هــوْمــايــۇن-ي-انــوه‌ره ســلام اوْلسـۇن





بؤلوم : روز عاشورا یازار : hasanfatemefard 0 باخیش

1 | 2 | 3 | 4 | 5 | 6 | .. | 9 |

 

بلاگا گؤره


    سلام
    بو وبلاكين سعي وار
    بهترين تركي نوحه شعري لري نين سيچيلميشين
    سيزين حضوروزه تقديم ايليه
    ياعلي


سایغاج


ایمکان لار


    اسما خداوند متعال

    log

    کد لوگوی سه گوش گوشه نما