شهادت حضرت زهرا-اثر صراف

چهارشنبه 7 اسفند 1392

+0 به يه ن

نام شاعر : مرحوم حاج رضا صراف تبريزي( صراف )
       

 چون محبت بزمي خلوت‌دير عم‌اوغلێ يا علي
 گل ائد‌ك صحبت غنيمتدور عم‌اوغلێ يا علي

 بير دقيقه قوْيماديم عالمده قلبين شاد اوْلا
 درد و محنتد‌ن مبارك خاطرون آزاد اوْلا
 چوْخ اذيتلر سنه وئرديم ائوون آباد اوْلا
 ايندي وقت رفع زحمتدور عم‌اوغلێ يا علي

 دويمادێم بۇ عالم الفتده سندن آغلارام
 قبرده هم ائيلرم شوريله شيون آغلارام
 آغلاما مندن سورا سن آغلاسان من آغلارام
 باخمارام فردوس جنتدور عم‌اوغلێ يا علي

 دوْققۇز ايل اوْلدۇم بۇ دولتخانه‌ده همسر سنه
 متّصل وئرديم بۇ دوْققۇز ايلده درد سر سنه
 ايندي گل اگلن باشێم اۆستۆنده سرتاسر سنه
 عرض ائديم نئچه وصيّتدور عم‌اوغلێ يا علي

 اوّ‌لا عرضيم بۇدۇر اؤلسم اگر بۇ گۆنده من
 اؤز الينلن وئر گئجه غسليم، گئجه ائيله كفن
 ويرسا ال تابۇتيمه بيگانه راضي اوْلما سن
 روحيمه آرتوق اذيّتدير عم‌اوغلێ يا علي
 
 ثانيا مند‌ن سوْرا اي خسرو گردون مدار
 عورت آلسان بير نجيبه عورت ائيله اختيار
 غم گۆني تا زينب و كلثومه اوْلسۇن غمگسار
 ائيلسون هر نوع حرمتدور عم‌اوغلێ يا علي

 بيرده قلبون مجتبي دن اينجيه هر آن سنين
 گئچ حسينيم جانينه من جانۇا قربان سنين
 قوْيما غم چكسون خصوصا جان حسينون جان سنون
 چون او جديند‌ن امانتدور عم‌اوغلێ يا علي

 من بۇنۇن چوْخ زحمتين چكديم نه آسان بسلد‌يم
 پرورش وئرديم گۆل اۆسته طرفه ريحان بسلديم
 سسله‌‌ ينده جان دمنده جان دئديم جان بسلديم
 چون جفاسي جانه منّتدير عم‌اوغلێ يا علي
       
 بۇ حسيني كيم سنه تاپشێردێم ايندي رو به رو
 دقّتيلن باخ نئجه وئرسم ائله آللام گرو
 باش بدنده، بارماق الده، ال بيلكده مو به مو
 گؤر هامێ عضوين سلامتدور عم‌اوغلێ يا علي

 چوخ مكدّر اوْلسا وار بۇ سؤزده درد سر يئري
 ياخشێ باخ سالێمدو برگ گۆل تك آخر هر يئري
 نه باشێندا وار قيليج نه سينه‌ده خنجر يئري
 نه بدن يكسر جرا‌حتدي عم‌اوغلێ يا علي

 نور ديده‌مدور حسين باعثدي چون گؤز ياشيمه
 من گؤزۆمد‌ن سالمامێش سن تاپشێر آل هاشمه
 واي او گوندن كيم گورم باشين كول اولسون باشيمه
 ايستي كۆللــر اۆسته راحتدور عم‌اوغلێ يا علي

 عاشق جانبازدور گيرم حسينيم يوخ سؤزۆم
 من ده نقد عشقي خرج ائتمكده صرّافم اؤزۆم
 بير بدن دؤرت مين يارا لاكن نئجه گؤرسۆن گؤزۆم
 گؤر بۇ انصاف و مروتدور عم‌اوغلێ يا علي


آچار سؤزلر : شهادت,


بؤلوم : حضرت زهرا(س) یازار : hasanfatemefard 0 باخیش

از زبان حضرت امام حسين(ع) خطاب به حضرت عباس(ع)-اثر صراف

چهارشنبه 7 اسفند 1392

+0 به يه ن
از زبان حضرت امام حسين(ع) خطاب به حضرت عباس(ع)
نام شاعر : مرحوم حاج رضا صراف تبريزي( صراف )


دور اي دعــوالــ‌ر اصـلانـي
ابـوالـفـضـليـم عـلـمـداريــم
آخــان سـۇ تـك قێزێـل قانـــێ
ابـوالـفـضـليـم عـلـمـداريــم

دئيم دۇتمـۇر ديليــم قــارداش
دۇر اي آرخام ائليم قارداش
سێنوب سنسيز بئليم قارداش
ابـوالـفـضـليـم عـلـمـداريــم

كسيب دشمن يولين آخر
سالۇب ساق و صولين آخر
نه باش وار نه قولين آخر
ابـوالـفـضـليـم عـلـمـداريــم

علمداريم زبون اولدون
قتيل قوم دون اولدون
علم تك سرنگون اولدون
ابـوالـفـضـليـم عـلـمـداريــم

علمداريـــم زبـــون اولـــدۇن
قتيل قوم دون اولدۇن
علم تـك سرنگــون اولــدۇن
ابـوالـفـضـليـم عـلـمـداريــم

اوغۇل يوخ درديمي بـۆلسـۆن
منــه يـار و معيـن اولسۇن
ااوغولسيز قارداشۇن اولسۆن
ابـوالـفـضـليـم عـلـمـداريــم

تۆكـندي طاقتيم سنسيز
بۆكۆلدي قامتيم سنسيز
قان آغلار عتر‌تيم سنسيز
ابـوالـفـضـليـم عـلـمـداريــم

اؤزين مــقـصوديــوه يئتــديـن
بئله احبابـي تـــرك ائتـديــن
مني يالقۇز قـوْيـۇب گئتـديـن
ابـوالـفـضـليـم عـلـمـداريــم

ايـا مــاه بنــي هاشــم
منيم ايست‌كلي قارداشێم
دونــۆب آلقــانـه گــؤزيـاشێـم
ابـوالـفـضـليـم عـلـمـداريــم

دئسم گؤرمز گؤزۆم قارداش
يقين دۆزدور سؤزۆم قارداش
سنـه قـۇربــان اؤزيم قــارداش
ابـوالـفـضـليـم عـلـمـداريــم

اؤزۆن گئتدون خـلاص اولـدۇن
دوْلــي پئيـمانه تك دولــدۇن
گلستانێـم نه تئز سولـدۇن
ابـوالـفـضـليـم عـلـمـداريــم

سني كيم غرق ائديب قـانه
سالوب بۇ قانلــێ مئيدانــه
يــانـار بــــۇ حــالــه بيــگـانـه
ابـوالـفـضـليـم عـلـمـداريــم

بــۇ غـربـتـده وحيـد اولدۇم
كومكـد‌ن نا امـيد اولدۇم
سن اؤلدۆن من شهيد اولدۇم
ابـوالـفـضـليـم عـلـمـداريــم

قـالـوب صــراف بيـچــاره
مـحيـــط غـمــــده آواره
اؤزين قيــل دردينـــه چــــاره
ابـوالـفـضـليـم عـلـمـداريــم




بؤلوم : امام حسين(ع) یازار : hasanfatemefard 0 باخیش

از زبان سيدالشهدا(ع) به مناسبت تاسوعا با خواهر مكرمه اش حضرت زينب(س)-اثر صراف

چهارشنبه 7 اسفند 1392

+0 به يه ن
نام نوحه : از زبان سيدالشهدا(ع) به مناسبت تاسوعا
نام شاعر : مرحوم حاج رضا صراف تبريزي(صراف)


هله ساقـدێ قارداشـۇن اؤلمئيـوب
آنــام آغـــلامـــا، بــاجێـــم آغـــلامــا
هله گۆلشَنين گـۆلــۆ سـوْلمئيــوب
آنــام آغـــلامـــا، بــاجێـــم آغـــلامــا

آنامێن عزيزه قێزێ باجێم
هله اوْلما مايل درد و غم

قوْشۇنۇم دۇرار هامێ بير به بير
هله ياتمئيوبدي اسر عَلَم
هله صاحب عَلَم اؤلميوب
هله ائتمئيوبله قوْلۇن قلم
هله مشكي قانيله دوْلمئيوب
آنام آغلاما، باجێم آغلاما

هله قۇملار اۆستۆنه دۆشميوب
باجێ اكبرون قد نورسي
گۆن او گونده ظلميله قالميوب
هله پاره-پاره جنازه‌سي
هله خيمه‌لرده‌ن اۇجالميوب
گؤيه ليلينون بالا واي سسي
هله قاره زلفي ني يولميوب
آنام آغلاما، باجێم آغلاما

هله پوزميوبله تفاقمي
هله رونقي وار اساسيمون
هله قوْيما ايندي عم اوْغلۇ واي
دييه نو عروسيني قاسمين
هله ياسه باتما چوْخ آغلاما
دوتوم ابتداسي دو ياسمون
هله بزم عيشي پوزولميوب
آنام آغلاما، باجێم آغلاما

هله اؤلميوب ايكي نورسين
جگرين باشێ هله يانميوب
هله زلف كاكُل اكبريم
باجێ آل قان ايله بوْيانميوب
هله اصغريم ياتوب آغلاماز
هله ظلم اوخيلن اويانميوب
هله غم بساطي قورولميوب
آنام آغلاما، باجێم آغلاما

باجي زينب آغلاما ساكت اول
دئمه ساكت اولماقا يوخ يئري
هله آغلاما قالور آغلاماقلقوين
زمانه ده چوخ يئري
هله يوْخ باشێمدا قلج يئري
بدنيمده يوْخ هله اوْخ يئري
هله اهل كينه يورولميوب
آنام آغلاما، باجێم آغلاما

بۇ دياريده اي آنام باجێ
هله ظلم لجّه‌سي داشميوب
هله لشگر ستم و جفا
سيزه جورو ظلم الين آشميوب
هله خيمه‌گاهيم آليشميوب
هله عترتيم چؤله قاشميوب
هله كيم سكينه سويولميوب
آنام آغلاما، باجێم آغلاما

هله شيشه‌ دل صافيوي
باجێ غم كدورتي باسميوب
هله دين اساسي پوْزۇلميوب
هله صرصر ستم اسميوب
هله ظلم عرشه دايانميوب
هله شمر باشمي كسميوب
هله گول جمالي دوتولميوب
آنام آغلاما، باجێم آغلاما

هله قلبون اي باجێ يانميوب
يانار اوْدلار اۆزره كباب تك
بۇ قد‌ر سێزێلداما آغلاما
هله چكمه ناله رباب تك
باجێ قانيمي باجێلار يۆزه
هله ياخميوبدور خضاب تك
هله اهل كين سنه گولميوب
آنام آغلاما، باجێم آغلاما

هله هست عئشقيله هست سن
هامێ‌دان علاقه‌ني كس رضا
هله كيم حسين پرست‌سن
بۇ سؤزيله وئر اوْنا سس رضا
هله درد درديله مست سن
ندي بو هوا و هوس رضا‍ ؟
هله ساقدي قارداشون اولميوب
آنام آغلاما، باجێم آغلاما




بؤلوم : امام حسين(ع) یازار : hasanfatemefard 0 باخیش

آرزوي زيارت امام حسين (ع)-اثر صراف

چهارشنبه 7 اسفند 1392

+0 به يه ن

نام شاعر : مرحوم حاج رضا صراف تبريزي( صراف )

قبر پاكين ياحسين مدّتدي كي ايستر كونول
زاره گلميش بير مقام آه و زار ايستر كونول

معصيت كــارم منـه تـوفيقيـن هــر گـه يـار اولور
نقطه‌ي مجرم گئدر، دل محرم اسرار اولور
قبر اكبر عاشق منصوره پاي دار اولور
پايدار اولماقليقا بير پاي دار ايستر‌ كونول

كنج غمده بير نفر يوخ منله هم آواز اولا
آز قاليبدير مرغ روحيم جسمده‌ن پرواز اولا
ايسته بو جانيم سر كويينده پاي‌انداز اولا
دوت اليمده‌ن غم گونونده غمگسار ايستر كونول

هر طرف اسكندر دل آب حيوان آختارير
ظلمت غمده گزر، لعل بدخشان آختارير
جان وئره‌ن عاشق هميشه كوي جانان آختارير
جان نثار ائتمكليگه بير جان نثارايستر كونول

ائيله‌ييب شوق وصالين واله و حيران مني
وادي حير‌تده قويما بئيله سرگردان مني
قورخورام سالسين آياقدان محنت هجران مني
هجر اليندن جانه گلميش، وصل يار ايستر كونول

پرتو نور خيالونله دولوب صحراي دل
گؤزياشيم تك موجه گلميش جوش ائدر درياي دل
طور عشقينده مناجات ائتمگه موساي دل
طاقت و تاب آختارير، صبر و قرار ايستر كونول

حجله‌گاه قاسمي هر لحظه كيم ياد ائيلر‌م
ني كيمي گللم نوايه، داد و فرياد ائيلرم
عيش و عشرت مُلكيني، آهيله بر باد ائيلرم
چون تن تب‌دار، چشم اشكبار ايستر كونول

خاطريم اولموش پريشان سُنبل و سوسن كيمي
خلقيدن كسميش علايق رشته‌سين سوزن كيمي
چوخ سئور قبرين چكه، آغوشه پيراهن كيمي
جان وئريب وصله يئنه پروانه وار ايستر كونول

تند باد هجريله سولموش گلستانيم منيم
غصه‌ده‌ن اولموش خزان گلبرگ خندانيم منيم
نطق يوخ ديلد‌ن دوشوب مرغ خوش‌الحانيم منيم
بلبل شوريده‌تك فصل بهار ايستر كونول

سيل غمدن آز قالير بُنياد جان اولسون خراب
زورق جسميم او سيل‌ايچره قاليب مثل حُباب
محفل وصلون خياليله اولوب باغريم كباب
اختياريم يوخ نئديم، بي‌اختيار ايستر كونول

شور عشقين شُهرتي از بس كي عالمگير اولوب
بينوا(صرّاف) اودور مجنون بي ‌زنجير اولوب
آب و خاك غمله گويا طينَتيم تخمير اولوب
محنت و درد و مصيبت هر نه وار ايستر كونول




بؤلوم : امام حسين(ع) یازار : hasanfatemefard 0 باخیش

زبانحال حضرت زينب در وداع امام حسين(ع)-اثر شهاب

چهارشنبه 7 اسفند 1392

+0 به يه ن
زبانحال حضرت زينب در وداع امام حسين(ع)
نام شاعر : مرحوم ميرزا يوسف شهاب

حسيـن تعجيللن گئتمه اياق ساخلا دايان قارداش
دالونجه گورگوزوم ياشي نجه اولموش روان قارداش

دوشوبدور جانيمه رعشه گلوبدور خاطريم درده
گوزوم ياشـي آخار آمال كاريم نقش اولور يئرده
بويور قارداش گوروم گئتسن گلورسن خيميه بيرده
و يا اينكه امان وئرمز سنه بو كوفيان قارداش

سنـه زحمتدي عرض ائتسم من نالاني بير ديندير
و يا كي تك به تك بو جمع سرگرداني بير ديندير
جوان اوغلي اولوب قلبي يانوب ليلاني بير ديندير
ياخوندي آيريلا روحي ائده تسليم جان قارداش

شــرار نــار هجــرانه وروب بيلــه اتـك گئتمه
سني يالقوز گوروب روحيم گلور آردونجه تك گئتمه
يول اوسته صف چكوب هشتاده تك قاره لئچك گئتمه
دولان بير اهل بيتون گور نجه ايلر فغان قارداش

سكينه مرغ بسمل تك حسين چوخ اضطراب ايلر
اونون اول مضطرب حالي مني بي‌صبر و تاب ايلر
ايله حسرت باخور آغلور ئوره‌‌ك باشين كباب ايلر
تسلـي وئـر اولا آرام بلكـه بيـر زمان قارداش

آنام زهرادن ازل گون دؤزوم سرمشقني آلديم
جهاندا هر غمه دؤزدوم عجب دور اؤلمديم قالديم
اولوم ميداننـه آخر سني عطشان يولا سالديم
منيم تك بير مصيبت‌كش وئرن يوخدور نشان قارداش

آتام رحلت ائدن گوندن اگر چه شور و شينيم وار
حسين ايله حسن تك من ديرديم نور عينيم‌وار
حسن كي گئتدي دنيادن دئديم قارداش حسينيم وار
گئدورسن سنده بس نيلوم من بي‌خانمان قارداش

دايان اطرافوي بيرده حسين اهل حرم دوتسون
دئمه‌ شه سن سپاهون يوخ سني نامحترم دوتسون
اجازه وئر قباقنده باجين زينب علم دوتسون
شكسته گورمسون حالون باخاندا كوفيان قارداش

بو قدري بي‌پناه عورت اوشاق غربت ولايتدي
بدنلـر بيـد تك لـرزان حسين گويا قيامتدي
سني اؤلدورسه‌لر بوللم بو قومون قصدي غارتدي
نه باشلاردا قالار معجر نه رخت بانوان قارداش





بؤلوم : وداع یازار : hasanfatemefard 0 باخیش

در شهادت امام سجاد(ع)-اثر شهاب

چهارشنبه 7 اسفند 1392

+0 به يه ن
در شهادت امام سجاد(ع)
نام شاعر : مرحوم ميرزا يوسف شهاب تبريزي

قدسيان ياسه باتوب عالمِ معناده بوگون
آغلوري لوح و قلم سيّد سجّاده بوگون

عالم معناده بوگون

نه بني نوع بشـردور كه باتوب ماتمه تك
غملنـوب انجـم وخورشيد سما ماه فلك
نوحه‌خوان روح‌الأمين ناله ايدر جمله ملك
دوشنوب فرش عزا عرش معلّاده بوگون

دولدوروب عالم امكاني بوگون شور و نوا
بيـر مؤثّر غميله درده گلوب ارض و سما
اوصيا و رُسُل آغلار باش آچوب شيرخدا
قالميوب تاب و توان آدم و حوّاده بوگون

چوخ مصيبت چكوب عالمده بو مولاي عليل
مَنجنيق ستمون اولدي دچاري چو خليل
عُمروجـه سالديـلا غـم آتشينه قوم رذيل
شيعه يانماقليقا اولسون گرك آماده بوگون

كربلا واقعه‌سيندن صورا هر صبح و مسا
آغلادي جدّي حسينه واريدي قـدرتي تا
ايمديـده سو گـوره شايـد كه ديه وا اَبَتا
تؤكه گوزياشي يوزه عالم بالاده بوگون

بولمـورم هانسي غمين ايليوم اي شيعه بيان
قولي باغلي نئجه عرض ايلوم اولوب شامه روان
ياده دوشدوقجا او احوالي گوگوللر اولي قان
اود سالور قلبيمه گلدوقجه غمي ياده بوگون

شامـده گـور نقدر چكـدي مصيبت بو امام
كسلوب طاقت و آرامي اولوب صبري تمام
دوغمييـدي بويـوروبدور منـي ايكاش آنام
گورمييديلـه منـي بستـۀ قلّاده بــوگون

وارد شـام اولانــدا او امـام اوغلـي امام
اود تؤكوبلـر باشينـا فرقـۀ بي‌ننگ و لُئام
دؤزدي هر بير ستمي گوردي روا قوم ظُلام
آغلادان شيعه‌ني اول‌قصّه‌دي دنياده بوگون

بزم شربـه گيدوب آخرده اولوب دردي مزيد
ساخيلوب قوللاري باغلي اياق اوستونده يزيد
خيــزران ووردي آتـا باشينـه اول‌شــوم عَنيد
يئتدي غم واقعاً اول سيّد سجّاده بوگون

غـم سجّـاد‌‌ده قـان آغـلاسا عالم يري‌وار
گوزدن آخسا يوزه اشگون يرينه دَم يري‌وار
بـو مصيبت گر ايده عالمي برهم يري‌وار
ماسـوا ياسه باتـا بو غم عُظماده بوگون


آچار سؤزلر : شهادت,


بؤلوم : امام سجاد(ع) یازار : hasanfatemefard 0 باخیش

آنا نعشينه دوشنوب حسين آنا واي ديوب حسن آغلادي-اثر شهاب

چهارشنبه 7 اسفند 1392

+0 به يه ن

زبانحال امام حسين(ع)در شهات حضرت زهرا(س)نام شاعر : مرحوم ميرزا يوسف شهاب تبريزي


آنا نعشينه دوشنوب حسين آنا واي ديوب حسن آغلادي
كفن ايچره ايله سيزيلدادي باش اچيب اباالحسن اغلادي
انا واي ديوب حسن اغلادي

ايكي شاهزاده اي خونجگر ايله گلدي شيونيله ديله
ايكي اندليب شكست ه پر ديه سن گونوبدي سولان گله
اولارين فغاني غم آرترور هامي بلبله گله سنبله
يري وار ديم بو مصيبته گل و گلشن و چمن آغلادي

حينينون ايلدي ناله سي كفن ايچره فاطميه اثر
آچيلوبدي بند كفن آچوب قولين اول بلا كش خون جگر
ايله چكدي سينيه جان كيمي حسنيني توكدي سرشك تر
خانمين او كشف كرامتين او جلالتين گورن آغلادي

نه دليله من ايليم بيان نه ئميش جلالت فاطمه
سالوب اهل عالمي حيرته او جلال و شوكت فاطمه
بوني بير خداي جهان بلور كه ندور شرافت فاطمه
او شرافته او مصيبته ايدوب انجم انجمن آغلادي

ايله بير مجلله بير خانم نه جهاندا كيمسه نشان ويروب
ايله بير جلالتي بير كسه نه خداي كون و مكان ويروب
بيله شان صاحبينه ديمه كه بير اني غصه امان ويروب
النه كيمي آتا واي ديوب توكوب اشك ديده دن آغلادي

او مقام و مرتبه صاحبي آتاسي خلاصه اي انبيا
قوليني سالاردي گورن كيمي گوزي نوري فاطمه بويننا
گهي سينه سين گه الين اوپوب//بالاما ديردي اوزوم فدا
بو سوزي دينده گورديلر او رسول ممتحن آغلادي

بويوروردي سيز بيله بولميون آتاليق محبتبن ايلرم
بو محبت امر الهي دور من اونون اطاعتين ايلرم
بير علاوه مد نظر كه بو بالامين مصيبتين ايلرم
گترور ملال و مصيبته مني بو غم و محن آغلادور
 
بو قدر مصيبت و غم چكن بو يقيندور عالمه گلميوب
آتادان سورا گئجه آغليوب گونوز آغليوب يوزي گولميوب
خبر صريحيدي بو خانم كه شهيد اولوب اوزي الميوب
بدنينده صدمه ئيرين گوروب اوئيدي ابالحسن آغلادي

بو خانم جوانه وفات ايدوب ايليبدي ترك جهان جهان گيدوب
او آز عمريله آغاروب ساچي بوكولوبدي قدي كمان گيدوب
بدننده قمچيلرين يرين ايكي قولاريندا نشان گيدوب
آتاسي بهشته گورن كيمي گويروب او گل بدن آغلادي
      
ايلمشدي خاتم الانبيا اوزي امته بو وصيتي
قويورام ايچوزده سيزون بوگون//بو ايكي گرامي امانتي
بريسي كلام مجيديدي بريده همين بو اوز عترتي
بو كلامي هر ايشيدن يانوب بو وصيتي ايدن آغلادي

او وفاسيز امته باخ عجب عمل ايلدي بو وصيته
توكولوب جفائيله اود وروب نجه گور او باب رسالته
قيزي فاطمه دوتوب اوديانوب نه ديوم كه دوشدي نه حالته
او اسفلي حاله كناريدن نظر ايلين گورن آغلادي
   
او حسينجانه ني حق گوروم اوزي پايدار ايده هر زمان
واريدي{شهابيله}هر گئجه نچه يار هم دل و هم زبان
سبب اولدي اوردا بو نوحيه او جوان سيد نوحه خوان
آناسي يقين نظر ايتدي كيم ايشيدن گورن بولن آغلادي


آچار سؤزلر : آنا,


بؤلوم : حضرت زهرا(س) یازار : hasanfatemefard 0 باخیش

نوحه شب عاشورا -اثر شهاب

چهارشنبه 7 اسفند 1392

+0 به يه ن
نام نوحه :شب عاشورا
نام شاعر : مرحوم ميرزا يوسف شهاب



گل حسينون آنا جان گلدي شهادت گيجه سي
زينبه ايله حمايت بوقيامت گيجه سي

باخورام هرطرفه ناله دي شيون سسيدي
بر بلوك خوردا اوشاقدي العطش ناله سيدي
مين مصيبت اوخي بر زينبوين سينه سيدي
گل اوزون اول منه همدم بو قيامت گيجه سي

بر طرفده آلوب آغوشه رباب اصغريني
گه باسور سينيه گاهي توكور اشك تريني
گه اپور گوزلريني گه قوريان لبلريني  
گوروي بو گيجه دي اي آنا وصلت گيجه سي

ليلي پروانه كيمي شمع مصيبتده يانور
باخور اكبر يوزينه طاقت و صبري تالانور
گه دورور اكبرينون باشينه حيران دولانور
بلوري دوشمز اله بربيله مهلت گيجه سي

غملييم غصه ليم چوخدي ملاليم بلوسن
بيله بر وقته مني ياد ايليوب نه گلوسن
بلورم سنده منيم تك آناجان غصه لوسن
گل حسينه ايلياخ ناله بو فرقت گيجه سي

هر سوزينده وار آنا قارداشمون غم اثري
ويرور هر لحظه و هر آن شهادت خبري
نولاجاق بو گيجه نون بلمم آچلسا سحري
يتميه كاش آنا جان باشه بو وحشت گيجه سي

بولمورم خوردا اوشلاقلاري يغوم من باشما
يا گيدوم خيمه سينه مونس اولوم قارداشيما
يا ويروم رخصت آنا حسرتيله گوز ياشما
آغلوروم هانسي بر احوالهبو حسرت گيجه سي

نولي بو چولده گلوب بر گله سن شيونه سن
باخاسان بو سوسوزوندان سارلان گلشنه سن
اولاسان بو گيجه بر مونس و همدم منه سن
آنا ياد ايتسه قيزين خوشدي بو الفت گيجه سي

اوغلوين بو گيجه باشدان داغلوبدور كمكي
 بر بلوك عترت النده قالوب آخر اتكي
گل آنا گور نجه بر درده دوشوب تك بتكي
 يوخ فراغت اولا آسوده بو مهلت گيجه سي

او احبا كه شهاب ايلديلر ياد سني
اولارين مرحمتي ايتدي بو نظم محني
سنده شكرانه سينه برده اوخي سر سخني
 گل حسينون آنا جان گلدي شهادت گيجه سي


آچار سؤزلر : نوحه,


بؤلوم : شب عاشورا یازار : hasanfatemefard 0 باخیش

نوحه امام رضا (ع)-اثر شهاب

چهارشنبه 7 اسفند 1392

+0 به يه ن
نام نوحه : امام رضا (ع)
نام شاعر : مرحوم ميرزا يوسف شهاب تبريزي

 
گل اوْغـۇل طـوسيـده مظلـوم اولـۆرم
اولمـۇشـام گؤر نئجه مسموم اولۆرم

غم گۆني غمخاريم اوغـۇل
گل اؤزۆن اوْل يارێم اوغۇل

 
گـؤزلريم گـؤزلير اوْغۇل ايمدي سني
ياده سـال بــۇ قـوْجــا وقتيمــده منـي
زهــر وئــردي منــه مــأمــون دنـي
گــل اوْغـۇل طـوسيده مظلـوم اؤلۆرم


سالـدێ ديلـد‌ن منـي زهـرين اثـ‌ري
درك قێـل سنـده بـۇ خونيـن جگـ‌ري
خــوْشـــدۇر اوْلاده آتــــا دردســـ‌ري
گـل اوْغـۇل طـوسيـده مظلـوم اؤلۆر‌م

 
گلمــ‌دي يانيمـه معصـومــه باجێـــم
آغلييئيـدي من مسمومـه باجێــم
قالـدێ حسر‌ت منه مظلومه باجێـم
گـل اوْغـۇل طوسيده مظلوم اؤلـۆرم



آچار سؤزلر : نوحه,


بؤلوم : امام رضا(ع) یازار : hasanfatemefard 0 باخیش

امداد حضرت ابوالفضل (ع) از امام حسين (ع)-اثر شهاب

چهارشنبه 7 اسفند 1392

+0 به يه ن
نام شاعر : ميرزا يوسف شهاب تبريزي(شهاب)


قوْل دۆشـدي، علـم ياتــدێ اخـا لشـگر الينـــده
قالـدێ باشێـم اوْن يئــددي نفـــر كافــر الينــده


دۆشدۆم يئره قوْلسۇز، يارالـێ سينـه شكسته‌
دوْرو بــريمـي آلــدێ قـوْشـۇن، دستـه بد‌ستــه
جـــللاد جفــا پيشـــه بـــراد‌ر باشێــم اۆستـه
اقــدام ائلييب قتليـــم اۆچـۆن خنجـر الـينــده

ال گئتـــدي بـد‌نــدن آتـام اوْغلـۇ علــم الــدن
ظلميلــه وۇرولـدوم همـي باشدان همـي بئلدن
يوْل گؤزلمه‌سين قارداش حسين، نازلێ سكينه
مشكيــم بلــ‌شيب قانـه ستـمگـرلر الينــده

بــۇ يئـــرده شهـابيلـــه اۇلـــوبلار چـــۆن عـــزادار
وار بــۇ ســؤزه شاهد قلـــ‌م ودفتــ‌ر الينــده




بؤلوم : حضرت ابوالفضل(ع) یازار : hasanfatemefard 0 باخیش

1 | .. | 4 | 5 | 6 | 7 | 8 | .. | 9 |

 

بلاگا گؤره


    سلام
    بو وبلاكين سعي وار
    بهترين تركي نوحه شعري لري نين سيچيلميشين
    سيزين حضوروزه تقديم ايليه
    ياعلي


سایغاج


ایمکان لار


    اسما خداوند متعال

    log

    کد لوگوی سه گوش گوشه نما