گلچين حسيني
در جلالت امام رضا(ع)
+0 به يه ن
نام شاعر : مرحوم سيدرضا حسيني(سعدي زمان)
قربان اولوم جلالتيوه يا ابا الحسن
چوخ شائقم زيارتيوه يا ابا الحسن
مين بير آديله آدلانوب ا... لايَنام
اسم رضادي مظهري بو آدلاري تمام
اي اسمي اسم اعظم حق، اي شه اَنام
عاجزدي عقل مدحتيوه يا ابا الحسن
دنيانين اهلي رسميدي يوخ شبهه و مقال
شيرين آدي گَلنده عسلدن وورار مثال
شيرين دور اهل عشقه عَسَلدن ولي وصال
قربان اولوم حضرتيوه يا ابا الحسن
تلخين مثاليني عُقلا زهريدن وورار
عُشّاق ايچينده عكسينه امّا عقيده وار
مين دفعه زهريدن آجيراقدور فراق يار
يوخ منده تاب فرقتيوه يا ابا الحسن
آگاهيسن اوزون سن اَيا شاهِ ذوالكرم
من عاشقم سنه، ديمه مدّاح و نوكرم
بير آستانون اوپماقي مين خُلده ويرمرم
آند اولسون اوز امامتيوه يا ابا الحسن
بيگانه بُلمز عشق غمين، آشنا بُلر
گيزلين رموزي عالم جهر و خفا بُلر
قلبيم نجه يانور بير اوزون بير خدا بُلر
دل تشنه دور سقايتيوه يا ابا الحسن
سن مظهر جمال خداي عطوف سن
كَشّافِ هَمّ و غمّ و كُروب و لهوف سن
معروف سن بو اسمه امام رئوف سن
جانلار فدا عطوفتيوه يا ابا الحسن
چوخدان دوشوبدي خسته گوگل اشتياقيوه
ياندورما بير بيله مني نارِ فراقيوه
ايسته گَلوم بهشتيدن اعلي رواقيوه
ويرّم قسم رضايتيوه يا ابا الحسن
اي شاه مُلكِ سِلم و رِضا، اَيُّهَا الرِّضا
نوميد اولا گداي درون اولماسان رضا
باخ گور روادي اي شه اقليمِ اِرتِضي
من گَلميوم زيارتيوه يا ابا الحسن؟
سن شاه ماسِوا، سنه من كمترين گدا
شاهه گداني بوش يولا سالماق دگُل روا
بير باخماقون ايدر ايكي دنيامه اكتفا
اولّام رَهين منّتيوه يا ابا الحسن
قبروندن اوتري گوگلوم اَسور مثل برگ بيد
بير سائلم قاپوندا سيه روي و مو سفيد
ويرّم قسم جوان بالاوا ايتمه نااميد
قيل مفتخر عنايتيوه يا ابا الحسن
هجرونه گوز ياشيم قاريشوب قلب قانينه
رحم ايله بو بلا كشين آه و فغانينه
ويرّم قسم شَها سني معصومه جانينه
ايسته گَلوم زيارتيوه يا ابا الحسن
اي جود و بخشش و كرم و فضل معدني
اوغلون جواد جانينه ويرّم قسم سني
بيرده قوناق چاقور او گوزل قبريوه مني
مشمول قيل كرامتيوه يا ابا الحسن
دلدن آلوبدي طاقتيمي درد فرقتون
نيلوم نصيب اولموري فيض زيارتون
هر صبح و شام ياد ايدرم حال غربتون
يانّام ملال غربتيوه يا ابا الحسن
فرياد و داد او وقتيدن اي خسرو حجاز
مسموم ايلدي سني مامون حيله ساز
بو فكريله كه ايليه بير نوع سِترِ راز
گَلدي سنون عيادتيوه يا ابا الحسن
گوز ياشلي عرض ايدردي كه اي شاه محتشم
بو بَس دگُل فراقون اولور مايه ي اَلَم
طوس اهلي ايلوري مني بو امره متّهم
مه عاملم شهادتيوه يا ابا الحسن
مامون اگرچه قاتليدي اي شه كِبار
امّا حياليدور گنه اول شوم كين شعار
اوز ايتديقي خطاسينه ايلردي اعتذار
آغلاردي حال رحلتيوه يا ابا الحسن
امّا نه بي مروّتيميش شمر بيحيا
جدّون حسينين ايتدي بدندن باشين جدا
ووردي باشين جدايه همان غملي ماجرا
اولدي سبب مصيبتيوه يا ابا الحسن
من نوكرم قاپوزدا، حسيني دي شهرتيم
لايق دگُل اگرچه بو درباره خدمتيم
امّا بو بوش اَليله گنه يوخدي وحشتيم
گوز تيكميشم شفاعتيوه يا ابا الحسن
جدّون اوزي بيله بويوروبدي مفضّله
قرآندي اصل مدركي، روشندي مسئله
واللهي قبريدن دوراجاقدي گُله گُله
قائل اولان ولايتيوه يا ابا الحسن
بؤلوم : امام رضا(ع) یازار : hasanfatemefard 0 باخیش
شهادت امام صادق(ع)
+0 به يه ن
نام شاعر : مرحوم سيد رضا حسيني( سعدي زمان)
حسين ذكرينه گوگلوم اگرچه شايقدور
ولي بو يرده خياليم امام صادقدور
بلا بو رسميدي اهل ولادن آيريلماز
اودور امام هميشه بلادن آيريلماز
ديوب بلايه بَلي يكسر عترت ياسين
خلا كلاميدي چون سيني يادن آيريلماز
بلا و محنت اسيري امام صادقه باخ
دوزر بلايه غم و ابتلادن آيريلماز
ايدوب او سروري خانه نشين بني عبّاس
تقيّه محنتي اول مقتدادن آيريلماز
قويِيديلر قالا آسوده كاش خانه نشين
گوروردولر كه نماز و دعادن آيريلماز
جفا و جوريده منصور قويمادي نقصان
جهاندا رسميدي ظالم جفادن آيريلماز
ايدوبدي صادق آل محمّدي مسموم
هواي مُلكي اولان بد هوادن آيريلماز
امام او زهريله اوز جدّينه اولوب ملحق
وصيّ ختم رسل مصطفادن آيريلماز
وصيّت ايتميشيدي اوغلي ايتدي غسل و كفن
عمل وصيّته اول پيشوادن آيريلماز
جوار امام باقرده دفن ايدوب آتاسين
بالا محبّتينه باخ آتادن آيريلماز
بقيعيدن قلميم كربلا اييي آلوري
بو قان اولان اورگيم كربلادن آيريلماز
اولوم حسينون او شش گوشه قبرينه قربان
حسين ده اكبر گُلگون قبادن آيريلماز
بيله گمان ايدورم ايمديده يارالي باشين
آلوب ديز اوستونه اول مه لقادن آيريلماز
يارا چتيندي اگر اولسا گوز قاباقينده
بو غم او خامس آل عبادن آيريلماز
باخاندا ايمديده سسلر جوان اوغول ايواي
حسين ''حسيني'' بو آه و نوادن آيريلماز
بؤلوم : امام صادق(ع) یازار : hasanfatemefard 0 باخیش
حضرت ابوالفضل (ع)
+0 به يه ن
نام شاعر : سيدرضاحسيني(سعدي زمان)
نام نوحه : حضرت ابوالفضل (ع)
من ابوالفضله‌م جماعه‌ت، شؤهره‌تيم دۆتمۆش جاهانێ
قودره‌ت-وْ-آللاه اوْغلۇيام من، حيدر-ي-كررار-ي-ثاني
ياديگار-ي-نامدار-ي-غازي-ي-بدر-وْ-حنينم
حيدر-ي-كررار آتامدێر، مرتضي‌يه نور-ي-عئينه‌م
هم سپه‌هسالار-ي-لئشگه‌ر، هم علمدار-ي-حۆسئينه‌م
ائيله‌ره‌م ظاهير بۇ چؤلده، صوله‌ت-ي-شير-ي-خۇداني
ديلده يوْخ بير ذره باكيم، گر دۆتا دونيانێ دۆشمه‌ن
اؤلدۆ گرچه آل-ي-هاشيم، اوْلمايێن اؤلمه‌كده‌ن ايمه‌ن
قوْيمارام جوْنبه‌نده سيزده‌ن تيغ-ي-قهرآمێزێله من
چرخ-ي-اطله‌س گؤرسه تيتره‌ر، بۇ حيسام-ي-جانسيتانێ
مجليس-ي-شۇراي-ي-جنگين، صاحيب-ي-اۇره‌نگييه‌م من
لئشگه‌ر-ي-شاه-ي-حيجازێن، باهۆنه‌ر سرهنگييه‌م من
بۇ كؤمه‌كسيز پادشاهێن چۆن وزير-ي-جنگييه‌م من
وئرسه رۆخصه‌ت ائيله‌ره‌م بۇ عاله‌م-ي-ايمكاني فاني
گر ائده‌م دعوايه ايقدام، ائي گوروه-ي-پست فيطره‌ت
قوْيمارام قالسێن بۇ چؤلده بير نفه‌ر سيزده‌ن سلامه‌ت
گئچمه‌ك امما باش-وْ-جاندان، چۆن وظيفه‌مدير جماعه‌ت
قانێميله ئينه وئرره‌م، بير حيات-ي-جاوێدانێ
بيشه‌ي-ي-هيجاده شيره‌م، قاف-ي-رزم عنقاسييه‌م من
هر فونون-ي-جنگ-وْ-جنگي ايشله‌رين داراسێيه‌م من
عيتره‌ت-ي-شير-ي-خۇدانێن، تئشنه لب سققاسێيه‌م من
نهر-علقه‌مده‌ن خييامه، باغلارام آب-ي-رواني
خئيمه‌ده آغلێر سۇسۇزدان، عيتره‌ت-ي-شاه-ي-مدينه
العه‌طه‌ش فريادي يئرده‌ن، اوْوج ائدير عرش-ي-برينه
چيگنيمه سالدێ گله‌نده، بۇ قۇرۇ مشكي سكينه
ائيله‌دي سۇ ايلتيماسێ، بير منه گلدي گۆمانێ
بۇ حۆسئيني كي سيپاهێن، ائيله‌ييب‌سيز قانا غلطان
جان-ي-زهرادێر جماعه‌ت، هم ايمام-ي-كوْون-ي-ايمكان
حجت‌الله بيلميسيز گر، فرض ائدين سيز بير مۆسه‌لمان
قوْيمايێن يانسێن سۇسۇزدان، عيتره‌ت-ي-بي‌خانێمانێ
ائيله‌دي ايتمام-ي-حجت، لئشگه‌ره هر چند اوْ سروه‌ر
اوْلمادێ اصله‌ن مؤثر، گلمه‌دي رحمه اوْ لئشگه‌ر
بير نفه‌ر سسله‌ندي امما، كئي هۆنه‌روه‌ر پۇر-ي-حيدر
ائيله‌مه سۇ اۆسته بيجا، سن ملامه‌ت شاميياني
گر ايكي ايشده‌‌ن بۇ چؤلده، اوْلمايا بير امره مجرا
يئر يۆزين دوْلدۇرسا دريا، وئرمه‌ريك بير قطره اصلا
يا گره‌ك قارداشێن اوْلسۇن، بئيعه‌ته ديلده‌ن موهه‌ييا
يا بۇ تشكيلاتێ پوْزسۇن، تيغ قيلسين حؤكمراني
جنگ عباسي گؤره‌نده، قۇدسييان گلدي نوايه
سس سسه وئردي مله‌كله‌ر، عرض قێلدێ مرتضي‌يه
ائيليري عباس دعوا، يا علي باخ كربلايه
گؤسته‌رير اوْغلۇن حۆسئينه، گؤر نه نؤوعي جانفيشاني
بير رشاده‌ت، بير شجاعه‌ت، گؤسته‌ريب اوْل تئشنه سققا
عرصه تنگ اوْلدۇ سيپاهه، سێندێ صفله‌ر قاچدێ اعدا
آلدێ تا نهر-ي-فراتي فارئس-ي-مئيدان-هيجا
بئيره‌قين نهر اۆسته وۇردۇ، اوْل وفا-وْ-مئهر كاني
لئشگه‌ره سس دۆشدۆ آلدێ، نهري بۇ يالقۇز علمدار
خئيمه ده ناگه ائشيتدي، بۇ سسي تئشنه اۇشاقلار
خێرداجا قێزلار سئويندي، داده گلدي آل-ي-اطهار
باشێنا يێغدێ سكينه، عيتره‌ت-ي-آل-ي-عباني
اللـه‌رينده بوْش سۇ جامێ، گلديله‌ر داده نوايه
يۆز دوْلاندێردێ خانێملار، بارگاه-ي-كئبرييايه
عرض ائديبله‌ر بارائلاها، حافيظ اوْل صاحێب لوايه
حفظ قێل شر-ي-عدۇده‌ن، ياديگار-ي-مرتضي‌ني
...
اوْل قده‌ر گئچميب، حۆسئينين گۆل كيمي رنگي سارالدێ
سسله‌نيب واي قارداشێم واي، زينبين آرامێن آلدێ
يعني عباسێن سۇ اۆسته، قوْللارێن شام اهلي سالدێ
اوْخلانێب سۇ مشگي گئتدي، طاقه‌ت-وْ-تاب-وْ-تواني
بؤلوم : حضرت ابوالفضل(ع) یازار : hasanfatemefard 0 باخیش
زبانحال حضرت زينب (س) در وداع با امام حسين (ع)
+0 به يه ن
نام شاعر: مرحوم سير رضا حسيني
نام نوحه : زبانحال حضرت زينب (س) در وداع با امام
گل بير دولانوم باشووه گيت تاجداري زينبون
قربان گيـدن يولاّريـوه جانِ فكاري زينبون
هر ياندان اوز امّيديمي كسديم بوگون من بينوا
بو چولده گوز تيكديم سنه اي ماسوي‌اللّهه رَجا
سنده گيدورسن بس نئجه تاب ايليوم ايئتموم نوا
يوخ يدّي قارداشدان قالان بير غمگساري زينبون
باغريم حسين قان باغليوب وار محضرونده چوخ سؤزوم
امّا ديليم دوتمـور دييم مأيوسم عمرومدن اوزوم
غصّه گلوگير ايليوب ويرمـور امان آغلار گوزوم
وار حقّي گوزدن خون دل گرايئسته جاري زينبون
تاپشوردون اطفالون منه اي قُطب افلاك و سمك
يالقوز بير عورت نيلسون قرخ مين قوشون يوخ بيركمك
چكمـور گريبانيمـدن ال هشتــاده‌دين قـاره لچك
گلمور اجل تا گورمسون بو گيروداري زينبون
باشدان آتـام حيدركيمي قانون آخور گوز قاشيوه
باغريم اوقان تك قان اولوب آند اولسون اول گوز ياشيوه
گلمور ديزيم بير آز دايان زينب دولانسون باشوه
نه ديزده نه دلده حسين وار اختياري زينبون
گيتمه بويون قرباني دور قول بوينووا بيرده سالوم
باس قانلو باشون سينمه تا جدّيمون عطرين آلوم
روحيم اميديم عزّتيم گل قويما قارداشسيز قالوم
سن اولماسان اولماز يقين عزّ و وقاري زينبون
قيزلار باخوردي خيمه‌ده ممكن دگولدي كشف راز
يوخ بوردا ايمدي اهلبيت اي خسرو ملك حجاز
وار دلده بير گيزلين سوزوم عرض ايئتماقا قيلسان مُجاز
عرض ايلرم اي روحيدن آرتوخ نگاري زينبون
سويله گوروم گورماقلوقا بيرده گلورسن عترتون
قويدون پريشان يا باجون زلفي كيمي جمعيّتون
آخـر سفـردور بوسفـر اولمـاز دوباره رَجعتون
عمرونجـه قلبينـده قالار بـو انتظاري زينبون
ايئتدي اشـاره باشيله يعنـي باجي باخ نيزه‌يه
باشيم كسيلسون آز قالور گلسون فلكلر لرزيه
ذات خـدا ايتسـون بپـا عرشينده بـزم تعزيه
اولسون او بَزمه منعكس تا آه زاري زينبون
زينب ايئشيتجك بو سؤزي باش آچدي گلدي شيونه
عرض ايلدي قارداش حسين بير خواهشيم واردور سنه
تك‌تك وداع ايئتدون هامي اطفالي تاپشوردون منه
بو فيضـدن قالدي ايكي لاله عُذاري زينبون
ايله عطش دلدن سالوب قالموب اولاردا صبر و تاب
غشّ ايليوبلـر خيمـه‌ده اي نـور چشـم بوتراب
گُل يوزلرينه سپماقا يوخ خيمه‌ده هـر چند آب
اشگيلـه امّـا ديـده‌ده وار جويبـاري زينبون
ايله تواضع گل اوزون گور اول ايكي نورس گلي
تا دللرينـده قالمـاسون حالـه گلنـده نسگلي
القصّـه گَتـدي خيميــه زينب شـه دريـادلي
حالي پوزولدي قارداشين گيئتدي قراري زينبون
گوردي يوز اوسته قول بويون بيرجفت مه منظر ياتوب
اشگيله توپراق ايسلانوب يوز گوز قرا تللّر باتوب
گورجك بوحالي شاه‌دين اؤز فكريني باشدان آتوب
گور زلفي چوخ آشفته‌دور يا روزگاري زينبون
دوتقـون سسيلـه ايليـوب زهـرا قيزي اوّل ندا
گوردي اويانمولاّر اولار بولدي كه وار بير ماجرا
تا اَل يتوردي قووزاسون گوردي اولوبلر يوخ صدا
ويران اولوبدور صبردن محكم حِصاري زينبون
باخ گور بو درد و محنته داش اولسا دل ايلر دوام
واللّهـي بيـر زينب دؤزر بيــرده امام تشنه كام
ذيحقّدور قان آغلاسا صاحب‌زمان هر صبح و شام
اولسون نقدري آلميوب داد اشگباري زينبون
ايستردي آيريلسون حسين زينبدن آغلاردي گؤزي
ويرّم قسم اول‌وقتينه بير سن بولورسن بير اؤزي
قورتار فشـار دهردن لطفاً قبول ايئت بوسؤزي
مخلوقه محتاج ايئتمه اي پروردگاري زينبون
بؤلوم : امام حسين(ع) یازار : hasanfatemefard 0 باخیش
زبانحال حضرت زينب(س) در كوفه
+0 به يه ن
نام شاعر: مرحوم سير رضا حسيني (سعدي زمان)
نام نوحه : زبانحال حضرت زينب(س) در كوفه
گيرنده كوفيه زينب باخوب جدا باشينا
دييـردي درد دلين اؤز يارالي قارداشينا
گلوبدي نيزده قانلو باشين ديله قارداش
كلام حقـي اوخـور اهل باطله قارداش
دوباره ياره ووروبلار آخار باشون قاني
يانار بلالي باجون بيله نيسگيله قارداش
اوقان دولان گوزون آچ دربدر عيالووه باخ
ووروبدي بوينوموزا شمر سلسله قارداش
بلالي باشوين عشقـي سالوب بلايه مني
بو حال زاريمي بيركيمسه يوخ بوله قارداش
اوقدر قمچي ووروب شمر قوللاريم گووروب
بو غملريله باجون اؤلميوب هله قارداش
باشميدان آلديلا غارت گونونده معجريمي
ائدوم نچـاره‌كي محتاجم حائله قارداش
ندن سوروشموسان احواليني بوخون‌جگرين
باجوني هاردا گوزوندن سالار بيله قارداش
سينيق كجاوه‌ده باش آچوخ بازاري گزورم
بو بخت قـاره‌ده بـاخ بير تحمله قارداش
بـو اهـل كوفه تصدق ويرولّه قيـزلارووا
دوشوبدي عترتوون امري مشگله قارداش
حسينـي زينب كبـري ديلينجـه ياز بيرده
گلوبدي نيزه‌ده قانلو باشون ديله قارداش
بؤلوم : حضرت زينب(س) یازار : hasanfatemefard 0 باخیش
خطاب جناب زينب به‌سر مطهر امام حسين(ع)
+0 به يه ن
نام شاعر: مرحوم سيد رضا حسيني(سعدي زمان)
نام نوحه : خطاب جناب زينب به‌سر مطهر امام حسين(ع)
نيزده قارداش باشون ايلور تجلّا زينبه
گوسترور هر جلوه‌سيندن مين تسلّا زينبه
پرتـو انــور حقـدن نـوك نيزه طوريدي
طورده موساني حيرتده قويان بو نوريدي
لفظ «اَرني»دن كليمه نور حق منظوريدي
«لَن» تَـراني سويلين اولموش هويدا زينبه
نيـزه‌ده باشـون گورن اي مظهـر حيّ وَدود
سويلوري عيسادي بو داره چكوب قوم يهود
شعلـه آهيلـه وورسا مشعل خورشيده دود
وار يري دُوردومجي گؤيدن باخسا عيسا زينبه
اي هـلالي زينبــون وي صـورتي بَدر تمام
ايله‌موشدون بو گيجه يوخسا كول اوستونده مقام
تازه آي تك گوسترولّر بير بيرينه خاصّ و عام
باشـووه خلـق ايلـور ايما باشون ايما زينبه
تئـز گليـدون پيشـوازه سـن گرك قالـدون گيجه
قالموشـام حيرتـده من بولمم گونـوزدور يا گيجه
گون ندور اولسا گيجه گوندوزدور آي چيخموش نيجه
اولساگر گوندوز ايدوب غم ليل يَلدا زينبه
اي هدايـت اهلينـه مصبـاح ذات ذوالمِنَن
نـه ديوم نـه چكموشم شام غريبانوندا من
روشن ايتموشدون گيجه خلوتگه اغياري سن
بير قرانلوق خيمه اولموشدي مصلّا زينبه
اي جمـال اللّهـه مَظهـر وجهي وجه باقيه
مينديروب عشقون مني قول باغلو عريان ناقيه
عشق اولا بـو باده عشقي ايچوردن ساقيه
ايله مست ايلوب گلور غملر گوارا زينبه
ايمدي تبليغات ايدوردوم خلقه اصل مذهبي
تاسسون گلدي گلوگير ايتدي غصّه زينبي
سن دانيش زينب دلون قرباني آندور مطلبي
خارجي آد قويماسون بو قوم اعدا زينبه
ايله محـو ايتـدون مني بير جلوه ديدارده
اوزلوقومدان خارج ايتدون مجمع اغيارده
باشون آردينجـا دولانّـام كوچه و بازارده
عالم عشقونده خوشدور هر بلايا زينبه
هاشميّانـه آچوبـلار ظلم اَلين اهل جفا
گه دوگولّر قيزلارون گاهي ديولّر ناسزا
بير نفر يوخ دادرس ناچار ايدولّر اِلتجا
گـه رقيّـه گـه سكينـه گـاه ليـلا زينبه
فكريمه ايتمزدي هيچ بو ماجرا قارداش خُطور
سن اؤلرسن زينبين باغلار قولون قوم شَرور
ايلـر اهـل كوفـه‌دن بـو پايه‌ده كينه ظهور
كف چالالار طعن ايدلّر دُخت‌زهرا زينبه
زينبون دينديرمسن دينديرمه قوي پژمرده حال
اوز قيزوندور فاطمه باري دانيشدير گوگلون آل
آز قالور قلبين اريتسون غصّه ايتسون ارتحال
بو صغيره دردي اولسون درد عُظمي زينبه
ايتمورم يالقـوز مـنِ بيخانمان ني‌‌تك نوا
هاردا بير اوغلي اؤلَن وار دلشكسته بينوا
ييِغميشام اطرافيمه منلن اولوبلار همصدا
آغلياندا سس ويرور بير دسته ثَكلا زينبه
ايلين گونلـر آتـام حيدر خلافت كوفه‌ده
خدمتيم اولموشدي اهل شهره عادت كوفه‌ده
ايمدي ايلولّر منه قارداش شماتت كوفه‌ده
تنگ اولوبدور چشم سوزن‌تك بو دنيا زينبه
ظاهـراً گــر چـه اسيرم دستگيرم بيقرار
باطناً امّا خوشام چون وار رضاي كردگار
صورت مكشوفه‌لـرده معنـي تـوحيدوار
بو اسـارت گوستـرور صورتده معنا زينبه
اي حسيني چوخ مقدّسدور بو زينب ساحَتي
غصّه‌دن مين ايل گيچوب عمرونده هر بير ساعتي
هر كيمون اولسا بيوك دردي چتين بير حاجتي
صـدق اوزيله يا حسينه آغلاسون يا زينبه
بؤلوم : حضرت زينب(س) یازار : hasanfatemefard 0 باخیش
زبانحال حضرت زينب به باد صبا
+0 به يه ن
شاعر: مرحوم سيدرضاحسيني (سعدي زمان)
نام نوحه : زبانحال حضرت زينب به باد صبا
صبا حسينه وير خبر قيزون رقيّه جانويرور
سنون كفن سيز اُولماقون خرابه‌ده نشان‌ويرور
قيزون رقيّه جانويرور
بابا بابـا ديــور يانـور ايـدور نظر صاقا صولا
يقين يولون گوزتلوري تيكوبدي چوخ گوزون يولا
بـو قـدر قويمـا گوزلـري يولونـدا انتظار اولا
نَويد وصلون اولساگر حيات جاودان ويرور
پوزوبدي حالي حاليمي گرك اؤلونجه دل يانا
اگر چـه نار غصّه‌دن ياخوندي قلبيم اودلانا
تمـام غصّـه بيريانـا ولـي بـو غصّـه بيريانا
قوري يئر اوسته بيله جان بو طفل ناتوان ويرور
حرملـرون باخـور يانـور آنـاسي اشگبار اولور
جنازه اوسته باش آچوب باجيسي ساچلارين يولور
قولونـدا قمچي يرلرين گورنده گوزلريم دولور
حُنوطي خاك غسليني بو چشم خونفشان ويرور
نه وار سسيمه سس ويرن نه بير نفر گلوب گيدن
گـوره بـالام غـريب اؤلور تدارك ايليه كفن
ايدوم نه چاره نـه كمك نه وار هرايمه گلن
نه ديز گلور نه دل دوتور نه گوز ياشيم امان ويرور
حسين يارالي قلبيمون گل ايمدي ياره‌سين بِتور
قيزيـوي قبره قويماقا اؤزون بو منزله يئتور
مني سويوبلا باري سن اَلونده بير كفن گتور
اميدي يوخدي بيركسه باجون سنه گمان ويرور
وطن دگل بـو شهر شام اولا قبيلمـه قريب
جنازه‌سين گوتـورماقا گلـه قبيلـه و حبيب
بو اهل شهره نابَلَد اسير شمر اوزوم غريب
غريبون اهل شهر اولان سسينه سس هاچان ويرور
نه فرش و نـه چراغ وار خرابه يئردي منزلي
نه سو و نه طعام وار نه سوز ديه دوتور دلي
باجون چتيندي حلّ ايده اؤلونجه بيله نسگلي
حجـاز عزيزي شامـده بـو ذلّتيله جـان ويرور
باخـان بولـر ملاليمي گوزومده قانلو ياشمه
باشيم اوجاليقي تؤكوب نه كول زمانه باشمه
نولوبدي بس منيم ائليم نه گلدي آل هاشمه
صباح و شام دردسر بيزه بو شاميان ويرور
سُموم جور و ظلميله خزان الوبدي گللرون
خـزان گُلينـه بنـزوري بو طفل ناز پَرورون
آجيندان عارضي سولوب سارالدي بو گل تَرون
بهـار عمر زينبـه بو غصّه‌لـر خزان ويرور
سـزادي بـو يتيمه‌نون فغاني كَوْني دولدورا
اَجَلسيز اؤلدي اؤلدوروب بوني عدو وورا وورا
اولـوب اياقـي آبلـه اياقـه ايستـوري دورا
دورانـدا ياره يرلري اياقلاريندا قان ويرور
حسيني بخت كوكبون دوشوب تزلزله سنون
ايدور محّب سرزنش بو حاله طَعنه دشمنون
نهـان مَلالـدن عيـان چيخار سپهره شيونون
حسينه آغلاسان خدا مرامووي اينان ويرور
بؤلوم : حضرت زينب(س) یازار : hasanfatemefard 0 باخیش
در آرزوي زيارت قبر حضرت امام حسين
+0 به يه ن
شاعر: مرحوم سيدرضا حسيني متخلص به(سعدي زمان)
اولموشام مدّتدي قبروندن حسين دور آغلارام
اؤلسم گلّـم اوركـده وار بو منظور آغلارام
هر كس اولدي دهرده بير مه‌لقانون عاشقي
منده اولدوم بير حسين بير كربلانون عاشقي
رسمدور عاشق اولار ني تك نوانون عاشقي
اولموشام سر پنجه عشقونده مقهور آغلارام
غصّه‌دن قانيله دولموش گؤگلومون پيمانه‌سي
اولموشام عشقونده من بير نحويله غم خانه‌سي
آديمـي سسلـر حسينيلـر حسيـن ديوانه‌سي
ايليوب عشقون مني ديوانه مشهور آغلارام
من گدا سن بيرجه شاهنشاه گردون بارگاه
گيزلين عشقيـم وارسنه آگه‌سن اي سرّالاه
گر گدا شاهـه اولا عاشـق دگول شاها گناه
عشق جرم اولسا وارام جرمومده معذور آغلارام
من گنهكاري آقا درك ايتمميش پيك اجل
گوشه چشميله بيـر لطف ايله اي صبح ازل
يا مني اِيسته گليم يا جان‌ويرن وقتيمده گل
گورسون عزرائيل اليمده واردي منشور آغلارام
گر منـي ايتسـه مَخَيّـر كـردگار ذوالمنن
كربلاني ايستوسن يا روضه رضواني سن
ايسترم كربوبلانـي نيلـورم فردوسي من
قبـروه قـالام مجاور تـا دم صور آغلارام
ايلورم بير عمر دور شش‌گوشه قبرون آرزو
طوف ايدم قبرون قيلام اشگيله گردين شستشو
محشـره بـو خدمتيلـه اَخـذ ايدم بيـر آبرو
اولماسام بو خدمته اي‌شاه مأمور آغلارام
بيرده گورسيديم اگر بالاي سرده دورموشام
كاسه چشمي سرشگ چشميله دولدورموشام
اكبـره پائيـن پــا ده بـزم ماتـم قورموشام
فاش ايدوب قويمام قالا بوعشق مستور آغلارام
رحـم ايلــه بـو بي‌پناهيـن ديـده گريانينه
قويما ممزوج اولسون اشگ حسرتي دل قانينه
گؤگلوم ايستور قبرووي آند اُولسون اكبرجانينه
يئتمسم وصله گوزومده واردي تا نور آغلارام
نيليـوم يتمـور اليـم اي شهريــار مستظام
بويني چگننده دوروب ويرّم اوزاقدان بيرسلام
السّلام اي جان‌ويرن كرب و بلاده تشنه‌كام
ايلـرم قبـرون مجسم زار و رنجور آغلارام
السّلام اي حق يولوندا جاه و عزّتدن گيچن
السّلام اي سو يرينه لخته لخته قان ايچن
السّلام اي اوز اليلـه اوغلونا خلعت بيچن
وصل اكبردن ايدن ليلاني مهجور آغلارام
السّلام اي سو ويرن قاني بلا صحراسينه
السّلام اي آدي زينت هـر بلا طغراسنيه
السّلام اي غرق اولان كشتيسي قان درياسينه
سالدي ساحلدن مخالفلر سني دور آغلارام
السّلام اي ذات پاك كردگارين مظهري
السّلام اي لفظ ثاراللهين عالي مصدري
السّلام اي «وِتر مَوتورون» مترجم مضمري
قان ايدوب گوزياشيمي بير «وِتر مَوتور» آغلارام
السّلام اي سو كنارينده لب عطشان جان‌ويرن
السّلام اي قوملار اوسته جسمي بي‌غسل و كفن
السّلام اي نيزه‌ده گون تك باشي شامه گيدن
ياد ايدوب احوالووي اي نَحْري منحور آغلارام
السّلام اي مَصْرعي قانيله دريا تك دولان
السّلام اي غسلي قاني توپراقي كافور اولان
السّلام اي نعشي اوسته زينبي زلفون يولان
زينب آدي آرتورور باشيمده مين شور آغلارام
مُلتجي دور بو «حسيني» يا حسين آگاهسن
بير گداي رو سيه دورسن سَخي بيرشاهسن
اي «قَتيل العَبْره» اشگ چشمه خاطرخواهسن
ايستورم سنلن اولام محشرده محشور آغلارام
بؤلوم : امام حسين(ع) یازار : hasanfatemefard 0 باخیش
كرب و بلا چؤلونده طوفاندي يا محمد
+0 به يه ن
شاعر : مرحوم ذهني زاده (سائل ) تبريزلي:
كرب و بلا چؤلونده طوفاندي يا محمد
گؤندر كفن حسينه عورياندي يا محمد
مئهمان ايديبله دعوت قويموللا احترامين
سو ويرمئييبله بالله عطشاندي يا محمد
سقا گيديب فراته قويموبلا سو گتيرسون
بير شربه سو گتيرسه احساندي يا محمد
گل كربلا چؤلونده بير اوغلووا نظر قيل
گول تك يئر اوسته جيسمي خنداندي يا محمد
ابري-ي-ظلام دوتموش دشت بلاني يكسر
بير ابر باريشين گؤر پئيكاندي يا محمد
لئيلا نوايه گلميش سسلر هرايه اوغلون
هجر آتشينده قلبي سوزاندي يا محمد
دوشموش يانان چاديردا اصغر آناسي بيهوش
جانين آليبلا گويا بي جاندي يا محمد
داماد ماتمينده وار اؤزگه بير حكايت
قاندان عروس زولفي الواندي يا محمد
بو كربلا چؤلونده گويا قيامت اولموش
ديللرده وا محمد عنواندي يا محمد
انگشتر اوسته بجدل قطع ايليوب بير انگشت
بو سرّه مين سليمان حيراندي يا محمد
بؤلوم : روز عاشورا یازار : hasanfatemefard 0 باخیش
نوحه حضرت ابوالفضل (ع)
+0 به يه ن
شاعر : ديوان كاتب جلد دوم – ص 187
ييخيب دوشمنلريم قارداش مني ميدان آراسيندا
يئتيش فرياديمه قويما مني عدوان آراسيندا
گل ايندي گؤر علمداري
اولوب قاني سو تك جاري
خيامه سو گتيرمكده نه قدري سعي ائده ر ديم من
نه چاره اولمادي مومكون آليب اطرافيمي دوشمن
نه قول قالدي نه سو مشكيم، خجالت اولدوم اصغردن
دگيب ازبسكه اوخ جسميم قاليب پئيكان آراسيندا
سينيب شهپر دوچار اولدوم بو اعداي جفاجويه
قاليبدير گؤزلريم يولدا باخار حسرتله هر سويه
اوره كده مطلبيم واردور باخام بيرده او مه رويه
گل ايندي قويما عباسي غم-ي-هجران آراسيندا
باغيشلا خئيمه گاهه من گله نمه م سن گل ايمداده
ستمله كسمه گه باشيم اولوب قاتللر آماده
قوشون دريا تك هرياندان گلوب موجه بو صحراده
قاليبدير زورق-ي-جسميم اخا طوفان آراسيندا
شكايت ائتمه رم دوشمن ايكي قوللاريمي سالدي
مني بو يانديرير قارداش سكينه منتظر قالدي
او طفل-ي-مضطرون آخير سوسوزلوق طاقه تين آلدي
رضايم غيرتيمدن من وئره م جان قان آراسيندا
***
شاعر : ديوان كاتب جلد دوم – ص 198
آچ گؤزلرون نظر قيل صاحب-ي-علم ابالفضل
جرات تاپيبدي سن سيز قوم-ي-ظلم ابالفضل
يالقوز گؤروب حسيني آلميش آرايه دشمن
گول جيسمينه وورارلار تير و سنان ابالفضل
هانسي لعين ستمله سو مشكون اوخلاييبدير
عطشان قاليب تماما" اهل-ي-حرم ابالفضل
سينديرديلار بئليمي يوخ طاقت –و –توانيم
هجرونده ائيله ييبلر قدّيمي خم ابالفضل
***
شاعر : ديوان كاتب – ص 201
سالديلار قولوم قارداش
ساقيلا سولوم قارداش
تئز گل باشيم اوستونه
قوربانون اولوم قارداش
بؤلوم : حضرت ابوالفضل(ع) یازار : hasanfatemefard 0 باخیش
